بارت 10
زهراء : صارت الساعه ب ٣ العصر وقررنه نرجع للبيت
والطريق كله مشغلين اغاني ونغني ونركص اويلي الجوو يجنن بس الوحيدة ماما جانت ضايجة ماما كل شويه تباوع علينه اني وأمير لحد مااوصلنه للبيت
خالتي ام عبودي : يله تعالوا صبينه عشة
زوجة احمد اخويه : يي خالة
زهراء : عاشت ايدج تعبتي نفسج
خالتي ام عبودي : لا حبايبي تدللون والله مادري شلون راح تروحون تعودت عليكم
زهراء : اووف خالة تدرين الايام تركض ركض
زوجة احمد اخويه : يله أن شاء الله نجي
زهراء : يي بعد الف سنة يله تتكرر هاي السفرة
( جان كلبي يحس اخر مره اجي هنا واشوف أمير بعد اووف)
زهراء : كملنه عشة وكعدوا الولد يسولفون والبنات على تليفونهن واهلنه ناموا
بنت خالي : امشي زهراء نكعد بررة شويه الجو حلوو
زهراء : يله اجيت (كعدنه شويه بالحديقة برة)
بنت خالي : هذا اخر يوم هنا بس تعرفين كلش تونسنة والله واتمنه نرجع نكررها
زهراء : اول مرة نكعد هيج ونطلع سوة الله يديم المحبه بيناتنه
بنت خالي : ان شاء الله حبيبتي
زهراء : أمير وين رايح هسة الساعه ب ١٢ بليل طالع برة
بنت خالي : اكيد يحجي ويا حبيبته ههه
زهراء : يي يمكن ( اشتعلت نار بداخلي وحسيت صدك لان لو صديق أو كرايب شكو بيها يحجي جوة بالبيت مو برة بالشارع )
خالتي ام عبودي : بنات هاي منو فاتح الباب مال الشارع
بنت خالي : هذا أمير ديخابر برة
خالتي ام عبودي : زهراء حبيبتي بلكي اطلعين اصيحين أمير حتى اقفل الباب من يطب جوة
زهراء : هسة خالة ( همزين كتيلي لان لوما كايلتلي جان اني طلعت)
زهراء : ( اول مافتحت الباب شفته ديخابر ويضحك لو تشوفون شلون باوعت عليه بشكل كلش عصبي ودرت وجهي)
أمير : لج زهراء تعالي والله هذا ولد والله هذا ولد صديقي
زهراء : عزززة راح يسمعونك بس نصي صوتك اويلي ( بسرعه طبيت جوة حتى وجهي صار اصفر وتوترت)...
خالتي ام عبودي : ها زهراء وينه راح يطب
زهراء : يي يي خالة اجه
بنت خالي : يمعودة اكيد ويا بنية ديحجي
خالتي : يي كلهم الشباب هيج
زهراء : واخيرا طب جوة
أمير : زهراء اريد بطانية من الغرفه وعيب نايمين بلكي تنطيني من جوة
خالتي ام عبودي : اني راح ادخل وانطيك
زهراء : لا خالة اني كمت
خالتي ام عبودي : ماشي
زهراء : طبيت جوة لكيت هاي اخر بطانية همزين وأخذتها وطلعت عليه
أمير : هاج هاي الكلادة
زهراء : كلت ماريدها
أمير : بس اخذيها بعد اشتريتها ب اسمج
زهراء : لحد يجي ويشوفنه الله عليك أخذها ماكدر
أمير : بس شوفيها واذا متريدينها اشمريها
زهراء : ( اخذ ايدي لزمها روحي رادت توكف اول مرة الزم ايده بيها كل الأمان والحب والخوف واحس بيه قريب عليه ل هاي الدرجه من سحبها حط بيها الكلادة)
أمير : هسة انطيني البطانية
زهراء : أخذها من عندي واني ضليت حايرة اخاف خالتي وبنت خالي بالحديقة يطبون ويشوفوني واكفه وبيدي كلادة رأسن شمرتها بالسلة مال نفايات
( تدرون شلون شكلها لونها فضي والحرف مالتي لونه احمر والاطار مالته فضي كلش حلوة)
خالي ابو أمير : يله كوموا الساعه ب ٦ الصبح راح نطلع لبيتنا
ماما : يي عيني ان شاء الله
زهراء : اول مكعدت صليت وبدلت وطلعنه كل واحد بسيارته الكأبة مسيطرة على الجو لان انتهت الونسة واللمة الحلوة بيناتنه
وصلنه البيت ب ١٢ ونص الظهر
ماما : ابو احمد بس اخذلنه غدة لان بيت ابو أمير راح يجون ويانه يتغدون
بابا : تدللين عيوني
زهراء : اجوي ويانه ل بيتنه وتغدوا
خالي ابو أمير : يله احنه نتوكل على الله ونروح لبيتنه
بابا : خير ان شاء الله توصلون بالسلامة يارب
زهراء : طلعنه وراهم للباب ( اريد ابجي والله وأمير يباوع عليه من شباك السياره ومبتسم)
تحركت سيارتهم وعينه ضلت عليه تباوع........
أنت تقرأ
مابين الحب والحرب
Romanceبالحب والحرب كلشي مباح... هل تسمح لنا الحياة ان نحصل على مانريد أم تفرض علينا حياة استثنائيه رغمأ عنا........ أم امير : عيني روحي شوفي بنتج صارلها اسبوع تحجي ويا أمير انتي عرفتي ولدج كلهم تربيهم بس هاي لا زهراء : والله تخبلت ماعرف شحجي ذولة الجانت...
