حمامة الشيخ

جزء ثاني بارت ٣٦

بسم الله
//////////

رحنه كملنه اجرأت السفر واخذنه الجنط من السونار ورحنه لفندق علمود نرتاح اليوم وباجر ندور شقة لو بيت

اجرانه سويت واحد إلي وقمر واحد لدكتور غياث وعائلته واحد لدنيا واهلهة

ارتاحينه سبحنه وصلينه دك باب السويت راحت قمر فتحت الباب طلع دكتور غياث

غياث... تفضلاََ بنات هاذ عشه

قمر... شكراََ دكتور

غياث... العفو يلا رايح اودي العشه لدنيا واهلهة

راح الدكتور ودخلت قمر

قمر... خطيه دكتور غياث تعذب ويانه

بنين... الله يحفظه لأهله خوش رجال وما عافانه

قمر... فعلاً خوش رجال والله اطاه جوري عوضاه على كلشي

تعشينه وغسلنه ونمنه وآدم نام بسرعة لأن تعبان همزين ما عذبني اووف

/////////

نور... ضل الشيخ حوالي شهر يدور على بنين وما لكاهة وخلص الايام معصب وما يحجي وي واحد آخر شي بداية ٢٠ ٢٠ راح لبغداد علمود شغل وراهة بكم شهر فايروس كارونا احتل الساحة

ام علي... يمه خابروا اخوكم خلي يرجع

محمد... يمه مثلاً اذا رجع ما يصيبه مرض

ام علي... ولك خلي يرجع عادك بين اهلهة

ضلت امي تلح اله تتصلون بالشيخ يرجع

كرار... يمه حتى لو يريد ما يقبلون لأن هوة ضابط ولازم يداوم ودوامه بغداد

سكتت امي وراهة بكم يوم جهز روحه كرار يروح لبغداد

محمد.. خيرك وين رايح

كرار... اتصل بيه صديق الشيخ ويكول الشيخ بي كارونا وكلشي تعبان لازم اروح

نور... 😢😢 وهسة شلون صار حباب اخذني وياك

كرار... حبيبتي نور ما اكدر اخذج
انا ويمكن ما يفوتوني

نور... ماشي بس حباب طمنه من توصل

كرار... إن شاء الله يلا انا رايح واذا واحد سئل علي كلوله راح علمود شغل

راح كرار لبغداد واحنه بقينه بقلق لأن جانت كارونا من يصاب واحد يموت اسم الله

//////////////////////////////////

كرار... وصلت لبغداد رحت لشقة مالت الشيخ دكيت الباب فتحلي صديقة السلام عليكم

ضرغام... وعليكم السلام تفضل

كرار... فتت لغرفة النايم بيهة الشيخ اسمعه يون لأن حرارة عاليه
اخذتوا للطبيب

ضرغام... يي اخذناه واطاه علاج وهسه احسن