حمامة الشيخ

جزء ثاني بارت ٢٨

اريد ان اتحدث واتحدث
وأخرج ما بداخلي
لكن لمن!

///////////////////

بنين صار على وفات حبيبي أربعين يوم يعني صار على حملي شهرين ونص

رحنه للنجف شمرت روحي على كبرة ضليت ابجي واعاتب بي المن عايفني وليش عفتني يعني همة ابنه راح يعيش نفس حياه امه يتيم

اجة بابا كوماني من كبرة واخذاني للسيارة لأن موزين علي لأن حامل

رجعنه للبصره وانا بس ابجي

البيت صار وحشة جان قبل بي روح هسه ماكو جدو لحد هسه حزين ويوميه يبجي

والباقي نفس الشي

طبعاً انا داخله بعدة ٤ أشهر ونص

خلصت شهر ونص وباقي ٣ أشهر رحت لبيت بابا لأن ما اكدر بيت عمي ولا بيت خوالي لأن ما أخذ راحتي وعلمود التزم بالعدة

حميدة هيه التطبخ وجيب الأكل يمي وحتى ملابسي هيه تغسلهن ومن ما أرضه اكل تروح تكل للولد او لبابا

ويجبروني اكل

سبحان من غير الأحوال ان شاء الله تبقى هيج وما تتغير

دخلت للغرفة

حميدة... بنين اجت قمر والبنات كاعدات بالهول (الصاله) تجين يمهن لو هنة يجن

بنين... لا هسه انزل ضجت من الغرفة

حميده... ماشي يلا تعاي نزلت قبلي وانا نزلت لكيت البنات مها وحوراء ونور وندى وقمر (نسيت اذكر مسلم من زوج طلع بيت وحدة يمنه بصف البيت)

هلا بنات

هلا بيج حبيبتي شلونج

بنين... زينه

ندى بهمس ... شلونج كون ضوجج حميده محمد كال سئليهة

بنين... لا بالعكس زينه وياي

ندى... يا الله أن شاء الله تبقى دوم وما تتغير

قمر... بنات والله احسهة خوش مرة صحيح اول ما اجينه ذب كلام بس اخر فتره صارت احسن

مها... ترة هية ما تكره واحد بس مسلم يسولفلي يكول امي ما تكره بس تخاف ابوي يكتب الممتلكات باسمهة

بنين... إنا ما يهمني كلشي بعد ما راح الشيخ 😢😢

قمر... حبيبتي بنون احنه جايين نغيرج جو مو تبجين انا ما اكلج انسي لأن مستحيل تنسين بس حاولي تتخطين علمود الروح لبطنج

بنين.... والله ما اكدر حطت ايدهة على وجهة وضلت تبجي

حوراء.... 😢😢ليش احنه النكدر والله من مات الشيخ لهاذ اليوم افوت للبيت بس بالخميسية وهذاك اليوم بالاربيعينية

نور... ولجن لو شوفن امي تنام باب غرفة الشيخ تكول اريد انام على ريحته وما تقبل تنام بيهة تكول ما اكدر اشوفهة فارغة 😭😭😭

البنات... ضلن يبجن

دخلت حميدة بيدهة صنيه ماي وجاي وحليب ابيض لبنين

حميدة.... يا عمة صدك جذب جا انتن اجيتن علمود تنسنهة لو تبجن وياهة

حوراء... وهيه تمسح دموعهة بايدهة.. كافي بنات

عمة حبابة عينج على بنين بس تخلص العدة جدي يكول ناخذهة بالبيت

حميدة... بعيوني بس مستحيل بنين تطلع من البيت هاذ بيت ابوهة واكيد لا اخوانهة ولا ابوهة يقبل تطلع من البيت وبعدين انا تعودت عليهة

نور... عمه ما تقصرين

حميده... شنو هاذ الحجي عمه عيب تحجين هيج
هاج بنين شربي هاذ الحليب

بقن البنات شوي وراحن

بنين.. اكول خالة

حميده.. كولي

بنين... ليش ما تقبلين اروح لبيت جدو خالد بعد العدة

حميده... خالة يا بعد خالتج السالفه مو سالفة بس ترحين لبيت جدج وتكعدين بغرفتج وجيبين وتربين ابنج او بنتج لا

بنين.... لعد شنو

حميده... شوفي خالة احنه هنا اليموت رجلهة وهيه عدهة جهال او حامل نفس حالتج من تطلع من العدة يزوجونهة حماهة

بنين بصدمه... شنو شكاعد تحجين

حميده... والله العظيم انا هاذ الكلام ما اجيبه من جيبي واذا ما مصدكة تخلص العدة وشوفي

بنين... عافتني وراحت للمطبخ لا اكيد محد يجيبرني مستحيل لو اعرف اكتل روحي ولا اصير زوجة واحد غير الشيخ

نهاية البارت...

بنات شنو تتوقعون كلام حميده صحيح وراح تزوج من إخوان الشيخ لو بس مجرد كلام عابر كتبوا الجواب بالتعليق

ضغطوا على نجمة وعلقوا على الفقرات

اضافتن التنزيل ما راح يصير يوميه لا راح ينزل بشرط البارت

٥٠ 🗯️