بارت 8
زهراء : خلي نمشي شويه
عمر : تعالو خلي نصعد ب التلفريك
بنت خالتي : اريد اريد.... متحمسة كلش
أمير : الدخولية النفر ب ١٠ الف
زهراء : يي عادي ندفع ( ركبنه احنه ال ٤ متونسين ال اخر درجة اويلي اول مرة بحياتي اطلع هيج واشوف الدنيا كلها والحب موجود وياي ماريد اي شي بعد)
زهراء : أمير الطريق كله بس ونسة وضحك كضاها
وطبعا ماانسك نظراته تخبل تجاهي
أمير : تعالو خلي ناخذ صوره ذكرى ل هاي اللحظه
اخويه : الو ها بابا
بابا : تعالو
اخويه :اجينه... خلي نروح هسة عود بعدين ناخذ صورة
زهراء : ( أمير جان يريد ياخذ صورة موجوده اني بيها متأكدة) رجعنه نفس المكان الي بيه اهلنه وأخويه مقبل يرجع ويانه نتمشة لان تعبان رجعنه بس اني وأمير وبنت خالتي
بنت خالتي : تعالو نروح يم النافورة الراقصة
أمير : يله امشوا اليوم اني القائد
زهراء : هههه يي
زهراء : بنت خالتي وصلت قبلنه على النافورة الراقصة واني وأمير نمشي نفس المستوى كل واحد من عدنه كومة حجي ب كلبه بس ساكتين
أمير : زهراء اشتريتلج هدية كلادة قبل لنجي تاخذيها هسة
زهراء : لا ماأخذ شي
أمير : والله بحرف اسمج اذا خايفه من امج
زهراء : ماريد ( جنت أكدر أخذها واضمها بدون مااحد يشوفها مااعرف ليش رفضت اما أمير رأسن سكت وضاج).... مشيت بسرعه وصلت يم بنت خالتي
بنت خالتي : شوفي الجمال اخذيلي صورة هنا
زهراء : ماشي... بس خلي نرجع حتى نروح للبيت ضجت وتعبت
بنت خالتي : شبيج زهراء مو انتي كلتي خلي نتمشة واجينه شكو شصار وضجتي
زهراء : ماكو شي لج بس هيج تعبت ( أمير واكف بمكان بعيد علينه ومبين ضايج )
بنت خالتي : أمير تعال يله راح نروح
أمير : يي يله امشوا
زهراء : رجعنه الطريق كله اني ساكتة وأمير نفس وضعي وبنت خالتي بس تاخذ صور
وصلنه ل مكان التجمع المتفقين عليه
خالي ابو أمير : يله راح نرجع للبيت ماضل وكت
اخويه : ماشي خالي
زهراء : رجعنه للبيت واني وأمير واحد ميباوع بعيون الثاني من شكله ضايج مني لان مقبلت الهدية
ابن خالي : باجر ان شاء الله نطلع ب ٧ الصبح لان الطريق طويل راح نروح على بحيرة ومكان كلش هادئ
بابا : ان شاء الله.... الله يسهل
خالي ابو أمير : وعلمود الاكل ناخذ ويانه دجاج ولحم وهناك نشوي
ماما : احسن فقرة هاي بدون تعب للنسوان
بابا : هوة احنه نريدكم ترتاحون
زهراء : صارت الساعه ب ١٢ بليل الكل ناموا واني بداخلي حيل ضايجة جبرت نفسي على نوم حتى انسة شويه
كعدنه ب ٦ بدينه نبدل ب ٧ اجتي سيارة كبير أجرناها ٤ عوائل احنه وبيت خالتي ام عبودي
زهراء : (ركبنه بالسيارة كل شخص كعد بمكان أمير كعد يم عمي كدامي واني وراه اني وبنت خالتي .... شغلوا اغاني تخبل والكل بده يركص من ضمنهم أمير اني شويه ارتاحيت من شفته.....
أنت تقرأ
مابين الحب والحرب
Romanceبالحب والحرب كلشي مباح... هل تسمح لنا الحياة ان نحصل على مانريد أم تفرض علينا حياة استثنائيه رغمأ عنا........ أم امير : عيني روحي شوفي بنتج صارلها اسبوع تحجي ويا أمير انتي عرفتي ولدج كلهم تربيهم بس هاي لا زهراء : والله تخبلت ماعرف شحجي ذولة الجانت...
