خبايا

البارت الثاني والعشرون

البارت الثاني والعشرون ♥️

قراءه ممتعه ♥️

في غرفه العنايه المركزه. 

امسكت كف يده وقبلتها وقالت ببكاء: كدا يقصي،  كنت عاوز تموت وتسيبني،  انا مش زعلانه ان انت طلقتي انا زعلانه عليك وعلى الي انت بتعمله فنفسك،  مش عارفه انت عملت كدا لي،  كنت فاكر اني هرفض اكمل معاك،  انت مش عارف انا بحبك قد اي ولا ايي. فوق بقا عشان خاطري انت وحشتني،  شهر بحاله مسمعش صوتك، حرام عليكك.

دخلت الممرضه وقالت: يلا يا ياسمين الخمس دقايق خلصوا خلاص

قالت برجاء: سيبيني يهاله شويه كمان،  انا في حجات كتير عاوزه اقلهاله.

اقتربت منها هاله وقالت بحنان: بكره ياحبيبتي،  مش انتي عاوزه يبقا كويس،  يبقى لازم تخرجي الدكتور قال خمس دقايق كل يوم

تنهدت بقله حيله وخرجت من الغرفه وبقيت هاله تتفحص قصي باهتمام.

عند خروجها من الغرفه اتجهت مباشره ناحيه الغرفه الخاصه بعبير.

طرقت الباب ودلفت للغرفه مباشره دون انتظار الرد.

عند دخولها اقتربت مباشره من عبير الجالسه على الفراش تنظر للسقف فقط.

قبلت راسها وقالت: عامله اي يعبير

هزت عبير رأسها فقالت ياسمين: لسه برضو مش عاوزه تتكلمي. 

لم تجيب فقالت: عشان خاطري يعبير فوقي،  انتي مش شايفه حاله عمو عامله ازاي،  مش هتبقي انتي وقصي كدا كتير عليه،  وقمر مش بتعمل حاجه طول اليوم غير انها تعيط، صعبانه عليا حبيبتي كانت متعلقه بقصي جدا.

لم تنتظر الإجابه واكملت: احنا قدمنا الملف بتاع قصي فعلوم.

نظرت لها عبير باهتمام فتابعت: وقدمت انا كمان فعلوم عشان ابقى معاه.

اكملت: طبعا هتستغربي ازاي ادخل علوم ونا طول عمري نفسي ادخل هندسه،  بس انا عشان ابنك ممكن اعمل اي حاجه اه والله انا بموت فيه اساسا،  برغم انه طلقني الواطي بس انا اول مايفوق هجيب مأذون واتجوزه تاني حتى لو تحت تهديد السلاح،  وقدر قدمت طب بشري زي ما كانت بتحلم ربنا يوفقها،  الحمل تاعبها الفتره دي وكل شويه بنروح لدكتور شكل وشكلها كدا هتولد على السابع يعني اسبوع بالكتير وفلك هانم تشرفنا،  وسهر بطنها بدأت تكبر وهتحصل قدر بعد كام شهر هيحح عقبالي يارب اما ابقا حامل في ابن ابنك.

وياسين بقا يحبيبي صعبان عليا خالص بالنهار يطلع عينه فالشغل والحمد لله ان اللوا بتاعه حماه مريحه على الأخر شغل واسطه بقا وكدا هههههههه بيبقا الصبح فالشغل وقبل ما يروح يعدي يبص على قصي ويقعد معاه شويه وبيعدي عليكي بس انتي بتبقى نايمه بسبب الدوا،  بعدين يروح يعمل الأكل عشان قدر مش بتتحرك وانتي عارفه اني مبسبش المستشفى غير على النوم بالك انتي لو ابنك مكانش طلقني، انا كنت هفضل معاه عادي وانام فحضنه كمان،  بس يلا هو الي فقري. الدراسه كلها شهر وتبدأ يارب قصي يكون فاق عشان السنه متروح عليه وعليا لاني برضو مش هسيبه يا ننجح سوا يانسقط سوا.