للحب مخالب وأسهم وطعنات ، لاتشفى ولا تنسى...
الحب مغامرة جميلة و ممتعة ومتعبة في أغلب الاحيان ..
الوقوع بالحب أشبه بمخدر
يهيأ لنا بأن الحياة جميلة
وكل شيء على ما يرام !!!
لم نعلم بأن الحياة تفرق بين المحبين ....
لكني قرأتُ يوما ما عبارة كتبها أحدهم نفت الكلام السابق تقول :
( في دين العشق لا يجوز الفراق )
صدقتُ وايقنت وجربت هذا العشق ولكن حدث ما لم يكن بالحسبان ...
بقلمي عبير ادريس
____________
الساعة الثانية عشر مساءا
بتوقيت مدينة بغداد
المكان العمل ...
اسمع زميلتي بالعمل تصيح سيلين..التفتت الها حاجيتها وبيدي الاغراض كاعد ارتب بيهن ..
سيلين : هاا نسرين...
نسرين : باعي خابرني رامي راح يجي ياخذني واستأذنت من ابو الشغل ، بس كلي لازم تكملين جرد القوائم واني تأخرت حبابه تكمليهن انتي علمود أبلغه..
سيلين: ماشي جيبي ..
نسرين: حبيبتي مردودة ..
دزتلي بوسه بالهوى ولوحت بيدها ..ابتسمت وخليت القوائم على صفحة ورجعت اكمل شغلي، خلصت ورة ساعة عمل متواصل كعدت على الكرسي وبلشت بالقوائم ، كمت اسجل كل شخص زار المكان واشترى من عدنه وكم مرة خلال هذا الاسبوع ، شنو الغرض من هذا الشي ماعرف بس الاوامر مال مدير الشغل هيج يريد واحنه نشتغل بسكته ممنوع لا اسئلة ولا استفسارات ..
بلشت الاسم المكرر مرتين اشطبة ..
استمريت اشتغل بيهن مدة نصف ساعة الى ان وصلت للأسم استوقفني بصدمة صرت ارجف خوف ورهبة وحب كلهن بنفس الوقت ..قريت اسمه والله هذا اسمه اسمه الثلاثي...
أنت تقرأ
جذبني فمك البني
General Fictionملاحظة مهمة ! تصميمات جديدة وتعديلات طفيفة منقول من الروائية الجميلة عبير إدريس ــــــــــــــــــــــــــــ الحب والحرب _ الغريب القريب تراودنا الكثير من القصص حول الحب ولكن هل سمعنا يوما بالحب والحرب سوياً.. نعم بروايتي هذه سوف نتعرف على الحرب ال...