I declare my love for you ♡»

° المقدمة °

تلت بنات قاعدين في شقة كبيره ومساحتها واسعه جدا وبيتناقشو عن امورهم ( مريم .. رويدا .. زينب )

زينب وهي قاعدة مربعة علي السرير وحاطه ايديها علي خدها : يااه يا بنات كنت ماسكه قضيه المُجرم طلع عيني علي ما اعترف علي الباقي اللي معاه
رويدا وهي قاعده وساندة ضهرها ع ضهر السرير : وانا كمان روحت قبضت علي شويه مجرمين بس القضيه دي كنت بشتغل فيها من فترة وتعبت اوي علي ما عرفت اوصلها كلها
مريم وهي قاعده مربعة قدامهم وبتتكلم بحماس وبتسقف : وانا يا بنات كسبت قضية الراجل اللي كان بيتاجر ف المخدرات كسبتها وجبتله مؤبد
رويدا بتتكلم ب ضحك : مين كان يصدق اللي وصلناله دا والله
زينب بغموض : ومحدش يعرف ولا عرف احنا وصلنا ازاي ومرينا بيه وكان ايه سبب وصولنا للي احنا فيه
مريم بحزن : انسي يا زينب واهو يا ستي وصلنا وحصل خير بقا
رويدا بحزن : اه يا زوز خلاص
زينب بشرود : انسو انتو انا مش هنسي ويلا كل واحدة ع اوضتها عايزه انام
رويدا بمرح : يلا احنا يا مريم عشان بنتهزأ
مريم بضحك : تقصدي بنتطرد يلا يا يستي بدل ما تاكلنا
طلعو مريم ورويدا من الأوضه وزينب فضلت ف الأوضه سرحانه شويه وبعدها نامت

ستووووبب

.. تعريف الأشخااص ..

رويدا عبد الحميد : بنت فرفوشه وبتحب الضحك جدا بالرغم من اللي مرت بيه ودا هنعرفه بعدين بس فرفشتها بتغلب علي كل دا ، نقيب في الشرطه وجادة جداً في شغلها ومع صحابها مرحة جداً ، في الشغل حاجة وبرا الشغل حاجة ، عيون عسلي وبشرة قمحاويه ملامح بسيطه ولون شعرها كستنائي وسط القامة وجسم ممشوق ♡!

زينب عزت : شخصيه مرحة جداً الضحكة مش بتفارق وشها ابداً مع صحابها بس مرت بمشاكل كتير صعبه وسبب من الأسباب لدخولها الشرطة المشاكل دي وهنعرفها مع الأحداث بعدين، نقيب في الشرطه وجادة جداً في شغلها ، عيون بُني وبشرة بيضه وسط القامة وجسم ممشوق ولون شعرها أسود ♡!

مريم أبو اليمن : شخصيه بتحب الضحك جداً واوقات بتبقي مُصلح إجتماعي مع العلم هي أكبر محاميه شاطرة جداً ومفيش قضيه خسرتها قبل كدة ودخلت حقوق لإنها بتحبها ودي شخصيتها وحصلتلها مشاكل هنعرفها مع الأحداث ، طويلة القامة ولون شعرها أسود مايل للون البني سيكا ولون عيونها بُني غامق وبشرتها قمحاويه وجسم ممشوق ♡!

- نروح بقا لأبطالنا الولاد اللي هنقابلهم فيما بعد -

ليث الدمنهوري : صاحب أكبر شركة تصديرات سيارات في الشرق الأوسط ودي شركة والدُه وهو مسك الشركة بعد ما والدُه توفي وهنعرف مع الأحداث سبب الوفاه وبيشتغل شغل تاني بس سري وهنعرفه ف الأحداث فيما بعد ، جاد جداً مبيحبش الإهمال في شغله بس مع أصحابه والناس المُقربين منه مرح جداً وبيحب الهزار ، عيون عسلي فاتح ، طويل القامة ، بشرتُه برونزيه ، جسم رياضي ولون شعرُه اسود

فريد الشناوي : رائد في الشرطة وبيحب شغله جداً وباد بوي ومُنحرف مع المُقربين وجاد جداً مع الأغراب وبيتعصب بسرعه جداً ولكن شخصيه مرحة ، عيون خضرة ممزوجة بالعسلي ، طويل القامة ، بشرتُه بيضه وجسم رياضي لون شعرُه بُني

بيتر الكيلاني : زعيم مافيا وبيتاجر في السلاح وصارم جداً ودخل دوامة المافيا لأسباب مجهوله هنعرفها مع الوقت ، بارد جداً وعصبي ولا يرحم أحد وقلبه قاسي جداً وشغل ابطال الروايات اللي كلنا عارفينه دا ، عيون زرقا كأمواج البحر ، طويل القامة ، جسم رياضي ولون شعُره أسود

باقي الاشخاص هعرفهم مع الأحداث

يتبع ..

#بقلمييييييي
#أُعلِن_حُبي_لَك.