تلت بنات قاعدين في شقة كبيره ومساحتها واسعه جدا وبيتناقشو عن امورهم ( مريم .. رويدا .. زينب )
زينب وهي قاعدة مربعة علي السرير وحاطه ايديها علي خدها : يااه يا بنات كنت ماسكه قضيه المُجرم طلع عيني علي ما اعترف ع الباقي اللي معاه
رويدا وهي قاعده وساندة ضهرها ع ضهر السرير : وانا كمان روحت قبضت علي شويه مجرمين بس القضيه دي كنت بشتغل فيها من فترة وتعبت اوي علي ما عرفت اوصلها كلها
مريم وهي قاعده مربعة قدامهم وبتتكلم بحماس وبتسقف : وانا يا بنات كسبت قضية الراجل اللي كان بيتاجر ف المخدرات كسبتها وجبتله مؤبد
رويدا بتتكلم ب ضحك : مين كان يصدق اللي وصلناله دا والله
زينب بغموض : ومحدش يعرف ولا عرف احنا وصلنا ازاي ومرينا ب ايه وكان ايه سبب وصولنا للي احنا فيه
مريم بحزن : انسي يا زينب واهو يا ستي وصلنا وحصل خير بقا ومسيرنا نعرف الحقيقه كامله
رويدا بحزن : اه يا زوز خلاص
زينب بشرود : انسو انتو انا مش هنسي ويلا كل واحدة ع اوضتها عايزه انام
رويدا بمرح : يلا احنا يا مريم عشان بنتهزأ
مريم بضحك : تقصدي بنتطرد يلا يا يستي بدل ما تاكلنا
طلعو مريم ورويدا من الأوضه وزينب فضلت ف الأوضه سرحانه شويه و نامت
{ صباح تاني يوم ، في بيت البنات }
في اوضة مريم
زينب بزعيق : يبنتي قومي هنتاخر بسببك
مريم بنوم: خمس دقايق بس
زينب بصوت عالي لرويدا : تعاااالي ي رويدا شوفي البت دي
رويدا وهيا ماسكه كوبايه مايه وبترميها علي مريم : قومي ي زفته
مريم بصوت عالي وهي مفزوعه : بغررررق الحقوني
مريم بعد م استوعبت اللي حصل بصت لرويدا بعصبيه و بتتكلم بزعيق : بتتتت اي الللي عمليته دااا
رويدا بضحك ع شكلها : عيل وغلط يباشا
وطلعت تجري و مريم بتجري وراها : وعهد الله مهسيبك
انفجرت زينب بالضحك عليهم
رويدا بمرح : الاه فدايا ي مريومه
مريم بغيظ : فداكي طبعا دا انا هطلع عين اهلك الصبر بس
زينب وهيا خلاص مش قادره من الضحك بسببهم : اتهدو بقا خلاص
مريم وهيا بتبص لزينب بغيظ : خليكي انتي كد بتضحكي يابنت عزت
زينب بضحك و هيا بتجري ع اوضتها : شكلكو مسخره بجد
مريم و رويدا ضحكو و كل وحده راحت اوضتها عشان تلبس ويبدا اليوم ... رويدا لبست البدلة الميري ( لبس الشرطة ) وعملت شعرها علي شكل كحكه بعشوائيه و اخدت النضاره بتاعتها ولبستها ونزلت
مريم لبست بنطلون اسود و توب ابيض و فوقيه جاكت اسود و فردت شعرها ولبست الكوتشي الاسود واخدت شنطتها ونزلت
زينب لبست البدلة الميري ورفعت هي كمان شعرها ديل حصان واخدت نضارتها ونزلت
{ ف المركز في مكتب زينب و رويدا }
زينب لرويدا : احنا النهارده مطولين ولا ايه
رويدا من غير ما ترفع عينها عن الملف قالت بجديه : مش عارفه بس لو طولنا عادي
الباب خبط أذنت له بالدخول ، دخل اسماعيل وقال : سيادة النقيب زينب وسيادة النقيب رويدا اللواء محمود عايزكو
رويدا وزينب بجديه : ماشي
طلعو وراحو المكتب ، خبطت زينب سمعت صوتو و هو بيأذن لها بالدخول ، دخلت زينب ورويدا
أنت تقرأ
I declare my love for you ♡»
Mistero / Thrillerلقد حُزن قلبي بشدة علي تلك الأيام التي مرت عليّ ، ولكن أتيت أنت وجعلت حياتي مثل أيام الشتاء الجميله ♡!
