شمشتاكلك يابو العيون المايطيحن كحلة....🖤
لاتنسون التصويت ⭐
ليلى،ههههههه مطر بلغرفه؟
فارس، تدابير ربج بعد اعترضي؟
ليلى، هههههه لا لا اعوذ بالله ابد ما اعترض...
ليلى، حجيت لفارس عن اول يوم اليه بدوام وطبعا سألني خاف واحد باوعلج او سمعج حجايه
خوفه اهتمامه حنيته حبه يربي كل يوم اتعلق بي واحبه اكثر صرت ماحس او شوف شي غيره شلون جنت عايشه قبله مادري بدت حياتي من عرفته
تغدينه سوه واجاه اتصال
فارس، راح اطلع كم ساعه واجي ما اتأخر
ليلى، شكو صاير شي؟
فارس، لا ماكو شي شغله بسيطه
ليلى، طلع فارس من البيت مستعجل حسيت اكو شي صاير مارتاحيت لطلعته بهل طريقه وماقبل يحجي شي بقيت ارتب وانظف غسلت الملابس دخلت،سبحت وبدلت اتصلت علي مايجاوب
نزلت يم عمتي كلت يمكن تعرف شي
لكيتها تبجي وتدعي
ليلى، خير عمه اسم الله عليج ليش تبجين
ام فارس، بنيتي فارس صارله فتره تجي دوخه ويفقد وعيه ومن راح لطبيب طلب منه يسوي تحاليل واليوم طلعن وراح وليدي يشوف شبيهن واني خايفه كلبي لاجمني كعدت ادعي بلكي الله يستجيب مني ويحمي وليدي ويحفظه
ليلى، من سمعت كلامها مثل سجين ونغرز بصدري نزلن دموعي قبل ما اسألها هلحجي صارله شكد؟
ام فارس، شهرين واكثر
ليلى، ورجعت اتذكر بليله اجاني بيها فارس واني بيت اهلي لزمته دوخه فجئه وبوقتها كال انه تعبان ومحتاج يروح ينام بوقتها كل البالي انه تعبان من قلة نوم ماتخيلت الموضوع واصل لهل حد ابدا
نمغصت معدتي وگلبي يدك بسرعه اخذتني رجفه وبرد جسمي عفت عمتي وصعدت فتحت سجادة الصلاه وكعدت عليها ابجي وادعي الله يرجعه اليه معافى ومايكون بي شي
ياربي ياحبيبي مالي غيره اذا صابه شي اموت والله
صوت البواجي خله عمتي تدخل عليه شافتني بهل حال اخذتني بحضنها وصرنه نبجي سوه خوفها علي جان اكبر من استيعابي بس خوفي علي جان خوف طفله على ابوها مو مره على رجلها نهد حيلي والف فكره اجت براسي لحد ماسمعت صوت تليفون
فتحت الخط اجاني صوته الي يرد الروح بيه
فارس، الو شبيج متصله بكد رحمه الله موكتلج عندي شغل اكمل وارجع؟
ليلى، فارس شكلك الدكتور؟
بقه ساكت نصدم منين عرفت
فارس، مكو شي ان شاء الله طمني امي
ليلى، بتراب اخوك يافارس ماكو شي؟
سكت وجر حسره شكت صدري قبل صدره حسيت اكو شي مدام سكت هيج بس،مجان يريد يكوله
أنت تقرأ
حبي الأول ♥️
Randomخوفي قلقي واني التمس نظرة شفقه بعيونه على حالتي بس ابد كل شي بداخله عباره عن قسوة كره نار تحرك كلشي تطوله كدامها توسلته يتركني هواي وبده صوته يعلى اكثر وايده ارتفعت تطبع اصابعه على وجهي بضربه حاره وعتني على الكارثه الي اواجهها وحدي...
