I declare my love for you ♡»

• 12 •

زينب بجديه : هنعمل اي
فريد : يوسف انت هتحاول تخش المخزن من جوا من الباب الخلفي وتستخبي جواه وتستني مني اشارة ، عمر انت هتكون واقف مع الفريق قبل المخزن بشوية بحيث متتشافش وتستنو مني اشارة ، زينب انتي هتكوني معايا وهنكون موجودين في المكان هناك انا ونتي قبل ما ساهر والباقي ييجو ونكون متابعين حركاتهم لحيث نديهم الاشارة ف الوقت المناسب
يوسف : تمام
فريد بتنبيه : وكلكو خلو اللاسلكي بتاعكو مفتوح ومركزيين و بالذات انت يا عمررر
عمر بجديه : حاضر
فريد : اي سؤال تاني
زينب : كدا تمام عن اذنكم
وهتسبهم و هتروح مكتبها

• في فيلا بيتر •
طلع بيتر من البيسين و وقف ينشف شعرو من المايه ، اخد بوق من الكاس وقعد علي البيسين ومسك الموبايل ، فتح ستوري مريم شافها منزلة ستوري مصورة كوباية قهوة وكاتبه  "Nice coffee in a nice atmosphere " ، " قهوة جميله في جو جميل "
إبتسم بيتر وشرب الكاس كلو وقال : مع محاميه جميله
طلع رقمها ورن عليها وقال : الجلسه النهاردة الساعه كام ؟
مريم وهي بتقلب في الورق : الساعه 2  وهتاخد برائه إن شاء الله وكدة دي تكون اخر جلسه
رد بيتر ببرود وقال : تمام معادنا في مطعم The Star
وقفل ..

• في مكتب مريم •
شالت الفون من علي ودنها وقالت : دا بيقفل في وشي السكه !! هو مين مشغل مين هو إيه دا!
رنت عليه واول ما فتح قالتلو : انت بتقفل في وشي السكه ليه ؟ ، هو دا الذوق يا استاذ يا محترم
بيتر ببرود : مفيش كلام نتكلم فيه ومفيش كلام نقولو علشان نكمل كلامنا
مريم بعصبية : بس فيه حاجة اسمها سلام او باي او اي حاجة مش تقفل علط...
قطع كلامها انو قفل في وشها السكه ، رمت الفون علي المكتب وقالت : مهزق ، اقسم بالله مهزق

• المقر السري •
اللواء بجديه : انا سيبتك تاخد صدمتك زي ما انت عاوز ، نبطل دلع و نشتغل بجد بقا لإن المهمه صعبه بس مش عليكو يعني
رويدا بإحراج : احنا اسفين يافندم
ليث : المهمه هتكون فين
للواء : في ايطاليا هتسافرو كمان اسبوع هتقعدو سوا تشتغلو عليها قبل ما تسافرو عاوز تركيز

للواء بتحذير : ليث مش عاوز اي تهور مفهوم تقدرو تمشو
رويدا بإستفسار : ازاي اسبوع يا فندام يعني المفروض اكتر لان الباسبور هياخد وقت علي ما يطلع وعلي ما نظبط ورق ونكون متشخصين اسامي تانيه وشخصيات تانيه اكيد مش هنروح باسامينا وشخصياتنا دي
ليث بسرحان : هتخلص في اقرب وقت
اللواء : كل حاجة جهزت وكل حاجة خلصت والاسبوع دا تدربو فيه علي القضيه وعلي الشخصيات اللي هتكونو بيها جُداد مش اكتر
رويدا بتفهم : اممم تمام عن اذنك يافندم
هتطلع و ليث هيستأذن وهيقوم وراها وهينادي عليها وهؤ هتتجاهلو و هتكمل طريقها ، هتفتح عربيتها وهتركب هتبص جنبها هتلاقي ليث بيركب معاها هتبصلو برفع حاجب مستنيه منو تفسير
هيبصلها و هيقول : اي
رويدا بجديه : حضرتك بتعمل اي
ليث بهدوء : انتي لسه زعلانه
رويدا بلامبالاة هتبص قدامها : انزل لو سمحت عاوزه امشي مش فاضيه للشغل دا
ليث بتركيز في شكلها : من اول يوم شوفتك فيه وانتي بتاعتي ميجسش واحد زي دا وتروحي ترقصي معاه قدامي
رويدا بسخريه : انا اللي ليا القرار و ابقا مع اي حد انا  مش هاخد اوامر منك
ليث هيقرب منها ويقول : بجد ولله
رويدا هتقرب بعصبيه : زي ما سمعت و اتفضل انزل من عربيتي 
ليث هيفضل سرحان في عينيها وعمال يقرب منها هيجي جنب شعرها و هيشم البيرفيوم بتاعها و هيقول : انتي بتاعتي بمزاجك او لا ولو انتي ظابط شرطة وهتهدديني بدا ف علي نفسك
هيبصلها شويه و هينزل من العربيه و هيركب عربيتو و هيمشي  ، رويدا هتفضل باصه في مكانو و بتفكر في كلامو و قلبها بينبض بسرعه ، هتاخد نفسها براحه هتسمع رنين تلفونها هتبص عليه هتلاقيها زينب
رويدا : مم
زينب بإهتمام : مم اي فينك يبنتي
رويدا هترد بخنقه : انا في الطريق سلام

