I declare my love for you ♡»

༛5༛

{ في المركز ، في مكتب اللواء }
رويدا وزينب قاعدين جمب بعض وعمر قدامهم واللواء علي كرسي المكتب
رويدا بإستفسار : تمام يا فندم بس نفترض ان ممكن يكون فيه خطر علي الاطفال
اللواء بهدوء : لا مفيش اي خطر انتو هتهجمو في وقت معين يعني هتقبضو عليهم وانتو ضامنين ان الاطفال جوا
عمر بهدوء : وليكن لازم حد مننا يدخل للاطفال يطمنهم
زينب ردت وقالت : هدخل انا اطمنهم ورويدا وعمر يواجهوهم
اللواء بجديه : تمام دا بالظبط اللي هيحصل
رويدا بهدوء : هنتحرك امتي
اللواء بجديه وهو بيبص في ساعة ايده : كمان ساعتين كدة تقدرو تتحركو وبلاش تروحو بلبس ميري
زينب بإستغراب : ليه يا فندم
اللواء بجدية : لإن المكان هيبقا متراقب ممكن حد يشوفكم من البدايه ويروح يبلغ رئيسو كدة احنا مش هنستفاد حاجة ويلا تقدرو تتفضلو دلوقتي
رويدا وزينب وعمر قامو وقفو وقالو بتحيه : تمام يافندم

{ في شركة ليث }
دخلت سالي زي عادتها وقربت من ليث بدلع
ليث وهو باصص في الورق قال بجديه :سالي لو مش جايه عشان شغل اتفضلي برا
سالي بدلع : تؤ مش جايه عشان شغل
حط الورق علي المكتب بعصبيه وقال : يبقا اطلعي
سالي وهي مازالت بتقرب : اديني فرصه بس هبسطك والله
ليث ببرود : متبسطنيش واحده رخيصه بتبيع نفسها لأي حد وخلاص
سالي بصدمه مصتنعه : انا محدش لمسني ولو حد هيلمسني هتبقي انت بس يا ليث بس انت اللي رافض
بص ليث ليها بنظرة هي فهمتها كويس
قالت بتوتر : مالك بتبصلي ليه كدة يا ليث
قال ليث ببرود : برا
سالي بدلع : ايه يا ليث انا..
قاطعها ليث بزعيق وقال : برا قولت برا
اتفزعت من صوته وطلعت بسرعه
رجع ضهرو لورا وهو بيتنهد بضيق وقام اخد مفاتيح العربيه وفونو ونزل
ركب عربيتو وساق بسرعه بس وقف فاجأة لما واحد طلع قدامو وخبطو بالعربيه
نزل من العربيه وهو بينفخ بضيق وبيقول : ما كانت ناقصاك انت كمان مش هخلص انا

{ في مكتب مريم }
دخلت سما وقالت : استاذة مريم حضرتك وراكي محكمه دلوقتي
قالت مريم وهي بتقوم وبتاخد حاجتها : تمام يا سما متروحيش علشان انا هاجي تاني
طلعت مريم من مكتبها ونزلت ركبت عربيتها ومشيت

ع الجهه التانيه من الشارع واقف واحد بيراقبها واول ما مشيت طلع فونو ورن ع حد

{ في فيلا بيتر }
قاعد عاري الصدر وساند ضهرو علي ضهر الانتريه وفارد رجليه عليها وبيشرب من الكاس ببرود
فونو رن فمسكو وبص فيه وهو مازال علي وضعه
رد وقال : خير
الحارس : الانسه لسه نازله من المكتب ورايحه ف مكان
بيتر ببرود : وراها وشوف هتروح فين وقولي ومن غير ما تاخد بالها لو اخدت بالها فيها موتك
وقفل في وشه من غير ما يسمع ردو وساب الفون م ايدو وكمل شرب من الكاس وهو بيفتكر اول مره شاف مريم فيها...

فلاااش بااااك
مريم كانت بتجيب دونات من كافيه دانكن دونتس
وبيتر شافها وهو بيركب عربيتو ، لمحها ووقف تنح فيها وف ضحكتها لما كانت بتلاعب طفل صغير جاي مع مامتو وبعد ما ركبت عربيتها ومشيت دخل هو الكافيه وسأل عنها وعرف انها بتيجي دايما هنا .. وبعد اليوم دا بقا ييجي دايما ويدخل ف نفس الوقت اللي هي بتدخل فيه لحد ما عرف انها محاميه ولما اتورط في قضيه راح ليها هي عشان يبقي قدامها دايما ويتعرف عليها بطريقة اوضح ويدخل حياتها..
باااااكك