لتنسون التصويت⭐
ليلى، كلام دكتور خلاني بصدمه حامل ومادري بنفسي وبهل التوقيت سبحان الله الحجيه حيل فرحت بلخبر طول طريق رجعتنه وهيه تهلهل بس فارس بقه ساكت وهذا الي ماكدرت اعرف من ملامحه فرحان لو لا كمية البرود الي بوجهه غريبه جنت متخيله انه راح يفرح لان من زمان كلي يريد طفل ليش بقه ساكت دخلت عل غرفه وانتظرته يجي ونحجي بس خاب ظني طلع بدون ميرجع عليه
دخلت سبحت وغيرت ملابسي وبقيت كاعده انتظره يرجع بس ماكو دكت ساعة 12 بليل وفارس ماكو مر اسبوع ع موعد الطبيب مالته والتحاليل وكلبي ناغزني مادري شسوي خايفه مايقبل اروح ويا ويظل ضام عني نتيجه التحاليل بعدني بتفكيري وسوالفي نفتح لباب دخل الوجه تعبان وذبلان واصفر بوجهه للحمام سبح وطلع لبس ملابسه و اخذ باكيت جكاير وكعد ع قنفه راد يدخن بس وكف ورفع راسه يسالني
فارس، عادي ادخن لو ميصير ع طفل؟
ليلى، هو ميصير بس اذا وحده او ثنين ميخالف وفتح شباك
فارس، هااا لا ماريد خلي
ليلى، ماشي
ليلى، رجع الهدوء،والسكوت بيناتنه بس،ماكدرت انتظر اكثر جان لازم اساله وافهم
ليلى، فارس انت ليش مفرحان ب الطفل؟
فارس، منو كال موفرحان؟
ليلى، تصرفاتك!
فارس، وشبيها تصرفاتي نفس تصرفاتج بضبط ديرين ظهرج لكلشي بأي لحظه ؟
ليلى، شتقصد؟
فارس، انتي فاهمه قصدي لتغشمين نفسج
ليلي، غلطان مادري واذا عندك شي كوله لتظل تلف ودور مثل جهال
فارس، اللهم طولج ياروح رجعت تطول لسانها مره ثانيه ومأمنه حامل ماكدر امد ايدي عليها بسيطه
ليلى، محجيت غير الحق
فارس، ياحق هذا بله؟
ليلى، موموضوعنا هذا المهم حجيلي شكو وشتقصد؟
فارس، موضوعنا ياست ليلى انج انانيه ومتحبين غير نفسج اهم شي عندج اولوياتج وبس مومهم الباقي
ليلى، اني؟
فارس ،اي انتي بلوقت الي يعجبج تردين افسر واحجي واكعد اتأسف علمود ترضين عني متخيله اني ممكن اسوي هيج ؟
ليلى، بس اني مفكرت هيج اني بس ردتك انت تجي تحجيلي ردت انت تسولف ليش بقيت ساكت ليش؟
فارس، لانج سويتي نفسج ممهتمه لفيتي راسج ونمتي ولا جن صاير شي شمنتظره مني شسويلج؟
ليلى، انت دائما هيج تطلعني غلطانه وانت صح مو ؟
فارس، لايابه انتي صح واني رب الغلط حقج عليه واسف عمي
ليلى، دخل سبح وطب بلفراش نام ونطاني ظهره بدون ميحجي كلمه وحده اني هم بقيت ساكته مقهوره منه وبنفس الوقت خايفه علي ماكدر اتعارك ويا او اغثه بسوالفي مادري شلون نمنه هذيج الليله بعاد عن بعض والزعل غالبنه حضنه الي يلمني كليوم ما ساعني هذيج الليله ...
أنت تقرأ
حبي الأول ♥️
Randomخوفي قلقي واني التمس نظرة شفقه بعيونه على حالتي بس ابد كل شي بداخله عباره عن قسوة كره نار تحرك كلشي تطوله كدامها توسلته يتركني هواي وبده صوته يعلى اكثر وايده ارتفعت تطبع اصابعه على وجهي بضربه حاره وعتني على الكارثه الي اواجهها وحدي...
