#وضاقت_الأرض_بي
احنة عالم نخاف الله
ومثل ما ابنكم غلط بتنة هم غلطت
وهي اعترفت النة ابنكم معاشرها بزواج مؤقت وصار الوقت حتى يعلن زواجة منها لأن اعراض الناس مو لعبة عدكم يشيخ ضاري
گبل هناء لزمت چتفي تستند علي
سحبتها ردت ابعدها عن المضيف لتروح توگع
ما خلتني اصرت تظل واگفة حتى تسمع باقي الكلام
ارتفعت اصوات الزلم بالصياح
مگاعد نفهم شديحچون لأن الوضع يمهم صار ناس طابة بناس
شوية والرجال صاح صلوا ع النبي
دقيقة تقريباً يلا سكتوا ظل المكان هادئ ثواني مو اكثر ورجعوا يتصايحون
- بوية كافي عاد الصياح ما يجيب نتيجة شلون تالي
صهيب.. سيدنا ما سمعتهم شجاي يحچووون
- سمعت سمعت
بس لازم نحل الأمور بالتفاهم
تراها العصبية من الشيطان ونتائجها وخيمة
صهيب.. مامش تفاهم بينا وبين هيچي وادم
ابو سحر.. هاي فوگاها يعني
هم معتدي على عرضنا وهم لسانك طويل وصاير انت ابو الراهي براسنا
صهيب.. ليش انتو همينة عدكم عرض
عليش تجبرني احچي واطلع خياساتكم جدام الوادم خلني ساكت اشرف لية وليكم
الشيخ ضاري.. صهيييييب
ابو سحر.. خلي شيخنا خلي
حتى الموجودين يشوفون اخلاقة ويحكمون بيناتنا ياهو الصح وياهو الباطل
صهيب.. والله مامش بشر غيركم باطل
ساعة الشدايد تضمون راسكم مثل الحريم وساعة الطلايب تبيعون اعلينة المراجل
الشيخ ضاري.. صهيب وتاليتها وياااااك
سيد محمد.. بوية صهيب هدي شوي
هساع احنه رايدين نحل هالطلابة موش نزيدها
صهيب.. الطلابة هم العملوها
بالأول اجوي الدارنا تهجموا اعلية ورادوا يچتلوني
لو ما اخوي صخر صار گبالي خاطر يحميني وتاليتها وگعت الچيلة ببطنة بدل بطني
وهساع جايين الدارنا وبكل عين صلفة
يتهموني بشي آنه ما عاملة بحجة والله شني خايفين اعلة عرضهم الي هم اساساً ما يدرون عنة شي
ابو سحر.. الجيران كلهم يشهدون عليك
حاچيني بلا چم مرة بالليل رحت البيتها هاي من غير روحاتك بعز النهار
ترى الناس مو عميان صهيب
لتتصور اكو واحد يقبل يسكت ع التسيب الأنت بي
- اي مشيت البيتها صح
بس گلي عليش تعنيت برجليني حچوا ليك لو لالة
- اي يگولون تطب وتطلع عليها مثل رجال البيت
- ههههههههه
هم حچوا هيچي لو جايب هالحچي من جيبك الفارغ
- احترم نفسك صهييييب
مو فوگ غلطك گاعد تتجاوز علية
هاي انت بنفسك اعترفت دتروحلها وهي بت مطلگة وعايشة وحيدها يعني...
راد يكمل قاطعة صهيب
- اي رحت ليها ما انكر بس تعرف عليششش
رحت عبن مامش رجال بظهرها
كلكم نثاية ما تعرفون شني العرض وشكبر قيمتة عد الزلمة الحوووك
لمن البت تتعرض الموقف بنصاص الليالي
وتريد بشررر يسندها وما تلگا معناتها عيييب اعلينة لون عديناكم اعلة الززززلم
آنه ما تعنيت بنصاص الليالي غير مرتين
وبـ هالمرتين فروخها چانوا كلش مرضى و واحدهم واصل للموت وحرمتي عدها خبر بالسالفة
اما روحاتي ليها بالنهار ينعدن اعلة الأصابع
واكيدن السبب قوي يجبرني اروحن خاطر ما اعوفن البت حايرة الوحيدها
رغم كل هذا
ما فرد يوم عتبت عتبة دارها
وجيبلي زلمة ابن امة وابو يحچي غير هالحچي
آنه تدگ اعلية بتكم اجي اخذها هي وفروخها من الباب واشمرها بالباب
يعني حتى اليتنوع اعلية راح يشوفني سايق ليها وللخلفوها موش رجال ملعب مثل ما تگولون
ولون ناوين تشمرون عاركم براسي
راح تتنوعون ساعتها غير وجه مني وحگ رب العزة
عبن راح اطلع من ثوب ولد الشيوخ
وادش ليكم بثوب ولد الشوارع هذا الثوب اليلوگ اعليكم وتستوعبون بي بالعجل
سيد محمد.. يعني وليدي بس اسمحلي
عدها كل هالزلم الخشنة الواگفة جدامك تاليتها تطلب منك المساعدة وين صايرة هاي
- هالزلم ما تطلع راسها بس وكت الطلايب سيدنا
آنه بتهم زميلتي بالدوام لا سنة ولا سنتين
يعني اعرف عنها المايعرفوا هذول الزلم الجاي هساع تحچيلي اعليهم حضرتك
اسألك بالله
حرمة اتدگ اعليك وتتنخاك بتالي الليل
سيد الحگ بنتي مرتفعة حرارتها ابني الجرار انسد اعلة ايدينة شني راح تسوي
تصدها وتظلك گاعد بمچانك ولا چنك سمعت شي
لو تلبي نخوتها
عبن تعرف مالها غيرك وكل اهلها عارات ما بيهم زلمة معدل
هاي وينهم جدامك اسألهم
ياهو اليدفع ليها الأيجار ياهو اليصرف اعليها
ياهو السمع منها لمن اجتهم تتوسل خاطر تظلها يمهم عبن ما عدها مصدر رزق تسند حالها اعلي
اتحداهم ينكرون هالمواقف
آنه بنفسي وما اريدن احچيلها لكت جبروني ساعدتها اكثر من نوبة
ست اشهر شلت عنها الأيجار
سنة كاملة وعبن چان راتبها محجوز للقروض
اصرف اعليها واعلة فروخها من جيبي مسوگ علاج ملابس زايدة ناگصة
ما جاي اعيرها او احملها منية لا والله
بس جاي اوضح ليكم عليش آنه اتردد اعليها وشني غايتي من روحاتي الدارها بين نوبة والأخرى
أنت تقرأ
وضاقت الارض بي
General Fictionعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات مختلفة وظلم لا متناهي و أناس لا ترحم إن كانت السماء تنصف فـ كيف السبيل الى الخلاص على هذه الأرض؟؟!
