٩________١٠
عزيز العاشقين ذليل 💘
البارت التاسع
مساومات
رجعنا للبيت ونزلنا اني ورند فتنا للبيت لكينا بابا وعمامي واولادهم كلهم مجتمعين ببيت جدي راجعين من الحفلة
اول ما دخلت وشافني ابويه صاح عليه حتى اسلم عليه لان اني كضيتها اتهرب من شوفته
سلمت واجيت افوت بس وجهي مبين واصلا من وصلنا للباب يلا مسحت دموعي وسكتت
فاضل كاعد يم بابا لما شاف وجهي كبل عدل نفسه وباوع بوجهي والتفت لرند سألها
فاضل:شعجب جايين قبل لا تنتهي الحفلة
رند: مو صارت مشكلة
كعدت رند تسولف الهم اللي صار واني بجيت ما تحملت واجيت اطلع ما حسيت غير واحد يجرني من شعري واني لابسه الشال انفتح وتبهذلت بابا تخبل لما سمع بمشكلة صايرة يشتم ويسب بيه ويكول العتب علينا ما عرفنا نربيج وصايرة مجلوبة ضربني راشديات واني ابجي بحرقة اخواني ركضوا الي بس قبل لا يوصلون صار فاضل بيني وبين بابا
-عمي خلينا نفتهم الله يخليك ليش هالضرب وعصبت غير نعرف اللي صار شنو
الاب:ليش ما اعرفها لهاي شنو ما سوتها قبل شكم شهر ومدت ايدها ولسانها على الناس وهم فضحتنا
وين ما تولي تنزل راسي وتسوي مشاكل ما عرفت اربيها وهي صغيرة هسه راح اعيدها من جديد لج احجي وين المحبس
من كثر ما بجيت بهاليوم صرت ما اكدر احجي حتى صرت اشهك بالبجي مثل الجهال ومن اكول الهم والله ما ادري تطلع متكطعة الكلمة
بالاخير اخواني سحبوا بابا وفاضل طلعني من الاستقبال لان متروس زلم عمامي واولادهم وانضربت كدامهم كلهم
طلعنا للهول اللي يصير باب ثانية منفصلة عن الاستقبال جرني فاضل اله وصار يعدل بشالي ويمسح بوجهي بكفوفه
فاضل:اششش كافي اليوم انعل اهلهم كلهم لا تبجين مو كلنا صرتي سباعية ولسان لو لسانج بس الي وللباقين مدمغه
رفعت راسي مبتسم ويحجي اول مره بعد ما تعاركنا اني وهو يبتسم الي
-هي تفيد وياكم سباعية ولسان حتى تفلة حصلت غير السوالف اللي طلعت منهم
كنت ابجي واعمم الكلام حتى هو ارزله وياهم وهو يضحك ويعبرهم الي مثل كل مره هو ابويه صاير ما يتحملني بس فاضل اذا احجي عليه بوجهه ما يحجي بصراحة اني بديت اغير نظرتي اله تالي كال الي
-انا اخو وجد ووجد وينها ومرية الشيخ هيج صار بيها اليوم حقج يوصل يمج ولرجليج وتجي اللي هيج ضوجتج تتوسل
-منو هاي مرية الشيخ ويا شيخ
ضحك وكمش وجهي وهمس الي وعيونه بعيوني وياها غمزة
-منو غيرج انت والشيخ....شيخ المسجد مو اليوم شافج وضل معجب ويريد يطلبج من ابوج واحنا نطيناج اله وين نلكى احسن منه هههههههه
دفعت ايده من وجهي وضيقت عيوني
-شنوووو؟؟؟
ضحك واتوجه للباب وتركني يمكن لو باقي ابويه يضرب بيه ولا كلامه صدمني وخلاني حيرانة زين هسه كان يسألني عن رأي هاي لو شنو متكبر مغرور شلون يسويها اخاف تقلل من جبروته وعظمته الكلمة اللطيفة لو يكول تقبلين تتزوجيني مره يدزلي وجد ترزلني وتهدد ومره يجي ينطيني خبر ويمشي ووين نلكى احسن منه اي مو شايفني بيه كساح حتى وين اكو احسن يخطبني الشايب تره اني اصغر منه بكومة وتوني يلا راح اصير ١٩ صح شويه عندي تقزم بالنسبه الهم بس اخبل حتى شيخ الجامع كال لخبل بعنادك يالشايب
