حمامة الشيخ

جزء ١٥

بعد مرور شهر من الزواج

بنين..
طبعاً صايرلي اسبوع من بديت اداوم بس شنو حيل تعب يعني اروح للمستشفى الصبح وارجع بل ٢ الظهر ومرات ابقى لل ٣ والبيت همة عدي التزامات بس الديوان والعزايم ليسونهة كافي تخليني اموت تعب بس على حجاية قمر اتعود وانجب غصباً ما علي ههههههه

بعدني انا انام على الأرض وهوة على السرير بس مرات وانا نايمه احس شفتي واحد يكرص بيهة وحتى من اكعد الكاهة زركة

علي...صارنة شهر مزوجين ولليوم نصرف بالغرفة كأنه إخوان بس انا ما تفوتني من تنام على الأرض ابوس شفايفهة واحضنهة شوي واكوم اخاف تكعد وشوفني بس انا لازم اخليهة تنام يمي على السرير إلى متى يبقى هاذ حالنه

اليوم عمي ناجي يجي للعشة علمود شغلة ما أعرف شيردون بس همة كالوا عدنه موضوع
المهم وصيت بنين سوي عشة مرتب والبنات يساعدنهة

بنين... اليوم علي وصاني اسوي عشة لأن بابا وزوجته وأخواني يجون
المهم سويت عشة دولمة بضلوع غنم ومندي دجاج ومقبلات بيتجانية وحمص بطحينية وزلاطة وطرشي ولبن وعصاير سويت هواي بحيث عشة يكفي عشيرة والبنات ساعدني

خلصت صعدت فوك سبحت ولبست نفنوف سمائي يجنن وسشورت شعري لميته ولبست شالي وحطيت مكياج خفيف

سمعت صوت جوة ونزلت لكيتهم جايين وكاعد يسلمون سلمت على بابا وأخواني وامهم بس شنو رافعة خشمهة عابت وجاية وراهم مرة و٢ بنات وحدة من عدهن تباوعلي بطرف عينهة وحدة عادية سلمت

كعدوا ضلوا يسولفون وبعدين اذن صلينه وصبينه عشة وكعدنه نتعشة وهاي البنية تباوع لعلي بنضرة استغفر الله حجة مسلم

مسلم ... امم الكل كلش طيب منو مسوي

الجدة.... بنين سوته بعد بيتي معدلة مو نفس بنات هل وكت

عباس... روحي بنين ايدج بالدهن الحكومة وياج بعد منو يكدرج اخخخخ شنو القضية هذاك اليوم كرار وهسة محمد ما يصير هيج عود انا اخوكم الصغير

الشيخ علي.... احترم تحترم انتة ابلع السانك وفنه ليمد ايده

حميدة... اكول صدك بنين ما صار عدج شي

بنين... شنو شيصير

حميدة... يعني طفل يشيل اسم الشيخ

بنين ردت احجي بس سبقني علي

الشيخ علي...بعد وكت احنه ما مستعجلين ليمت ما يجي هلة بي

حميدة... هاا أن شاء الله يصير وكون ما طلعين على امج لأن خطية الله يرحمهة جانت تتمنى يصير عدهة طفل ومن صرتي ماتت ما تهنت بي

بنين اهيس ضربتني بخنجر بنص كلبي

الجد.... حميدة كرمينه بسكوتج

حميدة... يا شيخ انا شنو حاجيه

الشيخ علي... مرت عمي احترم زوجتي من احترامي فرجأن بدون كلام زايد