بحثت عنك فى كل مكان ،اشتقت لنصفى الآخر ،أليس من حقى ان احلم بالكمال،نعم فأنا احلم بأن اكتمل بك ،فوجودك بجانبى يعنى اكتمالى ،انتظرت كثيرا وسانتظر حتى يتحقق حلمى .
________________
بداية يوم جديد على كل الابطال حاملا معه كل جديد .
استيقظ مروان بتكاسل وهذا ليس من عادته ان يتكاسل ،فمروان النجار معروف انه شعلة نشاط لا تتوقف ولا تنطفأ ابداً.
ولكن ماحدث فى الامس ،اذهب النوم من عينيه ،فلم يتوقف عقله لحظة عن التفكير ،لقد وجد ضالته ولكن لم يستطع الاحتفاظ بها .
نهض مروان من الفراش وتوجه للمرحاض ،اخذا حماما باردا ليهدأ ثورة افكاره.
________________
فى قصر الدمنهورى .......
استيقظت صبا واخذت حماما دافئا واختارت ملابسها بدقة ،وتأنقت واضعة عطرها وابتسمت لنفسها برضا وخرجت بكل ثقة ،فمن يراها الان لن يصدق انها ذات الفتاة اللى ظلت تبكى طوال الليل بالامس.
تحركت صبا للاسفل وجدت الكل منتظرها على مائدة الطعام القت التحية عليهم جميعا وجلست لتتناول فطورها .
واذا بالعائلة جالسة تتناقش معا ،ليقطع هذا دخول على .
على :صباح الخير عليكم جميعا اخباركم اى؟
معتز:ابن حلال تعالى حماتك بتحبك تعالى افطر معانا .
على :بالف هنا سبقتكم .
منصور:اقعد انت ولا فطرت ولا حاجة.
معتز:دى اوامر عليا ،اقعد وانت ساكت .
على:انا اقدر اتكلم برضو .
معتز:انا مش هطلع على الشركة .
على:ماينفعش انت النهارة عندك ميتنج مهم كمان ساعة يعنى يادوب مسافة السكة.
معتز:لا انا لازم اروح مع صبا النيابة ،اتصرف ياعلى.
على:انت تيجى فى اخر دقيقة وتقولى اتصرف ياعلى ،وعلى المفروض يتصرف .
صبا:معتز مالو لزوم تيچى معى ،بروح لحالى مابدى خربلك يومك .
على:انزل بالترجمة بقى علشان افهم.
معتز بضحك:اهدى كدا شوية وهترجملك فى الاخر.
صبا:انا قصدى ان معتز مش لازم يجى معايا ،انا هروح لوحدى ،مش عايزة اعطله.
معتز:لا مش هسيبك تروحى لوحدك حتى لو هلغى كل حاجة النهاردة.
على:طب انا عندى حل حلو .
معتز:ماتقول بسرعة مستنى اذن يعنى .
على:بص انت روح احضر الميتنج علشان مينفعش حد غيرك يحضرها ،وانا هروح مع صبا هانم للنيابة دا لو مافيش مشكلة بالنسبة لها.
أنت تقرأ
قدرنا مش صدفة
Chick-Litانها الاقدار هى من تتحكم فى مسار حياتنا وليست الصدف حين نلتقى فهذا قدر وحين نفترق يكون قدر وما قد كتب فى قدرنا سوف يحدث ولا مفر من ذلك حيث ان قدرنا مش صدفة
