حمامة الشيخ

جزء ١١

علي من رجعنة من الطلابة اشوف عمي ناجي ضايج فكلت خل اسئلة خاف محتاج شي والله ابوي وجدي دخلوا للبيت بقة عمي راد يروح لبيتة بس انا منعتة
الشيخ علي... عمي أريدك بسالفة خليك
ناجي... هاا شيخ تفضل شرايد
الشيخ علي... عمي اشوفك ضايج ودائماً صافن خيرك
ناجي وهوة دمعة بعينة... والله يعمي اهيس روحي مخنوك
الشيخ علي... آفة عمي كول محتاج شي كلي
ناجي.... لا والله يشيخ بس انا الخانكني جفاء بنين 😢
الشيخ علي... والله عمي ما أعرف شكلك بس عمي انتة غلطان لأن ما ربيتهة ولا هتميت بيهة
ناجي.. 😢بس هسة شلون
الشيخ علي.. ولا يهمك عمي ان شاء الله قبل العرس اخليهة تحجي وياك
ناجي... صدك شيخ
الشيخ علي... يي عمي
ناجي... مشكور عمي والله ما اعرف شلون اجازيك
الشيخ علي... لا عمي شنو سالفه
ناجي... يلا شيخ مرة رخصتك رايح للبيت تأخر الوكت
الشيخ علي... مرخوص
راح عمي ناجي وانا ضليت صافن شلون مشكله هاي هوة إنا ما مسويلهة شي وما تكبلني مو ابوهة تخلة عليهة وهية طفلة اووف اووف طلعت من الديوان ورحت للبيت طبيت الغرفتي سبحت وبدلت ملابسي ونمت
كعدت من الصبح لكيت البيت هوسة وكرار راح للمطبعة علمود كارتات العرس وامي وعماتي واخواتي راحن للسوك علمود تحضيرات العرس ملابس وغراض للغرفة اخذهن مسلم ابن عمي ناجي وانا ضليت افكر شلون اراضي بنين وعمي ناجي كلت خلي اروح الهم واحاجيهة لأن السالفه مو مال تليفون رحت لبيت جدي عادل طلعت مرت خالهة سلمت عليهة ودخلتني للديوانية ورة بشوي اجت بنين لابسة دشداشة زركة وشال ابيض طالعه جنن كعدت كبالي ضليت صافن ما أعرف منين أبدي ضليت مفهي عليهة طيرت ام السالفه اخر شي حجيت احمم شلونج بت العم
بنين... كعدت الصبح سبحت ولبست دشداشة زركة نزلت وتريكت البيت فارغ جدو طالع وخوالي بشغل والشباب كل واحد بدوامه جنت كاعدة بالغرفة وصاحتلي مرت خالو الشيخ علي بالاستقبال لبست شال ابيض ودخلت للاستقبال اشوفة ضل صافن كعدت مقابيلة اريدة يحجي ماكو آخر شي تحمم وكال شلونج بت العم
بنين... الحمدلله انتة شلونك
الشيخ علي هوة صافن بوجهة ... انا من شفتج صرت بخير
بنين.. هاا
الشيخ علي.. احمم احمم اقصد الحمدلله بخير اسمعي بت عمي انا اليوم اجيت علمود شغلة مهمة والمفروض اول ما اجيتي لهنا نحجي بيهة
بنين 🤔... شنو يا سالفه
الشيخ علي... عمي ناجي صحيح هوة غلط بس الانسان ما معصوم من الغلط وهوة الأمس كلفني علمود ارضيكم
بنين... شيخ صحيح الإنسان ما معصوم من الغلط بس مو نفسه هوة السواه ماكو اب يتخلى عن اولادة والله شنو لأن ماما توفت ليش 😢😢مو المفروض يعبي فراغ امي 😭😭
الشيخ علي كام وحظنهة أسس كافي لا تبجين مسح دموعهة تعاي كعدي خل نحجي
كعدوا اثنينهم على القنفة ضل يحجي وياهة وهية ما تقبل اخر شي قبلت بس شرطت على علي شرط
الشيخ علي... شنو الشرط
بنين... مو هسة بعدين اكلك شنو شرطي
الشيخ علي... ماشي هسة كلشي تمام
بنين... تمام
الشيخ علي.... يلا بوية كومي اخذيلي طريق اريد اطلع وبليل اجيب ابوج ماشي
بنين... ماشي راحت سوتلة طريق وطلع
راح الشيخ لعمة وكلة بليل نروح لبنين والعم ناجي بدة يطير من الفرحة شكر من الشيخ
صار الليل وراح الشيخ وناجي لبيت الجد عادل علمود بنين طبت بنين وكام ناجي حظن بتة وضل يبجي بصوت ويعتذر من عدهة وبنين نفس الحالة همة تبجي لمن صالحوا ورجع لبيته العم ناجي والشيخ رجع لبيته
دخل ناجي لبيته ويشوف مرته كاعد تخابر باختهة (طبعاً اهل حميدة متبرين من عدهة وكاطعين الصلة البينهم بس اختهة الجبيرة تحجي وياهة مزوجة واحد محبس باصبعهة  وعدهة بنات ٢) دخل وهوة مبتسم اتفاجوا من عدة لأن بآخر فترة هوة ضايج حميدة خلصت المكالمه وي اختهة وسئلتهة وهية متفاجئة
حميدة... خيرك طلعت شكل ورجعت شكل
ناجي... الحمد لله صالحت وي بنين
اولادة فرحوا وباركوا لبوهم بس حميدة راح تموت من العصبيه وشوي وتنفجر بس ما بينت
حميدة... يي على الخير
وكامت راحت لغرفتهة وكلمن راح لغرفتة بس ناجي راح لغرفة مسدودة محد مسموح الة يدخل بس ناجي والقفل عدة دخل الهة وشغل الاضوية مالت الغرفة وكعد على الجرباية مالتة ومال زوجتة المرحومة جمان ام بنين لأن هوة من ماتت ورة كم سنة نتقل لغير بيت بس اغراض زوجتة وحتى اخشاب الغرفة حطاهة بغرفة خاصة كلما يضوج لو يشتاق لزوجتة يروح يكعد بالغرفة.....
خلص البارت عمري ولا تنسوا التصويت للقصة وشنو شرط بنين ال راح تشرطة على الشيخ 🤔🤔🤔