عندي احساس راح انساك
بس احساس مو اكثر
ابادر بالهجر والكاك بعدك بالكلب تكبر
معيشني ويه شخصيتين الاريده وكافي ماريده
لان ادري اليحب خسران بس هم ادري مو بيده
اكول ايام وتعدي وارجع من جديد ابدي
تصير بخانة النسيان وارجع وانكلب ضدي
ـــــــــــــــــــــــــــــــــــــــــــــــــــــــــــــــــــــ
الدكتور : اعتقد اليوم كافي سمعت الأريده وانتي هم تعبتي اريدج ترتاحين يومين يلا ترجعيلي علمود تستعيدين نشاطج ...
مدلي كلينس اخذته منه مسحت دموعي ومكدرت احجي وياه ولا كلمة بس كتله شكرا واخذت جنطتي وطلعت منهاره احس بألم قوي بكلبي ومعدتي تكلب ..
نزلت اترنح ماعرف شبيه هالمرة الفضفضه كانت ثقيله على قلبي مرات البوح يكون اصعب من السكوت والاثنين قاتلات بالنسبة إليه ، يكفي ملامح الطبيب وعيونه تلوم بيه من وصلت للفقرة التخص ادهم ...
وصلت يم سيارتي التقط انفاسي بصعوبه مرات اكول اني ابالغ بردات فعلي بس لان صارلي هواي ويستحق مني المبالغة ...
فركت وجهي بحركه قلقه جنت عصبيه عبالك توني طالعه من عركه صعدت بالسيارة شغلتها بيها بانزين قليل ، شلون بالحظ من تلتم تلتم ،
درت الراديوا اريد قناة اسمعها علمود التهي انسى كل شويه يطلع شي و ميعجبني انسطرت طفيته ،
وصلت للمحطة عبيت بانزين ورجعت للبيت صفيت السيارة ونزلت الشارع فارغ الناس كلها ببيوتها لان الجو بارد ودنيا بدت تغورب نزلت بوجهي للشقه فتحت الباب وفتت علكت الضوه دست على شي جوة رجلي باوعت ورقة شلتها مكتوب بيها...
( اذكرج بيوم التجأتيلي جنتي منهارة متوجعة تبجين لان الدنيا ضاقت بيج من وسعها ، تتذكرين شسويت انه وكفت وياج حركت نفسي ورجعتلج ضحكتج ، هسه انه متألم موجوع منهار وينج عني؟؟؟؟
على العموم اتمنى دكتورج يفهمج مثل ما انه فهمتج وجنت اعزف على وترج الحساس ، رحلة علاج طيبه سيلي )
شامرها من جوه الباب لان قريبه جانت كلش لو بس اعرف وينك ارتاح...
كمت ارجف كلبي يدك من صفحه وعقلي يضرب براسي بكل قوة،،،
نبض ركبتي احس بيه يريد يطلع،،
كل حواسي اشتغلت ضدي كلشي كام يأذيني جسمي وعقلي وكلبي كلشي تبره مني ،
كلها تصيح ادهم منريدج الج ، كعدت بالكاع اضرب على كلبي بكل قوتي اريده يوكف ميدك تعبني يرجع عقلي يلوم بيه،،
أنت تقرأ
جذبني فمك البني
Tiểu Thuyết Chungملاحظة مهمة ! تصميمات جديدة وتعديلات طفيفة منقول من الروائية الجميلة عبير إدريس ــــــــــــــــــــــــــــ الحب والحرب _ الغريب القريب تراودنا الكثير من القصص حول الحب ولكن هل سمعنا يوما بالحب والحرب سوياً.. نعم بروايتي هذه سوف نتعرف على الحرب ال...
