حبي الأول ♥️

البارت 4

لاتنسون التصويت  ⭐

حاولت بكل الطرق ابعده عني مكدرت جسمي اضعف من مقاومته وهو بهل حالة زادت وحشيته اكثر ساعه يضربني،وساعه يبوس بجسمي دموعي تجري وماعرف اخلص نفسي منه شلووون ...
فقدت بغير عالم وماسمع غير صوت انفاسه السريعه وضغط جسمه عليه مثل الي نعصرت جوا كوه اتنفس وايده ضاغط بيها على ركبتي حيل
حسيت بوجع بكل جسمي وصرت ارجف واهمس بصوت ناصي عووفني الله يخليك؟
اخذ شفايفي بشفافه بحركة قويه لحد ما رحت بغير عالم...

مكو شي يوجع بكد الانكسار من ينوخذ منك اعز ماتملك غصب عنك دموعي وحركتي وقهري كله كتمته بداخلي حتى صرختي نكتمت بداخلي
جريت الغطه سترت نفسي بي وغطيت راسي بقيت ابجي بدون صوت وارجف لحد ماسمعت صوت ركعة باب الغرفه قوي باوعت شفته ماكو طلع كمت عل حيلي بلكوه كل جسمي يوجعني كله طعنات زرك من ضربه وقسوته بتعامل ... قفلت باب الغرفه ورجعت بجيت بصوت عالي انهاريت وكعت بلكاع الطم عل وجهي هي هاي الحياة الي نكتبت الي شراح اسوي لا اب اروحله ويحميني ولا اخ يسندني ابويه الي جنت اشوفه احس اب بدنيا كرهته كرهت كولشي اهلي والناس،والمجتمع تذكرت كلامه اول ما اجيت هنا اكيد جان جذب قناع لابسه كدام الناس علمود يحبو ويحترمو هذا مو انسان ابدا.

دخلت عل حمام سبحت حسيت ب احساس جدا بشع حقدت علي كرهته حيل بعد الي سواه بس اللوم الاكبر على اهلي لي شمروني وراحو بدون مايرفلهم جفن حسبي الله ونعم الوكيل دمرو حياتي همه وهذا الوحش ...
لازم اكون قويه كسرتي هاي ثمنها غالي قررت انتقم منه اني الي ماعرف شنو حقد وكره اني لي عمري ماشلت بكلبي على بشر اخذت عهد عل نفسي ادمر حياته مثل مادمرني

صاحوني عل اكل مارحت مجان الي نفس لشي ابدا اعتزلت كولشي وبقيت قافله الباب على نفسي لحد ماسمعت صوت دكات خفيفه

ليلى'منو؟
ام فارس' بنيتي هاي اني افتحي الباب
فتحتلها الباب شافتني وشهكت وهي تكول
ام فارس' يايمه شمسوي بلبت ولك فارس...
شبيج يمه ليش هيج
لگيت نفسي مختنكه كدامها غصيت بعبرتي ودموعي نزلت اخذتني بحضنها شميت بيها ريحة حنيه عمري مشفتها انهاريت بلبجي اكثر اناشغ كمت وهي تقره ايات وتسكت بيه
كعدتني ع قنفه ونطتني ماي كعدت يمي
ام فارس' احجيلي شمالكم ماتكليلي شجاكم؟
ليلى' والله ماسويت شي يستاهل الضرب الي ضربه الي اني موحيوانه تره اني بشر حتى الله مايقبل بلي سواه

