الفصل الحادي عشر والأخير .
#بقدر_الحب_نقتسم
#فاطمة_علي_محمد
بعد مرور أربعة أعوام
كانت "مريم" بغرفتها تضع لمستها الأخيرة أمام المرآة لتجد من يضع يده أعلى عينيها هامسًا إلى جوارها بعشق متيم :
- بحبك، ممكن تغمضي عنيكي؟
قفز قلب "مريم" بين أضلعها شوقًا لتهمس بسحر أنثوي جامح :
- بحبك، بس إنت كده هتبوظ الميكب، واضطر اعمله تاني ، وبالتالي نتأخر على الفرح.
أدارها نحوه برفق وما زالت يده تحجب عنها الرؤية ليهمس بمشاكسة كبرى :
- نتصل ونعتذر عن التأخير ساعة يا ستي،
مش مشكلة يعني.
أبعدت يده عنها بمشاكسة وهي تردد بجدية مصطنعة :
- ما احنا كده. كده ممكن نتأخر على الفرح يا روحي .
ضيق "يحيي" عينه بخبث وهو يردد بسعادة :
- إوعي تقولي اللي في بالي.
دفعته عنها برفق واستدارت نحو المرآة ثانية معدلة من وضع حجابها وهي تردد بجدية مصطنعة :
- لا طبعًا مش اللي في بالك ده، بس لازم أروح عند ماما أطمن على "زينة ويزن".
مط "يحيي" فمه بتذمر مرددًا :
- دي "حبيبة" لسه واخداهم النهاردة الصبح.
التفتت نحوه تعدل من رابطة عنقه وهي تردد بتساؤل :
- وهي الساعات دول قليلين يا حبيبي؟ يلا البس جاكت البدلة على ما أجيب شنطتي.
وتخطته نحو خزانتها لتجد يده تتشبث بيدها بشوق جاذبًا إياها نحوه ليدمغ قبلة حانية بها وأحداقه ما زالت متعلقة بعينيها الصارخة بعشقه، ليهمس بولهٍ :
- فيه حد يبقى حلو كده؟
اشتعلت عيناها خجلًا وهي تهمس بخفوت شديد :
- عيونك اللي حلوة.
وغاصت في بحر عينيه الهادر بعشقها، لتجد تلك الحلقة المعدنية ذات الحجر اللامع تزين إبهامها فاتسعت عيناها سعادة وهي تطوف يدها بلاتصديق هاتفة :
- الله يا "يحيى" الخاتم تحفة.
ورفعت عيناها نحوه بعتاب مغمغمة:
- بس مش غالي شوية.
لثم يدها ثانية مغمض عيناه للحظات، ومن ثم فتحهما رامقًا إياها بسعادة لسعادتها هذه وهو يردد :
- عمري كله مش كتير عليكِ يا "روما".
أجابته بعشق قبل أن تدفن رأسها بين ذراعيه خجلًا :
- بحبك.
***************
بشقة "محمد" كانت "حبيبة" تركض لاهثة خلف "يزن" وتلك الـ "زينة" التي تسحب كل ما تطاله يدها وتُلقيه أرضًا بمشاكسة قوية لتلك التي تصرخ باسمها غاضبة: - "زينة" كفاية بقا.
إلا أنها رمقتها ببراءة شديدة وهي تشير نحو "يزين" أن هو المسئول، ليركض "يزن"
نحو والدته هاتفًا برجولة تفوق سنه الصغير هذا :
- أنا.
والتقط إحدى المزهريات المزينة لطاولة الردهة وألقاها أرضًا بقوة لتتطاير شظاياها بكل مكان، فاشتعل غضب "حبيبة" وصرخت به بحنق شديد :
- إيه اللي إنت عملته ده؟
