٢٩____٣٠
#وضاقت_الأرض_بي
تقربت منة بخوف
شيريد مني شكلة ضاملي مصيبة وراح يطلع الونسة التونستها بعرس ريحان من خشمي
چان اكو قرص ع الميز
طلعة من غلافة وحطة باللابتوب
گام من الكرسي سحبني من ايدي گعدني بمكانة وشغل القرص
شگد رسم عقلي شغلات ممكن اشوفها بي
بس ابد ما تصورت ولا حتى خطر على بالي الشي الچبير الي شفتة ساعتها بداخل هالقرص الصغير
چان الدكتور مؤيد گاعد بغرفة التحقيق
يحققون ويا بشغلات تخص شغلة وثانية بعيدة عنة
منها الادوية الممنوعة والتواجد بالأماكن المشبوهة بس هو كل كلمة والثانية ينكرها
بعدين مصورين محاكمته
انحكم سبع سنوات وبغرامة مالية مع العزل من الوظيفة العامة بعد ما اعترف على نفسة اعتراف واضح وصريح بوجود الادلة القاطعة
اباوع ع الدكتور
شلون واگف بقفص الأتهام مذلول ودموعي تجري
هذا چان أول حق يرجعي وراح ابقى انتظر عدالة رب العالمين تتحقق بكل شخص ظلمني قريب چان او بعيد
رفعت راسي على إسحاق
واگف وراية ومبتسم بـ ابتسامة خفيفة
گمت من مكاني امسح بدموعي وحضنتة هالمرة بكامل ارادتي بدون خجل ولا خوف
رفع ايدة يمسح على ظهري
وراها نزعني العباية والحجاب ورجع حضني وهو يگول هيچ الحضن يصير احلى بوية
- احچيلي الله عليك شلون وگعتة هيچ
- آنه شلي غرض
هو فرد واحد وسخ وزايعتة الدنيا
كل الموضوع آنه گدرت اوصل القذارتة عن طريق معارفي
واكيدن لمن كضو بالجرم المشهود
ما گدر ينكر بعد وهل صار الي تنوعتي بعينچ گبل شوي
- يعني طلع هذا شغلة واني عبالي هو...
- بسچ لا تكملين
- زين بس گولي مرتة عرفت لو لا
- اي وحتى هي الاخرى خسرها مثلها مثل غيرها
- خطية والله متستاهل چانت كلش حبابة
- عليش الخطاية
شلها بذكر ما عندة ذرة رجولة وكل يوم ويا وحدة لون
هاي وانتِ چنتي شاهدة اعلة عمايلة
حتى دارها همينة ما سلم من قذارتة ونزاوتة
هيچ احسن الها خلها تشوف حياتها بعيد عن واحد ما تأمن ترمش گدامة خاطر لا يغدرها
- اي صح
يلا اروح اغير ملابسي
بس حچيتها باوعلي من فوگ ليجوة
چنت لابسة عادي بنطرون وبدي ربع ردان علمود الزفة مدري ليش خفت من نظراتة
گبل ركضت للكنتور
طلعت تراك ورحت بدلت بالحمام ما بية اسبح من التعب عود ع الصبح
توني اريد اطلع سمعت جهازة يدگ
بقيت واگفة بمكاني سمعتة گال ها خوية خالد جريت نفس براحة وطلعت من الحمام
- شمالة ايوب ؟!!
وعليش ما گتلي اول ما رجع هاي سالفة منك
شلك غرض بي رضا ولا ما رضا قابل احنة نمشي بمزاجة
يلا سد الخط
لا ما اتعطل مسافة الدرب ولا تگلة إسحاق جاي ما اوصيك
فصل المكالمة وراح للكنتور
ديطلع ملابسة صرت ورى شبي صديقك خير
- ضغطة صاعد
- خطية سلامتة
- الله يسلمچ بوية
نامي لا تنطريني يجوز اتأخر ويجوز ما ارجع للتالي
- على راحتك
اخذ ملابسة بدل وطلع من الغرفة
همزين چنت تعبانة وإلا شينومني وهو مو يمي
طفيت الضوة ورحت تمددت بمكانة حضنت المخدة اتخيل نفسي بحضنة وغفيت بسرعة
ريحان.. وصلنا البيت عمي الهوسة شكبرها
لـ 12 وآنه گاعدة بالصالة اريدن واحد يحس على دمة ويگومني ماكو
اخجل اطلب اگومن بنفسي
ظليت انطر الفرج من صاحب الفرج
والله شوي وطب جمار من برة بس شافني صاح النهلة گوميها شتنتظرين يمعودة
اجتي هي وبنات عمي
ودني الغرفتي وظلن يتشاقن وياي خاطر يخففن من التوتر بس آنه فاصلة عنهن
خمس دقايق واجت ام جمار
طلعتهن برة وسدت الباب ظلينة الوحيدنة گعدت يمي ولزمت ايدي بـ ايدينها
فاتن.. يمة ريحان ما اوصيچ بعد بوليدي
ترى اني ما عندي غيرة هو ونهلة بـ هاي الدنيا
ولو ما ادري بيچ خوش بنية وراح تريحي وتسعدي مچان خطبتچ الة دون هالبنات
من اليوم جمار صار رجلچ
يعني من هاللحظة حياتچ تغيرت وصرتي مرية مسؤولة عن بيت ورجال واطفال بالمستقبل ان شاء الله
وكل مرة من عدنة
من واجبها توگف ويا زوجها بالمرة قبل الحلوة
وتفدي بروحها اذا چان خوش ادمي وياها وراضي الله وضميرة بيها
واني اضمنة الچ
تربيتي واعرفة شنو من شي
ماكو رجال يستاهل ريحان بت الشيخ ضاري غيرة والأيام راح تثبتلچ كلامي
- چا عمة قابل آنه ما اعرفة
ولا يكنلچ فكر ان شاء الله راح احط بعيوني وتاج اعلة راسي طول ما الله كاتبلي عمر اعيشة بـ هالدنيا
- فدوة البنيتي الطيبة
حچتها وباستني من راسي
يلا حبيبتي اني اروح وما اوصيچ بعد
استرخي وسلمي نفسچ حتى لتتأذين ولتخافين الشغلة هينة اذا هونتيها اهم شي خليچ مرتاحة وبعدي الخوف عن گلبچ
سكينة.. ها خية شني ما شني
فاتن.. ماكو عيني
بس حچيت وياها شوية ولو هي سباعية ومتحتاج واحد يوصيها
سكينة.. اي وين اكو من بت اخوي
فاتن.. راح اصيح جمار
انتِ ظلي يمها شوية بين ما يجي اخاف تحتاجچ
أنت تقرأ
وضاقت الارض بي
Fiksi Umumعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات مختلفة وظلم لا متناهي و أناس لا ترحم إن كانت السماء تنصف فـ كيف السبيل الى الخلاص على هذه الأرض؟؟!
