حبي الأول ♥️

البارت 13

لا تصدگين بحچيهم ..
بعده جرحي يحبچ ويسمع أغاني
وعاندي ..
وخليني اجيچ وأعتذر واني الأناني 💔

كل عام وانتو بخير حبايبي ❤️

لاتنسون التصويت ⭐

ليلى، بده وضعي يتحسن شويه صارلي 4 ايام يم اهلي وحاسة براحه وامان مثل مجنت قبل بس المضوجني حركتي حيل صعبه بسبب رجلي
كل يوم فارس يسالني باجر اجي اخذج واكوله لا بعد صار لازم يعرف اني مراح ارجع ويا واهلي هم لازم يعرفون مارجع  ماكو شي بعد انتظره لازم يعرفون اريد اطلك ...رحت لابويه كتله اريد احجي وياك بموضوع مهم

ليلى، يابه اني مارجع بعد لفارس اريد اطلك
سلطان، سترك ياربي ليش بويه شصاير؟
ليلى، يابه اني ماوكعت من درج فارس هيج سوه بيه
سلطان، ليش شلون هيج سوه بيج؟

ليلى، حجيت لابويه كل الي صار وحجيتله كم مره بمره ضربني بيها فارس واذاني اذيه قويه شرحتله وضعي كله

سلطان، بنيتي تره انتي هم غلطانه ورجال حكه من يشوف رقم زلمه غريب ويحجي وياج شمدري اخوج

ليلى، يابه اذا ناوي ترجعني اله مره ثانيه ف ثق بالله اكتل روحي لان نطيتني غصب عني هذيج المره اذا فرطتت بيه هلمره مراح اعتمد عليك بعد واكتل روحي كرهت عيشته كرهته كرهت الساعه الوديتوني. بيها اله يابه الله يوفقك طلكني منه والله راح يصير موتي على ايده اذا رجعتني ...

سلطان، هذا هو لاتبجين التردينه يصير بعد ماغصبج على شي

ليلى، حسيت ب راحه لمن سمعت كلام ابوي بس من داخل مجنت فرحانه بخلاصي هذا مادري ليش المفروض السجين من يقرب موعد فك اسره يفرح ليش مافرحت اني؟

رجعت على غرفتي مددت جسمي اباوع لحالتي شلونها اباوع لرجلي واديه شصاير بيهن وراسي
بعمري مراح اسامحه علي سواه بيه سمعت صوت تليفون شفت رقمه سويته صامت ونمت كعدت ساعه ب 6المغرب شفت تليفوني 30مكالمه فائته من فارس ومسجات دخلت قريتهن يسال ويني وليش مجاوب شصاير مارديت علي طلعت من غرفتي غسلت وجهي ورحت كعدت يم اهلي ابويه بس يباوعلي ومقهور على حالي نظراته كلها احساس بندم بس بعديش ياريته ما دزني فصليه لفارس جان هسه اني مرحله اولى جامعه كلشي بحياتي بهت لونه وادمر مثل شكلي حاليا

سلطان،بويه ليلى، خابري رجلج خل يجي اتفاهم ويا

ليلى، صار يابه

تعشيت واخذت ادويتي ورجعت لغرفتي اخذت التليفون بيدي وماعرف منين وشلون ابدي شكله خايفه من ردة فعله وخايفه مايقبل يطلكني وخايفه لا ياذي اهلي بس لا مراح يكدر يسوي شي اني ماريده ولا رايده عيشته بعد ...

دزيتله رساله كتبتها بلكوه عشر مرات اكتب واحذف ومادوس ارسال اخر شي جمعت كل قوتي وكتبتها ودزيتها اله...