بارت 7
زهراء : صعدنه كل واحد بسيارته
سيارتنه اني وبابا وماما وأخويه الصغير واحمد وزوجته
سياره خالي ابو أمير بيها خالو وزوجته وامير وأخوانه ٤
وسيارة ابن خالي هوة وزوجته وأمه وأخواته ٢ وبيت خالتي زوج خالتي وخالتي واولادها ٢ وبناتها ٢ وعمتي الصغيره
بابا : على بركة الله نطلع لشمال العراق ( السليمانية)
ماما : ان شاء الله الله يسهل
زهراء : بابا اشتريلنه جبس وحب ونساتل نكضي بيها الطريق اوووف ٧ ساعات شيخلصهن
اخويه الصغير : يي والله صدك مو طريق بس تعب
بابا : هذا ابو أمير يأشرلي من السياره خلي اوكف بصف سيارته اشوفه شنو يحتاج
خالي ابو أمير : اكلك حجي شوكت ننزل ناكل
بابا : بعد ساعتين ونوكف
زهراء : ( أمير كلما توكف السياره يم سيارتهم يباوع عليه ويبتسم واني انزل راسي اخاف ماما تشوفه يباوع عليه)
نمت ساعة وحدة بالطريق ومن وكفت السياره علمود الاكل نزلنه
كعدنه سوووة كلنه ١٧ شخص احنه اكلنه
كلش ونسة اول مرة نطلع هيج سفرة
كملنه اكل كل واحد صعد بسيارته واستمرينه بالطريق
بابا : هاي السليمانية وصلنه الحمدلله الساعه ب ٣ العصر
اخويه الصغير : صدك
بابا : يي والله شوفي زهراء المناظر الطبيعية شكد حلوة عدهم وأماكن تخبل اكو هنااا
زهراء : يي بابا مبينه حلوة
ماما : هااا ام عبودي وصلنه
خالتي ام عبودي : هلة بيكم حبيبتي
زهراء : اول موصلنه لبيت خالتي كلش فرحوا خالتي وزوجها وبناتها سلمنه عليهم واتفقنه منطلع هسة نرتاح لليل يله نطلع
خالي ابو أمير : وين تريدون نطلع بليل
زهراء : خالو تعبانين من الطريق خلي نروح لحديقة قريبه على بيت ونتعشة ونرجع
بابا : يي والله هيج احسن وباجر نطلع من الصبح لغير مكان
خالتي ام عبودي : راح اسوي اكل هنااا وناخذه ويانه
ماما : لا نشتري من المطعم اكل وناخذه للحديقة اكعدي كلشي منريد
زهراء : صارت الساعه ب ٧ المغرب بدلنه وطلعنه للحديقة( اهم شي أمير ويانه لان هذا احلى شي بالسفرة)
رجعنه للبيت ب ١٠ بليل
احمد اخويه : زهراء طلعيلنه فراش راح يجي أمير ياخذهن
زهراء : اوك احمد
أمير : زهراء وين الفراش
زهراء : كل شويه انطيه شغلة (بس يريد ياكلني بعيونه من كد ميباوع عليه ومبتسم)
زهراء : همزين خلصت انطيته كل الفراش وراها رحت نمت على ايد ماما
خالي ابو أمير : يله اكعدوا ورانه طلعة حتى تكملون الاكل وتبدلون
ماما : يي ابو أمير كعدنه
خالتي : يله يبنات اكعدن بسرعه لان ساعة بس على المكياج تكضنها
زهراء : يوم جديد وصباح الخير عليكم.......
بديت يوم جديد وجميل اكيد لان يمي كل الي احبهم اتمنى انتو هم يجي يوم وتروحون ويا الشخص التحبونه سفرة وتتونسون ويا بمكان مثل الحلم والله
ماما :صباح النور حبيبتي
زهراء : اريد اروح اغسل اكو احد هناك ( لان اعداد هواي كل شويه واحد يجي يغسل)
ماما : كومي حبيبتي انتي شوفي
زهراء : اوف ماشي... طلعت من الغرفه وصار بوجهي أمير اني وامير واحد ضحك للثاني ضلينه اني ويا نباوع على بعض ( بكلبنه كلام بس نخاف نطلعه... صباح الورد والحب على حبيبي)
خالتي ام عبودي : يلا زهراء تعالي غسلي
زهراء : يي اجيت خالة ( ردت بس اهرب لان طبعي اخاف كلش من المشاكل فوك متتصورون ووصلت بيه المرحلة مرات من اشوفه اروح لغير مكان حتى مااتعلق بيه لدرجه جنون)
خالي ابو أمير : يله شباب ماضل وكت امشوا بسرعه
ماما : يي كملنه عيني
مرت خالي ابو أمير : اطلعن بنات
زهراء : يي عمة ( طلعنه سوووة وكل واحد صعد بسيارته وتوجهنه على مطعم حتى ناخذ اكل... اخذنه ٤ دجاج ويا تمن وعصاير وخبز)
بابا : متوجهين حالياً ل اكبر مدينة ألعاب بالعراق
زهراء : صدك.... اويلي متحمسة حيل
(وصلنه لمدينة الألعاب تقريباً العصر ونزلنه كلنه هناك والسيارات خليناها بالكراج)
ابن خالي : شوفوا الدخولية مال العاب بس يراد مشي حتى نوصل ل الألعاب
بابا : يي ان شاء الله
أمير : شنو هل مكان يجنن
زهراء : يي والله ( كل خطوة نتحركها سوة عيني بعينه ومبتسمين مثل طيور الحب)
خالي ابو أمير : وصلنه هنا نكعد
بابا : يله افرشوا حتى نكعد
زهراء : بدوا اخواني وولد خالي يفرشون حتى نكعد
ماما : ابو أمير عيني خلي ناكل قبل لا نروح نتمشة ويلعبون البنات
خالي ابو أمير : يي احسن حتى بعد منرجع هنا
زهراء : ماما صبت الاكل وبدينه ناكل كل واحد يسوي لفة ويكوم لان مجوعانين كلش
ابن خالي : اني راح اخذ زوجتي وامي وخواتي ونروح نلعب
اخويه الكبير : راح اخذ زوجتي واروح اني هم
زهراء : ( ماما وبابا وخالي ومرت خالي راحوا وحدهم) وبيت خالتي نفس الشي
بنت خالتي : بقينه بس احنه الاربعة ٢ بنات و٢ شباب
اخويه الصغير : يي مجموعة تخبل أمير وزهراء واني وبنت خالتي
زهراء : يي هههه ( اويلي واخيرا راح نتمشة سوووة)
زهراء : (اخويه عمره ٢٢ سنة وبنت خالتي ٢٣ سنة)
أنت تقرأ
مابين الحب والحرب
Romansaبالحب والحرب كلشي مباح... هل تسمح لنا الحياة ان نحصل على مانريد أم تفرض علينا حياة استثنائيه رغمأ عنا........ أم امير : عيني روحي شوفي بنتج صارلها اسبوع تحجي ويا أمير انتي عرفتي ولدج كلهم تربيهم بس هاي لا زهراء : والله تخبلت ماعرف شحجي ذولة الجانت...