• بعد تلت ساعات •
طلعت مريم من المحكمة وهي ماسكه البالطو  في ايديها والشنطة في الايد التانيه ومبتسمة ومبسوطة انها كسبت القضية
وقفها بيتر وقال : مبروك علي القضيه
ابتسمت مريم وقالت : الله يبارك فيك ومبروك علي البرائة
ابتسم بيتر وقال : يلا
مريم بإستغراب : يلا فين ؟
حط بيتر ايدو في جيبو وقال : قولتلك معادنا في المطعم
مريم افتكرت اللي حصل الصبح وقالت : امممم لا هو حضرتك انسان قليل الذوق وقفلت في وشي السكه ف ملحقتش اعرف الساعه كام
قرب منها بيتر بهطوات ثابته وقال : انا انسان ايه ؟
اتوترت مريم ولكن قالت : قليل الذوق وايوا علشان قفلت في وشي السكه
ابتسم بيتر ببرود وقال : هيتقطع قريب يكتكوتة
بصتلو بقرف ومردتش ، لف واداها ضهرو ومشي وقال : اركبي معايا ومش عايز كلام ورغي كتير
دبدبت رجليها في الارض وقالت : طب اركن العربية في اي داهيه واركب طب
رد بيتر وهو بيفتح باب العربية وواقف باصصلها : ادي المفتاح لمحمد هيركنهالك ونا هبقا اجيبك هنا تاني لما نخلص
قرب منها محمد ومد ايدو ، حطت المفتاح في ايدو وقالت : متركنهاش صف تاني الله يسترك علشان مش ناقصه كلبشات
مشي محمد من غير ما يرد عليها ، قربت مريم من العربية وركبت جمب بيتر قدام وكانت حاطه الشنطه بتاعتها والبالطو علي رجليها شالهم بيتر ورماهم ورا بإهمال
زعقت مريم وقالت : ما براحه يا جدع انت في ايه ، ايه الهمجيه دي ما تقولي حطيهم ورا ولا كاريزمتك هتضيع يعني
مردش عليها وساق العربيه مرة واحدة خلي مريم اندفعت لقدام ، اتعدلت وبصتلو وقالت : اللهم طولك يا روح

• في مكان ما •
هنا بزعيق : اوعي لما اختك تيجي تتعاملي معاها بالطريقه ديي
سيلين بلامبالاة : لو اختي بجد كانت فينها من زمان بقا
هنا بهدوء : هحكيلك كل حاجه بس لما تيجي
رغد بتساؤل : بس هي لي بتكرهك يا ماما
هنا بحزن : اقفلو الموضوع قولت وقت ما تيجي هقول كل حاجه
سيلين ببرود : تمام انا داخله اوضتي

• في المطعم •
قاعد بيتر قصاد مريم وماسك الشوكة ومش بياكل وعمال يبصلها
مريم كانت بتاكل ولاحظت ، سابت الشوكة وقالت : نسيب الاكل ونسيب كل حاجة ونشوف الاستاذ بيركزلي ليه
حط بيتر الشوكة علي الترابيزة برزعه خفيفة وقال : استغفر الله العظيم اهو انتي كدة تموتي في النكد قد عينيكي ومبتحبيش تكملي الحاجة لاخرها عدله
مريم وهي بتاكل :  مانت هتصورني يجدع ايه دا هزور منك والله عمال تبصلي جامد ومش عارفه اكل ، باصصلي في الطبق خدو كلو او ادفع انا حقو مدام حقو تقيل علي قلبك اوي كدة
بص لمريم بإستحقار وقال : تمنو تقيل علي قلبي وهتدفعيه انتي ؟ ، كفي نفسك دا انا بفلوسي اشتري البلد دي كلها
شربت مريم بوق مايه وقالت : اه ما هي فلوس حرام بقا
رفعتلو صباعها وقالت : بس خلي بالك مال الحرام مش بيدوم ها وخد بالك انت يا مافيا يا جامد انت
ضحك بيتر غصب عني وخبي عينو بإيديه وقال : طب اطفحي يا مريم وانتي ساكته
مريم بتصلو وبرقت وقالت بتحذير : اياك ثم اياك تقولي مريم تاني ، اسمي الاستاذة مريم انت ناسي ان لسه مطلعاك من قضيه كانت متلفقالك ولابسها وش !
خبط علي وشو وقال : غلطة ، غلطة والله
اكلو وخلصو اكل في جو من المناكفه بينهم
قال بيتر بعد ما خلصو اكل : احم مريم عايز اقولك علي حاجة
شبكت مريم ايديها في بعضها وقالت : اتفضل
بيتر اخد نفس عميق وقال :

يتبع...
#أُعلن_حبي_لك