وجيك بلهفتة الغرگان لو گالوله مد چفك ..❤️
لاتنسون التصويت ⭐❤️
ليلى، لمني بحضنه واني احس كل جرح بيه طاب والوجع البيه تسكن وقهري كله راح شالني ونيمني ع جربايه وخلاني بحضنه وظل يلعب بشعري لحد ما نمت
فارس، مادري شسوت بيه وشلون هيج كدرت تخليني اخاف عليها من الهوا الطاير لا يأذيها ليش من اخذها بحضني بمدي ماتركها ابد ؟ كعدت بصاله يم اخوتي وامي ادري عدهم هواي حجي لازم اسمعه بدت بي امي قبلهم
ام فارس، ليش هيج يمه ليش،تريد تضيع روحك منو النه عكبك وين نروح انت جبيرنه وشيخنه ومجان ابوك ليش تريد تاخذ روحي مره ثانيه؟
بجت ودموعها حركتني امي اقدس شي بلوجود بنسبه الي ومقدر خوفها بس ثار اخوي شلون اعوفه؟
اخوتي زعلو لان ماخذتهم وياي ورحت وحدي عامر يتخازر وياي بس يخاف يحاجيني واخوتي لبقيه يدردمون بس بصوت ماينسمع...
فارس، يمه اني مقدر خوفج وحركة كلبج هاي بس شلون ترضينها اعوف حك عمر يمه اني مو اخو الجبير اني ابو الرباه اني لي شفته يكبر كدام عيني ربيته وعلمته لمن كبر وصار يسواله عشر زلم مات
مات مكتول يمه عمر ورا زلم تاخذ ثاره لو كلهم يرحون فدوه اما انتم ادري بيكم زعلانين لان ما اخذتكم وياي بس مثل ماجان عمر ابني واخاف علي انتم هم مثله اخاف عليكم واريدلكم مستقبل وعيشه حلوه ماريد تكظون عمركم بسجن لو تنكتلون.
ليلى، كعدني صوت التليفون من امي وبشرتني خير عثمان تعدت اصابته وصاير زين من الفرحه كمت على حيلي الحمد والشكر الك ياربي بهل حاله اني ودخل فارس
فارس، ها خيرج ؟
ليلى، اخوي صار زين
فارس، بعد شتردين موكتلج العار ماعلي شي؟
ليلى، فارس الله يخليك كافي الي صار عوفه الله يعاقبه لاتسوي بروحك هيج شنو اخرتها تدخل لسجن وتضيع حياتك ومستقبلك ؟
فارس، هسه انتي خايفه عليه لو على اخوج؟
ليلى، عليكم ثنينكم بعدين انت شيخ وجبير عشيره اذا نسجنت منو الهم اهلك؟
فارس، راح اطلع اجيبلج غده من بره ممنوع تنزلين جوا فهمتي؟
ليلى، ليش؟
اخوتي جوا كاعدين يم امي ماريد المح طولج بره اكعدي بغرفتج وسكتي!
ليلى، ماشي
طلع جاب غده من بره ريحة الاكل جوعتني حيل خلاه عل ميز اجيت كعدت يمه صار يحط كدامي اكل ويخزرني ويكول ، اكلي يلا اريد تاكلين هذا كله
ليلى، على كيفك شعندي اكل كل هذا؟
فارس، يعجبني وراح تاكلينه يلا
اكلت وهوه يباوعلي
ليلى، الحمد الله شبعت
فارس، شكلتي ولج؟
ليلى، شبعت ماكدر بعد والله
فارس، اني اسف !
ليلى، عليمن؟
فارس،لان ضربتج بهل طريقه ماتمنيت توصل الامور لهل درجه!
ليلى، تعودت عليك تضربني وتالي تتحسف بس هلمره غير ما اكدر اسامحك بعد كافي من اجيت يمك وانت تملخ بيه تملخ تره بشر اني مو حيوان حتى الحيوان حرام ينضرب هيج!
ليلى، هلمره صدك نقهرت منه حيل كافي الي سواه بيه خلص عفته وكمت طلعت ملابسي حطيتهن بلغساله ورتبت كنتوري رجعت طلعت كتبي وكعدت اقره واتصرف وكأنه موموجود بلغرفه شويه وطلع وركع الباب ورا حيل جان متخيل يراضيني بهل سهوله مثل كلمره واسامحه شلون اسامحه وجلد الحزام على جسمي بعده معلم؟ دخلت سبحت ومشطت شعري وظفرته لبست دشداشه كصيره لونها ابيض حليبي بس شطالعه بيها جسمي كله زراكات طابعه بي اثار الضرب ولكدمات شحالني صايره
اخذت بيدي كتاب وكعدت عل جربايه اقره بي
دك تليفوني اتصال من عثمان جاوبت
الو عثمان شلونك شلون صرت؟
عثمان، زين خويه لايظل بالج زين انتي شلونج خما سولج شي؟
نهضمت وردت ابجي من تذكرت الضرب الي ضربه الي فارس بس لزمت روحي كوه
ليلى، لا مابيه شي بخير دير بالك على روحك خويه
سديت تليفون اول شي سويته حذفت اسم عثمان
وغيرت الاسم سميته احمد خفت لايشوفه احد متصل ويصير الي صار هذيج المره عل اقل هسه اتحجج باي شي اذا شاف الاتصال فارس
أنت تقرأ
حبي الأول ♥️
Randomخوفي قلقي واني التمس نظرة شفقه بعيونه على حالتي بس ابد كل شي بداخله عباره عن قسوة كره نار تحرك كلشي تطوله كدامها توسلته يتركني هواي وبده صوته يعلى اكثر وايده ارتفعت تطبع اصابعه على وجهي بضربه حاره وعتني على الكارثه الي اواجهها وحدي...
