منو هاي لبنيه لي تتصل عليك؟
جان عندي علاقه بيها قبل وانتهت العلاقه!
انتهت وبعدها تتصل عليك بهيج وقت صح؟
فارس اريد اروح لهلي!
مكو روحه كتلج علاقه انتهت من زمان الزمي غرفتج وماريد المح طولج برا الغرفه!
واني كتلك اريد اروح لهلي ماريد اظل وياك بعد انت موكتلي انتي اختاري بعد ب ارداتج اني اريد لهلي وانت رجع لحبيبة الكلب لتخابر بيك
ولج انتي خبله؟
كتلج من زمان انتهت ادري لو عدي شي خايف منج
ابو جبل اني تره خاف نسيتي؟
يعني ماتوديني لهلي مو؟
مصره تروحين لهلج؟
اي طبعا شعدي بعد ظاله والمن؟
ها يعني هذا اخر كلام عندج؟
اي اي!
جرها بحركة سريعه لحضنه وضمها لصدره حيل
اني اهلج وهذا بيتج ومكانج...
توسطو وجهاء العشائر واقنعو الشيخ ابو جبل يقبل الفصليه ويحافظ على اخوانه لحد مايلزم عثمان ويأخذ ثاره
ترك ابو جبل المضيف ودخل على امه الي جانت مقدسه بنسبه اله
ام الشيخ ابو جبل الدليمي
واخذ رائيها وبعد ماقبلت رجع للمضيف وقبل الفصلية كل هذا وليلى بغير عالم والخوف الي بداخلها اكبر من كلشي كعدو ليلى وامها بغرفه وحدهن ينتظرن الخبر يقبلونها فصليه او لا
جان عدها شوية امل بلكي يرفضها الشيخ فارس وتتحرر من هل اغلال الي فجئه نحطت ب اديها
عقدلهم الشيخ وتزوجها ابو جبل الدليمي هوه شخصيا بناء على رغبة امه دخلت ليلى هي وامها غرفة ابو جبل بعد مانعقد قرانهم
حاولت تكون قويه وماتبين كسرة نفسها وخوفها من هل ناس الي مجبوره تعيش بينهم...
ودعتها امها قبل متروح وطلبت منها تطيع زوجها وتنفذ طلباته ...
تزوجت من شخص متعرف شنو شكله ولا منو هوه متعرف غير اسمه
بقت خايفه ومتعرف شتسوي كعدت على طرف السرير، وعيونها نترست دموع
نفتح الباب ودخل الشيخ ابو جبل الغرفه وسد الباب ورا رادت ترفع راسها تشوف شكله،تعرف ملامحه بس مكدرت خوفها مسيطر عليها ورجفه الي بجسمها جانت واضحه جدا متحتاج تركيز
ابو جبل: ليش،ترجفين؟
بقت ساكته ومنزله راسها
لمن اوجهلج سؤال جاوبي ؟
رفعت راسها تباوعله شكله وملامحه وصوته الي،ولد بداخلها شعور غريب زاد من ارتباكها وخوفها
ابو جبل: انتي خرسه؟
لا!
زين شوفي،يبنت الناس مثل ما انفرض عليج هذا الشي انفرض عليه وياج انتي اخت جتال اخوي يعني اخر مره بدنيا افكر اخذها بس الظرف حكم
مراح اتقربلج ولا،راح يصير بينه شي راح تبقين معززه مكرمه لحد مايحين وكت روحتج
بس ممنوع احد يدري بهل كلام لا من اهلج ولا من اهلي
فرحتها بكلامه بانت على ملامحها رفعت راسها هل مره وباوعتله
نظراته الحاده ماكدرت تواجهها
اخذ وساده وغطه وراح نام على القنفه
ظلت تراقب بي بعيونها لحد ما غفى
حست بشعور امان مجانت تتوقعه ابدا بهل مكان الغريب عنها
ندك باب الغرفه الصبح عليهم فزت خايفه
باوع عليها ترجف ونايمه بلعبايه
بصوته الدافي الي يضج بلرجوله
تفضل؟
دخلت امه عمرها 60سنه امراه ملامحها هادئه جدا
وليدي صباح الخير صباح المبارك عليكم
قتربت من ليلى وباستها من جبينها
بنيتي لاتخافين ولاتفكرين راح ننتقم منج بدال اخوج لا هذا موثوبنه وبيت الشيخ ابو جبل ماينجار عل احد بي
طلعت ام الشيخ من الغرفه
ليلى؟
نعم!
