༛6༛
دخل ليث بهدوء مريب وهيقف يبص ليهم ببرود
عمر بصدمه وهو بيقوم من علي الكرسي : ليث الدمنهوري واحشني ياراجل والله
هيقرب منو وهيروح هيحضنو وليث هيبادلو الحضن وهو بيبص لرويدا بعصبيه بس هي هتتجاهل دا
رويدا بإستغراب : انتو تعرفو بعض
عمر بمرح وهو بيحط ايده علي كتف ليث : ايوا طبعا دا صحبي من ايام الكليه كنا في مُدرج واحد
رويدا بإستغراب : ازاي و استاذ ليث مش ظابط
ليث هيبرق لعمر
عمر هيقول بتوتر واضح : اصل احنا كنا في جامعه واحده انا كليه شرطه وهو كليه هندسه ولا ايه يا ليث
ليث بتاكيد : بالظبط
رويدا بعدم اقتناع : امممم
هتدخل زينب وهتقول بمرح : بصي عشان انا عارفه انك عنيده ومش هتفضلي قاعده هنا ف قومي يلا عشان نمشي
ليث وهو بيفتح الباب : هنستناكو تحت
هيطلع هو وعمر من الاوضه
زينب هتقول وهي بتمد ايديها بكيسه : امسكي البسي دا بدل اللي مليان دم
رويدا بصدمه وهي بتاخد الكيسه : انتي روحتي البيت
زينب وهي بتقعد : اممم روحت علطول وجيبت وكدة كدة مفاتيحك كانت معايا بس الاتنين كانو هنا ازاي * غمزت بخبث *
قالت رويدا بضحكه : طلعو الاتنين صحاب يختي
اتعدلت زينب في قعدتها وقالت بصدمه : بتهزريي
ضحكت زينب وهزت راسها ب ( لا ) وقالت بإبتسامه : كنت قاعده في امان الله لاقيت عمر داخل فضل يتكلم معايا وبيغازلني دخل ليث بهيبته المخيفه دي انا اه شرطه ونقيب بس اقسملك بالله اول ما دخل وهدوءه وخطواته ونظرته قلبي حسيتو هيقف وهو بيسلم علي عمر كان بيبصلي بعصبيه يبنتي كان هيقتلني بجد
زينب بضحك : استني بس عمر كان بيقولك ايه قبل ما هو يدخل
رويدا قالت بعد تفكير : كان بيقولي حد يهون عليه يضرب القمر دا او حاجة شبه كدة وقبل ما ارد كان ليث طل بهيبته اللي رعبتني دي
زينب ضحكت وضربت بإيديها علي وشها وقالت : احيه لو اللي في دماغي حصل
رويدا بإستغراب : ايه اللي في دماغك
زينب بضحك وهي بتحاول تستوعب اللي ممكن يحصل : ان ليث وعمر يطلعو بيحبوكي
صرخت رويدا في وشها وقالت : حيلك حيلك فيه ايه مش للدرجه
قالت زينب بضحك وهي بتطلع م الاوضه : تمام مسيرك تشوفي وتعرفي البسي بس علشان نمشي
{ قدام المستشفي }
عمر وهو بيرجع شعرو لورا : مكنتش متخيل اني هشوفك بجد
ليث بإبتسامه : عاوزين نخرج احنا و الباقي بقا
عمر بتأكيد : النهارده اكيد يابني
ضحك ليث وقال : تمام رن عليهم بقا
هز عمر راسه وقال : بس انت كنت داخل اوضة رويدا ليه
قبل ما ليث يرد هتنزل زينب و رويدا و لسه هيروحو علي العربيه
ليث بصوت عالي : يا حضرة الظابط
هيبصو زينب ورويدا وهيقفو ، ليث وعمر هيقربو منهم
ليث هيقول بجديه : اتفضلو عشان نوصلكو
رويدا وهي بتسند علي باب العربيه : مفيش داعي لكل دا
زينب وهي بتحط ايديها في جيبها : بالظبط احنا معانا عربيه شكرا
ليث ببرود : اتفضلو مش بحب اعيد كلامو مرتين
رويدا بعد ما قفلت باب العربيه سندت علي العربيه بأريحيه وقالت ببرود وعِند : استاذ ليث كلامك دا مش معانا تمام واظن انت عارف ليه وقولنا خلاص مفيش داعي
قبل ما يرد عمر هيقرب من رويدا ويقول بهدوء وتفاهم بس نبرة صوتو طلعت تلقائي بحنيه : حضرة الظابط انتي حاليا واخده طلقه قريبه من قلبك تمام او بلاش قريبه من قلبك تحت كتفك بشويه ومش هتقدري تسوقي وزينب باشا اعصابها تعبانه من ساعة ما كنتي غرقانه في دمك قدامنا ف مش هتقدر تسوق ف مفهاش حاجة لما العسكري يودي العربيه لحد البيت ونوصلكو احنا
بصت رويدا لعمر شويه بإستغراب من نبرة صوتو وبعدها بصت لزينب لقت زينب بتهز راسها بمعني ( تعالي نروح )
هتقول بتنهيدة : تمام
ليث هيبص ليها برفعه حاجب اللي هو ( لا والله )
رويدا هتتجاهل نظراتو وهتركب ورا وجمبها زينب وعمر اخد المفاتيح اداها للعسكري وركب جمب ليث وليث ركب علي كرسي السواق
ليث وهو بيدور العربيه : ساكنين فين
زينب بهدوء : في *****
ليث وهو بيبص لرويدا في المرايه : تمام
سندت رويدا راسها علي الشباك وبصت علي المكان وليث من الوقت للتاني بيبص ليها في المرايه ، عمر من الوقت للتاني بيلف يبص لرويدا!!
أنت تقرأ
I declare my love for you ♡»
Misterio / Suspensoلقد حُزن قلبي بشدة علي تلك الأيام التي مرت عليّ ، ولكن أتيت أنت وجعلت حياتي مثل أيام الشتاء الجميله ♡!
