حبي الأول ♥️

البارت 5

اكتبولي بتعليقات رائيكم بلروايه ولاتنسون ل ⭐

وصلنه عل سوك ونزلت اني وامه نمشي ورا وهو يمشي كدامنه مثل الطاووس النافش ريشاته مادري على شنو شايف روحه...
دخلنه ع محلات اشكال والوان والحجيه ام فارس تختار وتشتري وتحط كدامي وهو واكف يمنه بس مايباوع
اخر شي كملنه كلشي دخلنه ع محل ذهب
اشترتلي حلقه وتراجي وثنين كلايد كبار وسوارات
وخلتني اختارهن بنفسي
ام فارس'يمه تعال اختار حلقه الك
اقترب من عدنه واختار حلقه فضه ولبسها
رجعنه ع بيت وهو كالب وجهه وضايج ماعرف ليش كل شويه يخزرني بلمرايه طول طريق
دخلت للغرفه اخذت ملابس وفتت عل حمام  سبحت وطلعت لبست دشداشه قصيره تعبانه وناويه انام بعد ماطلع من الغرفه نشفت شعري بلخاولي،وفتحته امشط بي كدام المرايه
شفته بلمرايه دخل عل غرفه بس سويت نفسي ما انتبهت
كملت تمشيط بشعري
لمحته ينزع بدشداشته رجف جسمي وتذكرت الي صار لبارحه ...
دخل عل حمام سبح وطلع لاف لخاولي على خصره
اني شفته هيج انطعنت من المستحه صرت حمره كلي ودرت وجهي عنه بعيد
فارس' تجاوزنه مرحلة الخجل امس مكو داعي وجهج يصير جنه طماطه هسه!
ليلى' تره مصخنه ماعدي شي
فارس' اي صخنتي من شفتيني فجئه هههههه
تفشلت تمنيت الكاع تبلعني حتى جذبه مالتي غبيه
دخلت جوا الغطه ولفيت راسي ماريد اباوعله
محسيت بي غير دخل بلفراش وياي كمزت من مكاني خايفه
ليلى' شدسوي شنو راح تنام ع جربايه؟
فارس'  بعد شعندي نايم عل قنفه مو اخذتج ؟
نقهرت من كلامه عبالك ممسوي شي،ولا كأنه اخذني غصب
ليلى' مراح يصير هلشي بعد !
فارس' منو يكول؟
ليلى ' اني!
فارس ' ليش هوه بكيفج عود؟ نامي بساعج وخليني ادمي وياج يلا!
بسرعه درت وجهي وغمضت والخوف كاتلني ليش هيج اخاف منه مادري
سمعت صوت ضحكته المستفزه وغطيت راسي
فارس' ي عفيه بعد اخنكي روحج بعد
اجتاح الغرفه هدوء وعرفته نام نداريت علي شفته غافي
ملامحه هادئه مغمظ عيونه ورموشه الكثيفه عبالك غابات فوك جفونه حواجبه مثل سيوف كلت بكلبي رجال وحواجبه احلى مني نايم ببرائه مثل طفل وهو جنه وحش اذا تسلط على احد اعوذ بالله منه
فتحت عيوني صبح واني احس بحركة على خصري رفعت الغطه شفت ايده حاولت اسحب نفسي مكدرت جرني علي وظهري لزك بصدره جسمي كام يرجف وانفاسي ضاكت معرفت شسوي
فارس' وين تردين من صبح نطمري!
من صبح كاعد يتأمر عليه وفوكاها ميكول نامي لا انطمري عباله اشتغل عنده جريت نفسي قوي بس ماكدرتله ضغط ب جسمه عليه وبايده قوي عصرني
فارس' موكلت نطمري كافي تحوصين!
ليلى' وخر عني شتريد مني لازمني اختنكت تره!
رخه ايده وجسمه الضاغط بي عليه وحرك ايديه على خصري ع كيف رجف جسمي مره ثانيه وتملكني الخوف....
فارس' ليش ترجفين بردانه؟
ليلى' لا مابيه شي مارجفت اصلا!
رجع لزم رجلي بايده رجفت من جديد
سمعته يضحك ويقترب مني اكثر ...
فارس' لتخافين مراح اغصبج على شي
ليلى' وخر عني اريد اكوم اسبح!
وخر ايده وخلاني اكوم استغربت تصرفه حيل بس كلت همزين من عافني
اخذت ملابس ودخلت ع حمام فتحت دوش ودخلت جوا ماحسيت غير لباب نفتح دخل وسد الباب ورا
ليلى' اطلع بره شكو ليش دخلت ...
بعدني ماكملت كلامي جرني ناحيته ولزم وجهي بثنين ادي واخذ شفتي بشفته وصار يبوسني بهدوء وحنيه محسيت بنفسي ماكدرت اقاومه بادلته بدون وعي وادراك للي يصير...