مساء الخيرات
⚘⚘⚘⚘
#اعادةنشرقصة
#عزيزالعاشقين_ذليل
للمبدعه الجميله Roro Rose
#بارت١
مفضلات:
اهلي مجتمعين يقررون وين راح اكمل دراستي وبأي مكان وباي جامعة طلع الي كلية قانون جامعة تكريت ورائد وابويه صارلهم اكثر من اسبوع بحرب رائد يكول خلوها تحول لكليه ادنى ببغداد وابويه رأيه مغاير يكول اروح يم عمامي واكمل دراستي هناك والظاهر اذا بقوا بهالخلاف اني تروح عليه السنه رائد يكول ابطلها ووما تروح بعيد عن عيونه ووالدي يكول اله بعدني عايش واشم الهوا من اموت هذاك الوقت تتحكم بيها وهناك هي مو بعيدة عند عمامها وتحت عيونهم
عمامي ساكنين بمنطقة جنوب سامراء بناحية تابعة لمحافظة صلاح الدين احنا اصلنا مناك وعمامي لساهم هذاك سكنهم بس بحكم عمل والدي قاضي بمحكة .... احنا صرنا من سكنة بغداد رائد يشتغل بوزارة الداخلية وهو خريج علوم سياسية وهم حاليا يدرس مدري شنو حتى يحول للقضاء وشخصيته ما تقل عصبية وهيبة عن شخصية والدي واني يصراحة مثل الطلي ساحليني بيناتهم لا اختاريت كلية ولا كتبت انسيابية ولا ادري شكو اللي عليه اقره وهمه يختارون بين قوسين شخصية دون خط القيادة بس اروح وره رائد وارجع وره ابويه
اسمي سنا عمري ١٨ سنه كملت سادس ادبي وقبولي مثل ما كلنا ما الي علاقة بي طلع التقديم للكليات والاستمارة بيد رائد ووالدي همه ملوها وهمه اختاروا الي اختصاص القانون يعني عود شايفيني هيج قوية واوكف بمحاكم هو اني بخزرة من رائد لحد هذا العمر اصير جريدي واكيد سلك المحاماة والقضاء كلهم هيج لو البشر كلهم هيج ما ادري بعد😁😁
شخصيتي ابد مو مثل باقي العائلة طالعه لامي هادئة وساكته طول الوقت وما تجادل باي موضوع وهي كانت تخليني اصير جبانة لا تراددين لا تحجين لا تدافعين عن نفسج ربتني بهالطريقة وبحكم عمل والدي وغيابه عن البيت فأكيد اتبع امي
علاقتهم هي وابويه شبه منقطعة كلامهم على كد السلام والاوامر حطي الاكل وشيلي سوي هيج وروحي منا وتعالي منا وبدون نقاش طبعا وهي ساكتة والدي من النوع العصبي ما يتناقش يعتني بنفسه كلش ويحب العطور والاناقه وعرفت بعدين عنه شغلات غير هاي هوايه يحب يسهر ويطلع بالليل سهرات بس امي ابد ما تعترض اصلا تصلي الوتر و صلاة الليل وتنام حتى ما تنتظره يمكن اني اغار عليه اكثر منها رغم هو رزن كلش وهادئ بس يبقى رجل ودائما اللي مثله بالافلام مرغوبين للزواج 😁😁 لا تستغربون جنت اغار على ابويه لان صاك ويخبل وحلو وبعده كلش قوي وعمامي كلهم متزوجين اثنين بس هو باقي بس عليها
وامي من اهل الله كلش الحمرة بعمري ما شفتها تزين شفتها وملابسها كله طوال وعراض ماخذه طبع اهلها بصلاح الدين كلش ملتزمه وكل شي عدها عيب وممنوع بس والدي عكسها يحب الاغاني والطرب ويسمع اغاني ويشوف رقص شرقي لا تستغربون هوايه مثل ابويه وهوايه مثل امي اثنينهم تره مدري شلونهم
