خبايا

الخاتمه

الخاتمه ♥️

قراءه ممتعه ♥️

في مكتب حازم.

طرق الباب فأذن للطارق بالدخول.

تحدث خالد زميل لهم فالفريق: التقرير وصل.

حازم: تعالى اقعد

جلس خالد امامه وبدأ بالحديث: كل الأعضاء اختفت،  العينين،  الكليتين،  القلب،  الكبد،  انسجه الجلد،  حتى الرحم كل حاجه حرفيا اتاخدت وصمت ينظر له بتوتر

تحدث حازم بحزن: كمل يا خالد

خالد بتردد: اغتصبوها يا حازم فالأول.

وضع وجهه بين كفيه ورجع بجسده للوراء يستند على المقعد.

اكمل خالد وهو يخرج احدى الصور من جيبه لجثه قدر واشار على انفها وقال: شايف العصب دا.

هز رأسه بايجاب فاكمل خالد: معناه ان عنيها اتقلعت وهي فايقه متخدرتش ياحازم.

ضرب بيده بقوه على المكتب عده ضربات متتاله ادت الى كسر الزجاج وجرح يده وصرخ: يولاااد الكلببب يولاااد الكللللببببب

فتح الباب على مصرعيه ودخل عمر زميلهم ايضا وهو يلهث ويبدو انه كان يرقض: فلك ماماتتش فلك عايشه.

نهض حازم من على مقعده وتحدث ببعض الفرحه: الحمد لله،  بس هي كانت ساكته خالص ومش بتتحرك.

عمر: اتخدرت يا حازم

حازم بسخريه: لا كتر خيرهم

خالد: مفيش اخبار عن ياسين. 

عمر بأسف: اتنقل مصحه نفسيه من ساعتين.

حازم برعب: ليي حصل اي.

عمر بتوضيح: إكتأب حاد. مبينطقش، ومغمض عينه، بس هو صحته كويسه مفيهوش اي حاجه.

خالد: لا حول ولا قوه الا بالله،  الي يشوفه واحنا فأي مهمه ميصدقش الي هو فيه دلوقتي.

عمر: انت لو مكانه ولقيت مراتك فالحاله دي هتعمل ايي. ربنا يصبره ويطلع من الدوامه الي دخل فيها دي على خير.

حازم: مفيش اخبار عن عدي.

خالد: محدش عارف عنه حاجه،  روحنا بيته محدش فتح حتى شقه حماه فاضيه.

حازم: هيكون رااح فيين بسس.

قاطع وصله حديثم طرق الباب ودخول العسكريى.

ادى التحيه العسكريه باحترام ومن ثم مد يده لحازم بظرف ما. 

التقطه حازم منه وقال باستغراب: مين الي باعته

العسكري: واحده منتقبه يافندم جات وسابته باسم حضرتك.

هز حازم رأسه بتوجس واشار له بالخروج.

فتح الظرف ووجد به عده صور واسطوانه.

بدأ يتمعن فالصور وكانت اول صوره عباره عن لقطه لقبر.