قراءه ممتعه.
في شقه ياسين
خرجت ياسمين من الغرفه واتجهت الي غرفه الجلوس وجدت ياسين يجلس على الأريكه باسترخاء ويتحدث فالهاتف ويضحك فقالت: أبيه
انتبه ياسين لها وقال: تعالي يحبيبتي
اقتربت منه وقالت: انا هخرج بقا للدرس واعدي على شقه عمو عشان امشي مع قصي
قال ياسين: استني هرنلك عليه ييجي ياخدك. وتحدث فالهاتف: عدي خليك معايا دقيقه هكلم الواد قصي
هاتف قصي فأجاب: اي يبن عمي
ياسين بتريقه: اي يبن عميي لاء محترم يلا
قصي: خلاص اي يأبيه حلو كدا
ياسين: انت فين يلا
قصي: لسه مخلص لبس هاكل واجي علطول
ياسين بأمر: بلا تاكل بلا نيله انجز ياض البت مستنياك. وإلا والله اخليها تمشي مع السواق وانت تتشحطط فالمواصلات
قصي: نت هتزلنا بحته العربيه والسواق الي بيوصلونا خلاص ياعم جااي
ياسين: يلا ياض فوريره وألغلق المكالمه وقال: خلاص ياياسو جاي اهو
اومأت ياسمين له واتجهت ناحيه المطبخ تعد شئ ما
اكمل ياسين المكالمه مع عدي الى ان رن جرس الباب اتجه ناحيه الباب وفتح وجد قصي امامه
قال قصي: فين البرنسيسه مش شايف حد واقف مستني يعني
سحبه ياسين من ملابسه وادخله الشقه واغلق الباب بقدمه وقال: جوه ياخويا ادخل
ياسين بنداء: ياسميين ياسوو
خرجت ياسمين مسرعه من المطبخ وفي يدها علبه طعام صغيره اقتربت منهم ومده العلبه لقصي
قصي باستغراب: اي دا ياياسو
ياسمين بخجل: احم انا سمعتك وانت بتتكلم مع ابيه وعرفت انك ملحقتش تاكل دي سندوتشات الجبنه الي انت بتحبها
قصي بابتسامه فرح: بالخيار
اومأت له بخجل تحت استغراب ياسين الشديد
ودعت ياسمين وقصي ياسين واتجهوا الي الأسفل ليستقلوا السياره باتجاه السنتر.
قال ياسين لعدي بحصره: العيال الصغيره اتحجزوا لبعض.. طب وناا
انا مين هيعملي سندوتشات الجبنه بالخيار ياعديي
عدي بضحك: هون على نفسك ياصاحبي لسه نصيبك مجاش
اكمل ياسين بقهر: العيال الصغيره ارتبطوا ونا لاء انا عاوز ارتبط زي العيال الصغيره دي مش هقولك زي الناس الكبيره عاوز واحده تعملي سندوتشات الجبنه بالخيار انا بقيت بتعب نفسيا ياعدي والله
حاول عدي اخفاء ضحكاته وقال: مانت ياياسين مش بيعجبك اي حد وياما ياخي جبنالك عرايس وانت الي بترفض
أنت تقرأ
خبايا
General Fictionتحرك للأمام بصدمه وعندها اتضحت له الرؤيه اكثر. شق ضخم طولي من بدايه صدرها حتى منتصف بطنها يقطعه شق اخر عرضي. الدماء متحجره على وجهها من ناحيه عينيها، وجفنيها مغلقين.
