احببتُ لاعباََ• 🇩🇿باللهجة الجزائرية 🇩🇿

💞الحادي عشر💞

ايوب:ووجوهكم كي دايرين ؟

الرجل2: ونتا وش راحلك؟

سمير:امسحو وجوهكم قبل ماتتخلط!

شاف الموظف الدعوة قارصة جا ليهم 

الموظف:كشما نقدرو نعاونوكم🐸

ايوب: ايه تعاون...شوف هادو يتبلاو فالبنات ...خرجهم و لا مانعرف وش تدير

الموظف:تقربلهم؟

ايوب:ايه هادي مرتي 

سوسن😳

سمير:وهادي خطيبتي

🤯😳هيبة

الرجلين☹😞🤯

الموظف:اسمحولنا في بلاصتهم...دك يخرجو 

خرجو الرجال ...و قعد ايوب مقابل سوسن و سمير مقابل هيبة...دايرين رجل على رجل عاقدين حواجبهم و يشوفو فالبنات ...البنات مهبطين ريسانهم و حشمانين ...حتى سوسن لي مالفة تحل فمها ...هاد الخطرة سكتت...سوغتو كي دافع عليها ايوب ...نطق ايوب

ايوب:وحدة منكم تفهمني الموقف

سوسن:كا....

قاطعها ايوب و قال 

ايوب: هيبة اشرحيلنا وش صرا

هيبة :....سوسن كانت حاتهدر 

ايوب:***قتلك اهدري!

سمير :اي نتا بلاعقل على خطيبتي 🙂

طلعت سوسن راسها و الغاز خارج من نيفها...ماتقبلش هاد الشي...

سوسن: اييي نتا ! وش حاسب روحك !كي تهدر هكا لصاحبتي اوزن هدرتك !

ايوب:هاي شافت فينا العروسة! نتي واحد ماهدر معاك ! باباك لي راح يهدر معاك 

سوسن: هههه اهدر لقدور لابغيت! شوف هادوك هوما جاو لينا يديرو فرواحهم جوني ديب ...وكي ردتلهم الهدرة ماعجبهمش الحال! ديجا وش راك تدير هنا ! تبع فينا كي الضل

ايوب:باباك العزيز لي خاف عليك بعثنا انا و سميؤ مالغري الريسك! وونتي تخدعيه!

سمير:هوما لي كانو يتبلاو فيها! ايوب ماتغلطش!

سوسن: لا حول ولا قوة الا بالله العلي العظيم ...لي هدرتو كامل راح ...هيبة اقعدي هنا ماتتبعينيش

هيبة :وين؟

سوسن: نبدل بلاصة مانقعدش  هنا ولا نموت

ايوب:موتي براحتك ...

سميرر:ايووووب اوزن كلامك!