ماجبت سيرة الي سواه بيه لما اخذني يمكن خجلت او خفت اذا عرف حجيت لمه يسوي بيه شي

ام فارس' شوفي يمه ابني غلطان بس اني اعرف وليدي مايسوي شي بدون سبب خاف كتيله حجايه لجمته؟
تذكرت من كتله اليترك ثار اخو شيطلع منه صح استفزيته ويمكن اكون جرحته بس ردة فعله جانت متوحشه جدا
حجيتلها الكلام الي دار بينه
هزت راسها ودنكت نزلت دموعها لاول مره كدامي
اخذت طرف شيلتها تمسح بي عيونها الي صارن حمر مثل جمر وهي تكول
فارس هو الي ربه عمر جان يعتبره ابنه مو اخو من وصلنه خبر عمر اني شكيت ثوبي ولطمت وملخت روحي بس فارس كلشي،ماسوه طب على غرفته غاب شويه واجاني كاتم بگلبه عيونه مانزلت منهن دمعه بس وجهه مغيم جن ظيم الله كله نزل علي ولحد هذا اليوم مابجه على عمر ولا برد نار گلبه من تنجاب سيرته عيونه تصير جمر بس مايبجي
اني الي غصبته ياخذج ويقبل بيج فصليه
خسرت عمر ماكدر ولا بيه بعد اخسر غيره ردت انطيج لواحد من اخوته الازغر منه بس محد بيهم موجر گلبه على عمر بكثر فارس ردت انسي ويلتهي من يتزوج ...
بجيت واني اباوعلها كتلها اني مالي ذنب الله يعلم شكد حقدت على اخوي من عرفت بي قتل نفس بدون وجهه حق!
ام فارس' كلشي مكتوب 
كومي بنيتي كومي تغدي ما اكلتي شي من امس بيتنه بيت كرم مايجوع بي احد
قنعتني واخذتني وياها
شفته كاعد ياكل وحده من شافني دار وجهه بعيد عني
كلت بكلبي بعد احسن علساس ميته عل شوفتك اني
كعدت بصف امه واكلت شويه مالي نفس كلبي مقبوض لان كاعده قريبه علي واكو خوف بداخلي بس حاولت ما ابينه كدامه ابدا
ام فارس' يمه ماتاخذنه لسوك نريدلنه جم غرض اني ومرتك
رفع عيونه عليه ورجع باوع ل امه
فارس ' خير يمه ياسوك هذا موكتها كلش
ام فارس' تاخذنه لو اخلي اخوتك ياخذونه بدالك؟
تعصب بس،مايكدر يسوي شي رد عليها
فارس' صار يمه العصر بعيني
وكام من عل الاكل يدردم
كلت بكلبي حيل بيك تستاهل
كتلها شنسوي بسوك عمه؟
ام فارس' انتي صح اجيتنا فصليه بس الله مايرضى بظلم واني اصلي وادعي الله اروحله بوجهه ابيض وانتي صرتي بتنه ومرت جبيرنه وحقج نشتريلج ذهبات وهدوم وكلشي التردينه
شكد حنينه هاي المره رغم كلشي تفكر بيه وتريد تفرحني وماحس روحي محرومه من شي واجيت اسيرة بهذا البيت مع اني اخت جتال ابنها بس مافكرت تنتقم مني ابد
رديت عليها بصوت مختنك بلبجي
ليلى' لاعمه مشكوره وماتقصرين مامحتاجه شي
ام فارس' اسكتي مالج غرض،غصبا علي ياخذنه لو طلابه وعركه يروح ركض يحلها للودام ومرته مامشتريلها شي!
ضحكت عل كلامها من كالت يركض لطلايب
صعدت لغرفتي وكعدت ع جربايه وطلعت كتاب اقره
شي الوحيد الي يسليني هو الكتب
نفتح باب الحمام وطلع لابس،دشداشته وينشف بشعره رفع حاجبه من شافني اقره
فارس' شعدج بلسوك؟
باوعتله بنظرة غضب وكره بنفس الوقت
ليلى' مو اني امك التريد تاخذني للسوك تعرف ب الاصول الله يحفظها مومثل بعض الناس ...
انتبهت على نفسي جفصت من جديد
وسعت عيونه واقترب مني
فارس' لسانج هذا اذا ماكصيته بعد ما اكعد بديوان ويسموني شيخ
خفت منه وكفت عل حيلي
حاولت اذب حجايه بلكي مايفكر بعد يضربني
ليلى' ليش هيج الشيوخ تضرب نسوان؟
فارس 'اذا النسوان لسانها اطول منها اي تكسر عظامها وتكص لسانها وتربيها من جديد يبت سلطان!
طلع من الغرفه بقيت افكر صح اني مجان لازم اطول لساني علي بس هو يستفزني يتعمد يقهرني،فوك السواه بيه،صح اني مرته وحلاله بس،ماياخذني غصب هيج...

صار العصر لبست ثوب مال طلعه ولفيت حجابي وحطيت حمره خفيفه وكحل ومسكارا ماحب المكياج الثكيل تضيع بي ملامحي لبست عباتي،ونزلت
لكيت الحجيه ام فارس لابسه عباتها وتنتظرني
شافتني
ام فارس' اللهم صلي على محمد وال محمد عين الحاره بارده يمه
اجه من بره سبحه بيده ولابس نظارت
باوعلي من جوه ليفوك بطرف عينه
فارس' يلا يمه طلعن اذا كملتن؟
ام فارس يلا وليدي'
فتحت باب السياره لبصفه ل امه
بس ماقبلت كالتله مارتاح كدام اكعد بلوره كعد مرتك يمك حسيت بيها تريد تقربنه من بعض متدري بأبنها الوحش محد يقترب منه ولا يطيقه
فتحت الباب الوره واجيت اصعد يمها
فارس' اوكفي تعاي تعاي شني هذا ليش مالابسه جواريب؟
التفتت علي
ليلى' المن البس مالبس جواريب من اطلع
يمه امشي اخذج لسوك وخليها تبقى هنا تنجب وتكعد بغرفتها هاي مو مال واحد يطلعها
قهرني كلامه بس بقيت ساكته
ام فارس ' يمه صل على محمد البت ماتعرف طبعك مامتعلمه عليك بعدها
تعاي بنيتي اصعدي ذني جواريب عندي بجوزلاني دوم حاطتهن خاف اضيع الاخر
صعدت بصفها واني ادردم علي فشلني علمود الجواريب
ام فارس' يمه حقه رجلج من يريدج تلبسين جواريب رجليج جنهن شحم
التفت عل امه
وملامحه عصبيه عبالك يريد يشيلنه ويشمرنه اني وياها
فارس' اي يمه بعد كبري راسها بعد خل تصدك بت سلطان عبالها ملكة جمال هي....
ام فارس' اسكت انته ودير وجهك لدربك شعدك ملتفت علينه؟
وسعت عيونه وجهه صار احمر
ضحكت اني بصوت ناصي
بس هي التعرف دوا حل بيك منهد فرد هده علينه شتريد ...