#وضاقت_الأرض_بي
سمعت باب المضيف انفتح
درت وجهي چان يطب إسحاق و ويا الدكتورة طيف ورجال ما شايفتة من قبل
گبل گاموا الولد باسوا راسها واحد ورى الثاني
ظليت صافنة بصدمة
هاي شديصير هنا شنو اختي شنو طيف شنو باسوها
عافت الكل وتقربت من الشيخ
أشر اطلعوا عفناهم وانجمعنا بالصالة صح انصدمت بس اني ابد مو بحالة تسمحلي بالتفكير
الكل ظل يسأل شديصير ومنو هاي
باوعت للحجية
هي صح ضايجة بس مچانت مصدومة مثلهم بحيث خلصتها بس تسبح وتستغفر
حنظل جاوبهم اختنا
ردت علي ثناء اختك شنو وليش محد يعرفها فهمونا عاد مو راح نتخبل لويش كلكم ساكتين
من گد ما چنت تعبانة مات حتى فضولي
لو يطلع بـ ايدي اگوم
اريد انام اني وبنتي بعيد عن كل هالعالم بس مستحيل اصعد الغرفتي مرة ثانية
هالغرفة الطلعت منها مسلوبة شرف
ما ارجع الها حتى لو فرشوها الية بسجاد من ذهب اصلاً كل هالبيت ما اريد اظل بي بعد
رقاوي تنحست كلش
صارت تفرك بعينها وتصيح مما (ماما)
شلتها وطلعت للحديقة
ها يروح امچ تعبتي حقچ والله بس انتظري هالهوسة تفض وراها نشوف وين ننام
يروح امچ !!!
ود يا ربي ود وين شو ما شفتها ابد
لحظة اصلاً ماكو أي طفل بالبيت وينهم وين ماخذيهم
طبيت أركض بعدهم ديحچون
اشرت الإسحاق
من شاف الخوف بـ وجهي گام ع السريع طلعت انتظرة بالحديقة
- ها بوية خيرچ
- ود وين إسحاق وين موديها احچي
- يم أم مريم هي وكل الفروخ حبيب اخذهم ليها
- ليش ؟!!
- شني ليش غير جبتچ لهنا خاطر نحل الطلابة لو ما ابوي طاح اعلينة تردينهم يظلون يتفرجون
- روح جيبها اريدها بسرعة
- ما جاي تتنوعين شني الصاير بالداخل وكتچ هساع
- اريدها إسحاق اريدها گلبي راح يوگف عليها والله
- وآنه بعد بس خلهم يهدون شوي
- تروح لو توديني الها لأن ما اتحمل اكثر بعد
اني مو مثلك
گلبي مو قوي اكثر من سنة مشايفها شلون متحمل ها
- اليسمعنچ هساع يگول بمزاجي
استغفر الله رب العالمين واتوب اليه إلا تحچيني يعني
- فدوة جيبها الي لو دتعاقبني بيها احچي الحقيقة
- بوية شمالچ انتِ !!!
حچاها ومد راسة بالممر
- محممممد
وينك يبعد عمك تعال لية بالعجل آنه بالحديقة
اجة يركض
- ها عمي آمرني شمحتاج
- امشي البيت عمتك أم مريم
جيب ود وتعال
ولا تجيب غيرها عودن احنة انمر اعليهم بس تفض سالفة جدك
- صار صار
- ولا تگللها ابوچ وامچ ردوا تسمع
- تامرني أمر عمي
حچاها وطلع يركض
رقاوي بـ ايدي صوتها راح على گد ما بچت
ما عندي حل وسط
لو انسى ود بيها لو انساها بـ ود لأن بس الله اليعلم شكبر معزت بناتي بگلبي
أنت تقرأ
وضاقت الارض بي
General Fictionعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات مختلفة وظلم لا متناهي و أناس لا ترحم إن كانت السماء تنصف فـ كيف السبيل الى الخلاص على هذه الأرض؟؟!
