وضاقت الارض بي

البارت الخامس عشر ج 2

#وضاقت_الأرض_بي

دخلت للحمام غسلت وطلعت
عادي هي موعدها اصلاً تأخرت هالمرة كم يوم
ساعة تقريباً والألام زادت
هاي ابد مو اوجاعها هذا الأسقاط والله لأن اني اكثر وحدة تعرف وجربت أوجاعة شلون تصير

تمشيت للچرباية بخطوات بطيئة
تعبت كلش
ما اريد سيناريو الأسقاط يتكرر للمرة الخامسة
اني اصلاً على المانع صارلي فترة بس يوم التصالحنا ما اخذت لأن مچنت محسبة حساب

تمددت على ظهري
سحبت كل المخاد الموجودات
حطيتهن شي فوگ شي وصعدت رجلي عليهن ونمت

اخذت الموبايل من الميز
طلعت رقم الحجز مالت الدكتورة اتصلت مغلق
مستحيل هسه يفتحوا الدنيا بعدها صبح ظليت ادور بالجهاز اذكر مرة اخذت رقمها الخاص

وين يلا لگيتة لأن ممسجلتة بأسمها
اتصلت رن
قريب متنتهي المكالمة ردت وردت روحي وياها

- الووو دكتورة
- نعم تفضلوا منو وياي
- اني شمس الدكتورة العندي اسقاطات متكررة اذا تذكريتي

- اي اي ذكرتچ تفضلي حبيبتي
- دكتورة اني يمكن حامل ودانزف حالياً

- عيني شجاچ
ليش هيچ جاي تحبلين فوگة فوگة مو ما ظل برحمچ شي

- والله داخذ مانع
بس مرة صارت ومچنت حاسبة حساب وحبلت

- شگد صارلچ على اخر اسقاط
- اكثر من سبع أشهر
- وهسه صارلچ شگد حامل
- اصلاً ما ادري بنفسي حامل بس فايتتني الها اقل الأسبوع

- اكو اوجاع
- اي اكو وكلش قوية
دكتورة فدوة ما اريد اطرح سوي شي والله تعبت

- عيوني انتِ ما عندچ اي مشكلة طبية
وحتى المثبتات مجاي تفيد وياچ ما اعرف وين جاي يصير الخلل يمچ

- وهسه شلون خاف انتظرچ للعصر ويروح الطفل

- لا لتنتظرين
اذا زوجچ موجود خلي يجيني الـ ×××××× اكتبلة وصفة يجيبها الچ وان شاء الله خير

- اي اي هسه اتصل علي مشكورة دكتورة تعبتچ
- بخدمتكم حبيبتي

سلمت عليها وسديت الخط
باوعت للوقت صخر بعد ساعة يلا يطلع من دوامة
دگيت على ما جاوب
ردت اتصل مرة ثانية اتصل هو گبل جاوبتة

- الووو صخر
- ها بوية خير شبي صوتچ
- اني حامل

- حامل شني مو جاي تاخذين مانع ؟!!
- شبيك نسيت يوم التصالحنا
- هي ليلة شل قضية
- اي هي صارت منها بعد

- وهساع شني ؟!!
- هسه كارثة لأن هم دانزفت
- يا طلابة الما تخلص اشگ هدومي لو شلووون

- لعد اني شگول اذا انت هيچ
المهم اسمع اني اتصلت بالدكتورة وگالت خلي زوجچ يجيني الـ ××××××

- عليش
- تكتبلك العلاج شبيك انسطرت
- يلا هساع اخذ زمنية وامشي ليها
- انتظرك مو تتأخر فدوة