بارت 12
زهراء : ثاني يوم كلت بعد ماكدر احجي ويا خاف احد يعرف
مريم : هلا بنت خالتي
زهراء : هلو حبيبتي
مريم : اكلج متدرين ب أمير
زهراء : شبيه
مريم : نكسرت رجله خطيه وحيل مريض
زهراء : صدك تحجين ياربي
مريم : يي لج حتى إذا تريدين اسوي محادثه وانتي احجي ويا لان خطيه مريض
زهراء : يي عادي والله بالي يمه
زهراء : ها أمير شلون صرت
أمير : ليش اني شبيه ههههه
زهراء : انته مو مكسورة رجلك
أمير : لا هذا مقلب بيج حتى تجين نحجي
زهراء : صدك تحجون انتو والله وكعتو كلبي
أمير : يمه اسم الله على كلبج
مرت تقريباً ٣ ساعات واحنه نحجي سوووة الله حيل تونست بسوالفه وتوقعوا أضل اضحك من احجي ويا
زهراء : قررت اروح لبيت عمتي واحجي ويا اخر مره واكله اهلي ميقبلون نحجي واخاف ماكدر احجي وياك والي يحب مو اله يوميه يتواصلون لان كل شخص حبه بكلبه
اليوم جان عندي دوام بس مرحت لان سنوني حيل توجعني ورحت اخذ اجازه من المدرسه وراها رجعت للبيت من الوجع رأسن نمت وكعدت على صوت ماما
لو مكاعدة احسن
ماما : اكلج صدك انتي حاجيه ويا أمير
زهراء : شنو
ماما : لجذبين عليه احجي الصدك
زهراء : يا أمير ماما محاجيه ويا اي احد
ماما : لا أدري حاجيه هسة جانت تحجي وياي مرت خالج وكلتلي
زهراء : شكلتلج
ماما : كتلها شكو أمير يباوع على زهراء السفرة كلها وترة تصرفاته معجبتني
مرت خالي : عيني روحي شوفي بنتج صارلها اسبوع تحجي ويا انتي عرفتي كلهم تربيهم بس هاي لا
زهراء : ( والله تخبلت ماعرف شحجي ذولة الجانت عندي ثقة بيهم صارت للكاع وامير لو زين ميخلي امه تحجي هيج بس صارت بعد)
ماما : كولي والله محجيتي ويا أمير
زهراء : يي والله حجيت
ماما : راح اتخبل صدك تحجين انتي انوب أمير يعني هذا اكثر واحد جنت احبه بين ولد اخواني وهسة خسر الثقة مالتي جنت مأمنه بيه هنا اكول خوش ولد بس طلع مو هيج وانتي هم فضحتيني كدامهم يعني كلامها ل تكلي بيه معرفتي تربين حيل ضوجني
زهراء : خلي يولون ذولة
ماما : بعد مطلعين ل اي مكان وبعد لا بيت خالة ولا عمة نهائيا وهذا أمير بعد ميطب للبيت هنا اني اعرف شلون اصرف
زهراء : ( انفتحت عليه دوامة شكبرها بعد متنسد ياربي)......
زهراء :مرت يومين واني على هاي الحالة كرهت الناس كلهم بس بالي شغلة وحدة اريد اوصل ل مريم حتى اخليها تحجي ويا أمير وتكطع علاقتي بيه وتنهي كلشي وتكله تمنيت ماعرفتك لان لو زين متخلي امك تحجي هيج
عمتي : هلو حبيبتي شلونج
زهراء : هلو عمة الحمدلله انتي شلونج
عمتي : زينة اكلج تروحين وياي لبيت خالج
زهراء : والله مادري خلي اكول ل ماما لو انتي تعالي كليلها لان متقبل
عمتي : ام زهراء خلي زهراء تروح وياي لبيت خالها شويه ونرجع لان عندي شغلة هناك
ماما : تروح وياج وترجعون المغرب ماقبل غير هيج
عمتي : ان شاء الله هاي هيه
زهراء : بسرعه بدلت وطلعنه اني وعمتي نتمشة الطريق كله نسولف ونضحك لحد موصلنه
مريم : هلا زهراء وينج أمير كالب الدنيا عليج شكو بيناتكم
زهراء : لتذكرين اسمه هذا ماريد اعرف اي شي عنه وانتهة كلشي بيناتنه بس وصليله هذا الحجي
مريم : لج والله يكول اني مادري ب امي من خابرت والله مالي دخل جنت بالشغل ورجعت لكيت هذا الحجي كدامي
زهراء : اني قبل هاي سوالف ردت اجي واكله بعد منحجي خليها لوكتها بس اجتي من يمهم مو من يمي
زهراء : رجعت للبيت وسوالف ماما بعدها براسي وكل شويه تذكرني وضايجة عليه
شوكت اخلص من هاي سوالف ياربي يعني الي يحب هيج يصير بيه كله من ورة اهله الي يريدون بس يضوجون ماما ان شاء الله يجي يوم واتحدة واحد من عدكم يحجي وياي لو يوصل الي الله كريم
بعد أيام واشهر بس موصلت ل سنة
أمير يريد بس يوصلي واني مطلع من بالي ابد دائما وياي وحيل ضايجة ومشتاقتله وأريد اشوفه بس من اذكر اهله وسوالفهم وماما ارجع اضوج واكرهة
خالتي ام عبودي : وأخيراً راح نستقر يمكم
زهراء : اويلي الحمدلله ( صدك راح أمير بس خالتي عوض ثاني)
خالتي ام عبودي : اكلج انتي شعندج َ ويا أمير
زهراء : اهو خالة يعني ماما لازم تحجي
خالتي ام عبودي : والله سمعت بس اريد اسمع منج انتي تحبينه
زهراء : يي....
خالتي ام عبودي : والله أمير اكثر واحد احبه من ولد أخواني بس ماتوقعت انتو تحبون بعض عبالي اخوان هههه
زهراء : خالة شبيج هههه
خالتي ام عبودي : بعده تواصل بيناتكم
زهراء : لا آخر مره قبل كم شهر
خالتي ام عبودي : اذا دكت امه اكللها خلي يخابرني أمير
زهراء : خالة ماريد احجي ويا
خالتي ام عبودي : يي متريد تحجي ويا وهيه راح تموت علموده اسكتي بابا
زهراء : ماما والدنيا كلها متريد احنه سوة شكو متعبين نفسنه
خالتي ام عبودي : ترة اني وعمج حاربنه الدنيا واخر شي هسة متزوجين الحمدلله وعايشين عيشة تخبل
زهراء : ماشي هسة اذا دك عليج واذكرني هسة ناسيني
خالتي ام عبودي : ليش الي يحب ينسة عوفي هاي سوالف
زهراء : خلي نكمل شغل وباجر اذا دك عود كليلي شحجيتي ويا أمير ......
أنت تقرأ
مابين الحب والحرب
Romantizmبالحب والحرب كلشي مباح... هل تسمح لنا الحياة ان نحصل على مانريد أم تفرض علينا حياة استثنائيه رغمأ عنا........ أم امير : عيني روحي شوفي بنتج صارلها اسبوع تحجي ويا أمير انتي عرفتي ولدج كلهم تربيهم بس هاي لا زهراء : والله تخبلت ماعرف شحجي ذولة الجانت...
