احببتُ لاعباََ• 🇩🇿باللهجة الجزائرية 🇩🇿

🐱‍👤الثانية عشر🐱‍👤

ناضت سوسن ...بدلت الطابلة و هي من الداخل حاتبكي ...سوغتو كي قاللها موتي براحت...خرج ايوب يهدر فالتليفون...كي رجع قعد يشوف فيها حتى صونا تيليفون تع سوسن...شافت فالتيليفون و فايوب...ايوب عرف بلي باباها لي عيطلها...تبسم بسخرية ...هنا هيبة طلعلها الغاز...

هيبة: ايي نتا مالك ؟ حاسب روحك مانعرف وشني؟ماشي كي بدلاتك نسرين هاديك الجعبوط تقول على بنات الناس هكاك!سمير يرحم شوابين خرج عليا صاحبك لاندخل عليه بدبزة ...ني نايضة عندها الحق سوسن كي ولات تكرهك بعد هادوك السنين !

ايوب:روحي روحي لعندها...كامل راكم كيف كيف تطيحو ضحايا امبعد نتو دايرينها كحلة موراكم! 

و جبدو سمير و خرجو ديراكت...ايوب كان يخمم  وش هي حكاية الكره بعد سنين...راح نخليه غامض باش تكون للحكاية بنة😁

اب سوسن: وي بابا راني مليحة 

الاب: حمدالله بنتي ...سور مادرولكم والو؟

سوسن: لا جاو يحكو معانا رجعتلهم الهدرة 

الاب:ههه بنتي و نعرفها ! كون كنتي برا كون راحو للسبيطار...بصح ايوب تبانلي كان مقلق على هاد لافير

سوسن: راه مكذبني ...يقول لي انو عجبنا الحال و برا برا برا برا ....

الاب: ماديريش عليه ...تلقايه تقلق ...بناتي و نعرفهم وش يسواو

سوسن: ربي يحفضك بابا😥🤍

الاب: علاش راكي تبكي ؟ 

سوسن: ههه لا والو دهلتلي خشة فعيني...ربي يحفضك لينا يا بابا😁🤍

الاب:نشاله بنتي 🤎هيا مانطولش عليكم و ادا كش ماصرا عيطولي

كوبات سوسن وشافت فهيبة لي كانت هيتاني تبكي ...

هيبة:اوووف ريحت كاين واحد راه مأمننا

سوسن:شفتي؟ ماشي كي المسمار تاع ايوب...عمبالو رانا كي الزرزومية تاع نسرين ...خلينا راهي لحقت الماكلة 

بعد مرور20دقيقة تاع حرب مع الماكلة 

سوسن:ااااخ  شبعت حمدالله 😭🤎

هيبة:حمدالله ...ماكلتهم بنينة يا جدك😫💖

خرجو خلصو ...رجعتلهم الروح و المورال بعد هدرة الاب...تلقاو فالخرجة تاع الريسطو بسمير و ايوب ...ماحبوهومش خلاص و كملو يسوقو ...و الرجال كانو موراهم يتبعو فيهم ...سوير علابالو بلي صاحبو رنكلها جد بابها الحلوف دونك لقا بلي يتبعوهم من البعيد افضل...بصح ايوب لي يشد و يعاند قال بصوت مرتفع 

ايوب:كش كذبة قالتها لباباها كي راهي هنا مع صاحبتها تضحك و مزال تسوق!

هيبة:وش راه يهدر هادا؟

سوسن:يقود!

ايوب(بصوت عالي):كش نهار يا سمير يطيحو شرف باباتهم ! سوغتو مولات شعر المارون 

البنات زادو بعدو باه مايسمعوهش و هو قاعد يهدر ...سمير يحاول يسكتو اما مانجحش ! دخلووالبنات لواحد للبوتيك فيه القش كامل بداو يخيرو و يقيسو... الرجال قاادين يتبعو فيهم...ايوب سكت لانو ماراهمش يريبونديو تسما كره و بلع داك الفم😂

سوسن كانت تخير فواحد الروب جاية فغوز بيبي شابة و سامبل ...نطق ايوب

ايوب:مليحة لاروب تخرج عليك شابة 

ماردتلوش سوسن ...قالت لهيبة ...

سوسن: هيبة! ماراحش نديها خلاص ...

هيبة: بصح ...كنتي هابلة عليها بسيف بش لقيناها !! ماتتمسخريش 

سوسن:خلاص ...كرهتها!

فهم ايوب ...جبد روحو و قعد بتيليفونو يكونيكتي فكرسي

to be continued💞