حضريلي الحمام ماعليج أمر اريد اسبح
حاضر
نزعت العبايه وبقت بثوبها الاصفر خردلي وشعرها الاسود الطويل مفتوح على ظهرها مثل العبايه جهزت الحمام واخذت منشفه خلتها اله وطلعت ملابس وغتره وعكال وعباه لأنها بت شيخ مجانت تنتظر احد يعلمها هل امور تعرفهن كل زين
ركز عليها بنظراته وهي دتجهز كل هل اشياء بنظرات خاطفه ...
كمل لبسه وبده يرش بعطره ويكول
امي عدها نسوان تساعدها بكلشي بس طبخ مناكل الا من ايدها ماعندي خوات بنات اريد ديرين بالج عليها زين...
حاضر بعيوني !
طلع من الغرفه اخذت شال خفيف على راسها وطلعت راحت للمطبخ الي فعلا لكت بي نسوان تشتغل وتنظف وتمسح رددت بداخلها طبعا بيت الشيخ ابو جبل كل هل نسوان تخدم بي
راحت ل امه الي جانت توجه وتشرف على شغل البيت
عمه تحتاجون شي اساعدكم بشي
لابنيتي اخذي ريوك رجلج جهزته بصينيه يحب يتريك من وكت تره!
بعيوني بس هو طلع ماعرف وين راح ...
بلمضيف !
طلعت من الصاله وتوجهت للمضيف الجبير حيل والفسحه الي كدامه مساحتها اكبر
شافت اكو ولد بلمضيف رجعت بسرعه بس ابو جبل لمحها باب المضيف
دخلت للبيت التفتت شافته وراها وعيونه تجدح نار
لزمها من ايدها وضغط عليها بقوه وجرها للغرفه
دخل وسد لباب وراه بقوه وهي موفاهمه ليش اجاها مثل العاصفه يعصف بيها يمين وشمال شكو؟
شلون تجين للمضيف شلون طلعين كدام الزلم هيج؟؟ ابوج ماعلمج مايصير الزلم تشوف طولج وانتي بهل ثوب ومفرعه شحسبتي من وصلتي لمضيفي هيج؟ ؟
نزلت دموعها بعد مسمعت هل كلام القاسي منه
وردت بصوت خافت مختنك بلبجي
ماجنت اعرف اكو احد غيرك بلمضيف
وامك كالتلي تتريك هيج وكت انت و...
ومن كالتلج هيج ماعرفتي،دزين خبر ويا احد يصيحني او تودين الريوك للمضيف لو تلبسين عباتج وتجين تصيحين علي لو اله واحد يعلمج؟
اني اسفه!
خفت حدة نظراته وعصبيته الي اثارت الخوف بداخلها غلطه بسيطه وماتعمدتها هيج سوه بيها ...
وينه الريوك روحي جيبي يلا
وماريد المحج بعد بدون عباتج خطوه بره البيت واخوتي اذا طبو للبيت هم تلبسين عباتج كدامهم فهمتي؟
حاضر!
راحت جابت الريوك وخلته كدامه وكعدت على طرف السرير تفكر وين صفه بيها الوكت محسوب عليها حتى النفس هنا ولكل واگفلها عل غلطه ياويلاه
بت الشيخ سلطان المدلله تروح فصليه هيج هاي تاليتها؟
انتبه ابو جبل عليها وحس،بقسوته الزايده عليها وان
تصرفه وكلامه وياها جان مبالغ بي بس ليش، هيج فار دمه من شافها باب المضيف؟
ليش ماتجين تتريكين وياي؟
الف عافيه ماشتهي شكرا!
شوفي اني من كتلج هيج لان انتي صرتي مرتي مرت الشيخ ابوجبل يعني كل تصرف الج وفعل لازم تكونين منتبه علي زين ومحسوب عليج لاتظلين لاويه بوزج هيج ماحب النسوان الگالبه وجها
الله كريم!
شلون ولج؟
شتريدني اكول؟
كولي حاضر امرك
الله كريم!
ها ولج؟
اذا عجبتكم القصه صوتو وكولولي رائيكم بتعليقات ❤️
أنت تقرأ
حبي الأول ♥️
Randomخوفي قلقي واني التمس نظرة شفقه بعيونه على حالتي بس ابد كل شي بداخله عباره عن قسوة كره نار تحرك كلشي تطوله كدامها توسلته يتركني هواي وبده صوته يعلى اكثر وايده ارتفعت تطبع اصابعه على وجهي بضربه حاره وعتني على الكارثه الي اواجهها وحدي...
