مابين الحب والحرب

بارت 15

زهراء : مرضي ماله علاج حيل تعبت صرت مثل الجثة حتى روح مابيه والله وماما حيل خافت عليه حتى الليل ماجنت انام بيه اضل هيج كاعدة من الوجع قررت ماما توديني ل شيخ يرقيتي شويه حتى ارتاح
زهراء : اجه الشيخ عليه للبيت لان جان صديق والدي وحالتي متتحمل اطلع

...... لا تعليق على صار بيه
حسب تشخيص الشيخ انو هذا سحر بملابس مالتي او غراض مأخوذة مني بدون ماادري ومن وراه هيج صاير بيه
استمريت اتعالج فتره طويله حيل كل ليلة تمر عليه عبالك سنة والخوف معافني ابد حتى اصلي واقرة قران بس نفس الشي والسحر مالتي بالحذاء الي اختفه من بيت امير
اخر مره كلت بعد مارجع للشيخ لان جنت حيل اتأذة وبالطريق من رجعنه جانت الساعه ب ١٠ الصبح دكت بيبي على ماما
بيبي : حبيبتي شلون صارت زهراء
ماما : والله بعدها
بيبي : ان شاء الله مابيه غير العافيه... ردت اكلج اخوج ابو امير البارحة دك على ابو مريم وخطبها منه ل امير وافق ابوها وان شاء الله راح نروح نشتري الذهب ونهاية الاسبوع المهر مالتهم
ماما : ها يمه بالعافيه شايفين كل خير... ونسدت المكالمه
زهراء : ( حتى عدوي ما اتمناه بهيج موقف والله ابد شحجيلكم كلبي مات مادري روحي راح تطلع احس صار الدنيا خنكتني)
ماما : امير راح يزوج شتكولين
زهراء : بالخير عليه ( يا خير راح اموت اني)
ماما : بكلمة وحده اكدر انهي كلشي تريدينه احجي
زهراء : لا ماريد شي بس ارجع للبيت ارتاح تعبت حيل
رجعت للبيت وصلتني رسالة من خالتي بنتها عدها امتحان ولازم اروح اقريها كلت ل ماما قبلت عادي

زهراء : هلو خالة شلونج
خالتي : هلو حبيبتي... والله لا عدها بنتي امتحان ولا شي ردت تجين علمود امير راح يزوج
زهراء : ( بجيت) كتلها انوب يريدني اروح للمهر حتى احطله سم بالعصير هوة وياها واخلص ومنو راح ياخذ اقرب صديقة الي مريم كضيت حياتي وياها بالتالي تاخذ الشخص الاحبة الله كريم
خالتي : احجي ويا شوفي شيكول خلي يلغي هاي سالفة
زهراء : ( طبعا دزيتله رسالة من حساب مال فيس جان عندي كال انتي منو كتله اني زهراء كال ها عندج فيس ترة بس الدايحات عدهن فيس كتله اولا مو مالتي وثانيا مريم هم عدها فيس جان يكول شرايدة كتله اريد احجي وياك كال مشغول هسة مع السلامه).... وراح هيه الروحة عرفت ماكو أمل هاي هيه خالة انتهى كلشي لتعبين نفسج
خالتي : ماريد حبكم ينتهي هيج
زهراء : انتهى وراح من اليوم للي امير كال الله لا يوفقج ويا هذا الشخص الدتحجين ويا

والخميس اجه يركض ركض مردت اروح بس كلهم مقبلو كال حتى ميكولون ضعيفة كدامه رحت للسوك اشتريت ٣ سيتات ملابس واحد احلى من الثاني بس روحي طالعة
رحت للحفلة لبست تنورة مشجرة وقميص لون وردي وحذاء كعب وردي ( الي بالحفلة خالات امير كلهن يسألن بيه وين زهراء وين زهراء ويأشرون عليه)
رحت للغرفة شبعت بجي وحدي بدون محد يدري ( امير حبيبي ديلبس الحلقة ل وحده مو اني وباسها من راسها ولبسها ذهب وشربها عصير وهذا كله يريدون ابقة صامدة حتى لو حجر جان وكع والله)......