حمامة الشيخ

جزء تاسع

قالت جدتي ضع الكلب ليحرس دارك والقط ليأكل فأرك ولا تقل لبني ادم اسرارك "

بنين :كعدت الصبح اجن البنات مها وحوراء ونور عليه علمود نروح للصالون سبحت على السريع وبدلت بطرون اسود وقميص ماروني للركبة وكب وشال اسود رحنة للصالون واجت وياي قمر اخذانه عباس كضة الطريق كله يحشش

عباس :شلونج مرت الشيخ

بنين :الحمد لله بخير

عباس :احب اكلج هاذ آخر يوم تكولين بخير لأن بعد تكولين نهار اسود
بنين :😐ليش

عباس :غير راح تاخذين العكرة مالتنة

مها :عباس هاذ الحجي احجي كدام الشيخ مو هنا علمود يموتك وانتي حبيبتي بنين ترة يشاقة وياج

بنين ☺️:اعرف حبي كاعد يشاقة اصلاََ الشيخ خوش رجال بيني وبين نفسي والله حجي عباس صدك صدك عكرة

عباس :يي روح يشيخ حظك وردي حصلتلك مرة محامي دفاع

الكل :😂😂😂😂

بنين وصلنه للصالون بدت تسوي تسريحة ردت تسريحة هيج بس من فوك فيونكة ومن جوة سرح كملت صارت بال ١٢ طبعاً احنة طلعنه بل ١٠ بس لأن مو وحدي بالصالون اكو بعد عرايس اثنين فتاخرت علي المهم خلصت التسريحة وبدت تحطلي مكياج بدون اساس لأن انا كلش بيضة فما يحتاج خلصنة ورجعنة للبيت الساعة بال ٣ ظهر لأن البنات همة سون شعرهن ومكياج وهنة أربعة اجة علينه كرار طبعاً كرار تصرفاته تشبه تصرفات الشيخ همة ٢٤ ساعة عاكد الحاجب والجكارة بحلكة عدهم بس عباس فري المهم وصلنه للبيت استقبلني نسوان خوالي هلاهل وجكليت وبيبي همة وياهن صعدت فوك لبست بدلة الختاراهة الشيخ وهمة اكلت نستلة وكيكة وشربت عصير لأن ما تغديت المهم صارت الساعة بال ٤ ونزلوني الصالة مليانه نسوان هاي تصلي على محمد وهاي تكول هنيالة الشيخ وحدة تكول حظوظ عابت حتى على هاي لاحكاتني بيني وبين نفسي اكول اخذنه وفوكة كيلو ذهب 😅😅😅المهم اجت بيبي ام بابا باوستني بست ايدهة وراسهة وأم الشيخ كذالك واجت مرت ابوي من ورة خشمهة سلمت عابت كعدت شوي وكالن خلي ندخل العروسه للغرفة علمود يدخل السيد يعقد دخلتني قمر ومرت خالو منصور كعدني على الكرسي وخلن بيدي قرآن على سورة الفتح وبين اصابعي هيل وخلن رجليه بماعون كزاز شفاف وبي ورد احمر طبيعي وماي ورد وقطني بالكبوس الأبيض وَطلعن دخل السيد وجدو خالد وجدو عادل وخالي منصور وبابا وعمي هادي والشيخ علي عقد الشيخ النه ضل يقرأ سور ويجي كلام هواي ووصل للكلام الهيسته خلص اليوم راح انعدم اهيس مو عقد قران لا اهيس محكمة اعدامي ضليت ارجف كال هل تقبلين بابن عمك ِ الشيخ علي هادي عادل عشيرة...... بمهر المقدم ٢٥ مليون والموخر ٥٠ مليون اذا قبلتي كولي نعم وانتي وكيلي طبعاً ضليت ساكتة وارجف عادهة علي اربع مرات بالخامسة كلت نعم بس شنو بالكوة اطاني الدفتر وقعت وبارك النه وبارك أجدادي وعمي وخالي وطلعوا اجن النسوان طلعني للصالة كالن شوي ويجي الشيخ علمود يلبسج الحلقة والذهب حلكي ناشف جانت واكفة بصفي قمر حاجيتهة قمر بهمس