٢٣_______٢٦
عزيز العاشقين ذليل 💘
البارت 23
رجوع وبداية جديدة
متابعيني الاشرار 🤨🤨
ما احبكم اني وهذا بارت طويل كلش عميت من وراكم 😎😎
بس احب اكول الكم شكرا🤩🤩
عالتصويت الرائع موت عليكم اني😘😘
البارت الفات واللي قبله حصلت الف نجمه لاول مره 🤗
فاضل:
وصلت رند لبيت عمي ابو رائد بعد عركه قويه بيني وبين وجد هي تكول ناخذها الهم واني كنت رافض الفكرة نهائي
هي صح موقفها حلو واني فرحت من شفتها تمسكت بقائد لكن خايف يكون اندفاع وطيش شباب ساعه وتفكر وتعقل واخاف لا اتورط وتبقى معلكه برقبتي خطيتها بس اللي صار لحد الليل ما ترضى تفوت للبيت كاعدة بالسيارة تالي صحت على وجد تجمع اغراضها البقية ونوديها الهم
فاضل:وجد اجمعي اغراضها ناخذها لبيت عمي
وجد:اي والله الله يحفظك النا ويديمك شيخنا وجبيرنا تره رند تتخبل اذا نبقى هيج نتعامل وياها راح تكرهنا ونخسرها هي تريد هالشي خلينا نوكف وياها وهو هم قائد خطيه وراح تكبر بعينه بموقفها هذا
فاضل:يا خوفي لا تتفسر غير شكل وبنتنا ترخص
وجد:لا فاضل قابل قائد مثل البقية وما راح يقدر وهو هسه محتاجها يمه وهمه عاقدين مو الا عرس
-وابوها
-اتصل بي ولو اكولها الك فارس ما يعترض واصلا هو مو سائل بيها احنا ربيناها واحنا اهلها لو ناسي لما تركهم هنا بالبيت وهمه صغار وكال هذوله الكم وراح تزوج فاضل لا نجي هسه ندخل الامة كلها بعدين انت هم هيج تكدر ترجع زوجتك شنو كعدتها هناك بعد اذا راحت رند عدهم هي تتحجج بامها وحدها وتعبانه وما تكدر عالبيت رند راح تصير يمها وبعدين ولادتها قربت وابنها لازم ينولد هنا
-لا تفتحين الموضوع وياها وجد هي ترجع
-شنو ؟؟؟واذا ما رجعت فاضل خلينا نتدخل مو كافي من زواجكم لحد هسه وانتو هذا حالكم تره ناطيها مجال هوايه انت شنو تعوف بيتها وما ترضى ترجع وين صايره هالسالفه
-وجد كافي كلت الج من البداية سنا ما ترهم وياي واتعبها واتعب
-لا يا خويه هذا كلام ناس عاجزين ومو احنا اللي نعجز من شي اذا هي صغيرة وطايشة امها واخوانها يعقلوها ويردوها ويانا واني ما راح اسكت
-وجججد
-لا تعترض يا خوي
سكتت لان فعلا محتاجها وتركتني بعد ما اخذت مكانها بروحي كاره اطباع بنفسي وواريد اغيرها ليش اللي احبها دوم تستقوي وليش لما احبها تتركني بمكان ما اعرف اطلع منه شكد فكرت اتزوج ثانية يجوز اخلص من مرضي لكيت روحي مريض بي اكثر وما اكدر اتقبل كل يوم مرأة صح بفترة الطيش اشكال جربت وكل شي سويت معاصي وذنوب وكل غلط يمر بي شاب اسأل الله عليهن المغفرة والرحمة
كان غلطي الوحيد وياها ببداية زواجنا اعترفت الها بهالعلاقات وهي اخذتها اني مستمر بيها رغم تارك هالشي من زمن بس اني زرعت بذور الشك وسقيتها بأخطاء اكبر لما اناديها عليا ويمكن لو كان اي احد مكاني يغلط نفس الغلط سنا نسخة عليا لكن بتصغير ونعومة وهدوء
عدا الاطباع طبعا الشبه بينهن مال بطن وحدة بس همه كل وحده من ام
