مابين الحب والحرب

بارت 3

بارت 3

زهراء : رجعنه للبيت وكان الوضع كلش حلوو الحفلة مستمرة للشباب وللبنات
اخويه الصغير : وين الدشادشة مالتي راح نركص جوبي
زهراء :موجوده بالكنتور تلكاها
اخويه الصغير : ماشي
زهراء : نزل اخويه لابس دشداشه لون سمائي كلش حلوة  ونزل وراه شخص ضليت مصدومة ومعجبة وكعت ب الحب من شفته هم جان لابس دشداشه وعيونه تلمع لمع تجنن لونهن عسلي وشعره لون بني فاتح وطوله ١٦٩ وزنه ٦٠
نزل بسرعه ويا اخويه وطلعوا برررة تدرون احس الدنيا وكفت من شفته او اصلاً تمنيت توكف حتى اباوع عليهه هوة الوحيد  الذي لم اصنف علاقتي بك أنت الحبيب والصديق والعافية انت خارج حدود المنطق دائما.

راح اعرفكم عليه منو هذا
اسمه امير ( ابن خالي) عمره ٢١ سنة تارك الدراسة ثالث متوسط ويشتغل عامل وصفته قبل شويه بس كل الي حجيته جان قليل لان اي شخص يوكع بالحب يحس كأنوا ملك من السماء كدامه

اخويه الكبير ( احمد) : لحد تطلع بررة ( طبعاً نضراته جانت عصبية)
زهراء : نسيت اكللكم اخواني من النوع الي يخافون على البنية هواي وكلش حريصين عليها
استمرت الحفلة إلى ساعة ب ١٢ بليل كل كرايبنه موجودين وباتوا يمنه كضيناها سوالف وضحك يوم من العمر والله
زهراء :صار الصبح وكلهم كعدوا من النوم البيت هوسة اعداد هائلة من الناس موجودين يمنه
خالتي : كومي بسرعه خلي انسوي ريوك للعالم
زهراء : كملنه الريوك وغسلنه المواعين جان شغل يتعب حيل بس عادي اهم شي ونسة وضحك وراها صعدت فوك حضرت ملابسي بس جنت ضايجة لان الكل مهتم ب نفسه واني مااعرف اخلي مكياج بجيت وقررت مااروح للزفة ماما ومرت خالي ضلوا يقنعون بيه
مرت خالي : امشي اني احطلج مكياج لزعلين راح اخليلج احلى شي
زهراء : ماشي عمة ( المكياج جان حمرة لون احمر عبالك ورد جوري وكحلة لون اسود صارت عيوني عيون غزال)
صارت الساعة ب ٤ العصر
بابا : يله راح تطلع الزفة تحضروا
زهراء : وصلت باب الشارع اني وخالاتي وعماتي وشفت أصدقاء اخواني كلهم موجودين ( اني جنت ادور عليه بيناتهم وشفته جان مبتسم ويباوع علينه كلنه لتخافون مو عليه وحدي )
السيارات جانت هواي بشكل اكبر زفة بالدنيا
وسيارة احمد ( العريس) جانت الورد مالتها لونه احمر والتزين حلووو
زهراء :وصلنه بيت العروس وركصنه ورجعنه بالطريق نزلوا الولد وأخويه احمد يركصون بلشارع واني اصور بيهم
رجعنه للبيت حضرنه الاكل وقدمنا للمعازيم
استمروا الشباب يركصون لحد ما زفوا احمد ل غرفته.....