وضاقت الارض بي

البارت

٣٥____٣٦

دگيت الباب وايدي ترجف
دقيقة وهو ما فاتحها رجعت دگيتها وفتحت عيوني ويا ما انفتحت بسبب الشي الي شفتة گدامي

هو ظل مصدوم بجيتي
واني مصدومة من منظرة سابح بالدم ووجها كلة كدمات حتى ملابسة ممزقة

تقربت منة بخوف
حطيت ايدي على گصتة دتنزف بغزارة گبل سحبني للغرفة وسد الباب

- صخر هاي شبيك ؟!!
منو مسوي بحالك هالشكل احچي

- شجابچ لهنا

- هسه وكتها بربك

حچيتها وشمرت جنطتي ع الچرباية
داسحبة للحمام ابتعد عني بنترة شني الجابچ ردي شمس

- صخر لتعاند
شوف الدم شلون ديجري بس خلي اشوف جرحك خاف يحتاجلة خياط

باوع والله هسه اروح
اني ما جاية حتى اتوسل بيك بس ردت اگولك على شي مهم وراها متشوف وجهي بعد

بقى يباوعلي بعتب
سحبتة من ايدة للحمام ردت اغسل وجها دفع ايدي وغسلة بنفسة

عيني ع الدم مديوگف ابد
رفعته علية شفت گصتة مفتوحة صخر هاي لازم تتخيط ترى ميفيدها شي غير الخياط

دار وجها طلع من الحمام
لحگتة اتوسل بي لساني وگع يلا وافق ولو ما ملحتي الزايدة چان ظل راسة مفتوح

رحنة للمستشفى خيطوها الة ورجعنا للفندق
طول الليل ما حچيت شي لأن شكلة كلش تعبان وما حبيت اضوجة اكثر

هو هم ساكت
قريب التسعة طلب اكل شوية وجابوا حطة گبالي ورجع تمدد بمكانة

- شنو متاكل ؟!!

- لا مالي نفس

- اي واني هم

ردت المة گال اكلي وجهچ اصفر
- لا والله دگول النفسك اول شگد نزفت وتالي لگمة متحط بحلگك

باوعلي وسكت
- صخر گوم الله عليك بلا هالعناد

- من اجوع عودن اكل

- لا هسه ع الواهس

حچيتها وگمت سحبتة من ايدة
ما گال شي گعد ياكل بدون ميباوع علية قريب منخلص تفاجأت بي من سألني

- رايحة الفرات المچان شغلة ؟!!

- اي

- اليمتة

- البارحة
بس انت شعرفك !!!

- كملي بوية كملي

- قبل لا اسولفلك اريد اطلب منك طلب

- شني گولي

- اريدك تجاوبني بصراحة
هالشي الصاير وياك سببة فرات مووو ؟!!

- اي

- شوداك يمة

- رحت خاطر اصفي حصة ابوچ من املاك جدچ