وراح وراحت روحي ويا........
رحنه لبيتهم جان يزفوا لغرفته لو ميته احسن مااشوف هذا المنظر راح يكون ويا وحدة مو اني وراح تشاركه الحياة البنيناها سوة اني ويا وراح تسمي بنتها ب الاسم الختاريناه ل بنتنه بس شسوي محد ياخذ اليحبة بهاي الدنيا كلنه هنا ضيوف وتاليتنه مصيرنه نموت
صرت طالبه سادس ولازم اطلع معدل حتى احقق حلمي واشوفهم منو زهراء الي ضلو يشمتون بيه ودائما ميريدون الها الخير بس الله كريم ضليت ادرس صبح وليل ماعوف الكتاب وامتحنت الإمتحانات النهائية وكاعدة انتضر النتيجه كالو بعد خمس دقايق وتطلع كلبي مثل النار لان هذا كسر ل اي شخص يكرهني
زوجة اخويه : لج ناجحة
زهراء : صدك ياربي الف الحمدلله ( متت بجي من الفرحة) سويت حفلة نجاح وعزمت كل صديقاتي وكرايبنه صارت حفلة تخبل كلش حلووة الأجواء وراها قدمت على كلية جنت رايدة كلية قانون بس كلهم حاربوني لان اخويه الله يرحمه جان كلية قانون فميحبون هذا القسم بس ضليت مصرة عليه ومعفت حلمي ( اكول لو امير ضل منتضر جان هسة ماما قبلت وكلشي صار احسن)
وأخيراً طلع قبولي كلية القانون وراح اصير احلى محامية....
ومرت سنة من الكلية ومرت السنة الثانية وهسة اني راح اداوم مرحلة ثالثه اطبق بالمحكمة بس يراد وحدة كلش جريئة اكيد مو اني لان اني كلش خجوله كدام الناس
اما أمير ضليت اسمع اخباره بدون مااشوفه وسمعت مرته جابت بنيه وسماها ميار ذكرى من عندي لان الما يحصل على نصيب يسمي اسمه على الحبيب 💔💔
وبيوم اجتني رسالة على تليفوني من رقم كاتب بيها اريد احجي وياج ضروري من يصير عندج مجال كتله انته منو كال امير
رحت على خالتي ردت اشوف شيريد من عندي ورة مزوج ومرت سنتين
أمير : شلونج زهراء
زهراء : تفضل محتاج شي
أمير : بس اريد اسأل عليج شخبارج
زهراء : زينة مابيه شي مشية حياتي عادي
أمير : شفتي ميار عدها غمازة مثلج
زهراء : الله يحفظها الك
أمير : كتبت شعر الج واريدج تقرينه
زهراء : شنووو... ( امير شنو بعدك مناسيني حتى ورة مصارت عندك بنية)
أمير : الحب الاول ابد محد يكدر ينساه ابد والله....
أنت تقرأ
مابين الحب والحرب
Romanceبالحب والحرب كلشي مباح... هل تسمح لنا الحياة ان نحصل على مانريد أم تفرض علينا حياة استثنائيه رغمأ عنا........ أم امير : عيني روحي شوفي بنتج صارلها اسبوع تحجي ويا أمير انتي عرفتي ولدج كلهم تربيهم بس هاي لا زهراء : والله تخبلت ماعرف شحجي ذولة الجانت...
