حمامة الشيخ

جزء ٢٢

بسم الله //////

بنين.. شنو

الشيخ علي... شعرة كلبي انتي

بنين... اهيس روحي ذبت ما أعرف بس من كال هاي الكلمتين ما أعرف شنو اجاوب

وين جنت

الشيخ علي... جنت بالمزرعة

بنين... هاا متغدي

الشيخ علي... لا بوية بعدني

بنين... لعد راح اجهز الغدة علما اتبدل

الشيخ علي... ماشي

بنين... نزلت جوة والابتسامة على وجهي
لكيت الكل كاعد

الجدة... هاا حبوبه شلونه الشيخ

بنين... بخير بيبي هسه اريد احضره الغدة

الجدة.... هاا جا روحي زهبيي

بنين... رحت للمطبخ حضرت الغدة اله والي
وديت الصينيه بالصالة شوي ونزل

راد يكعد كاله جدو

الجد... شنو يا شيخ ضاهر احنه ما نعجب

الشيخ علي... لا حشه جدي

الجد... جا ما سلم مو المفروض سلم على الأكبر منك

الشيخ علي... بأس جده برأسه السموحة منك جدي بس لان ضايج

الجد... هاي هية شغله صارت وخلصت ومريتك كشفتهة بعد على شنو ضايج

عباس... يي بخت هاذ لو انه وهيج صار بيه جا كبل طلبت طلاك بس كلمن وحظه نوب هيه حتى ما تريكت ولا تغدت

بنين... خجلاني الكل باوعلي والشيخ يباوع بابتسامة

الشيخ علي... وانته على شنو ضايج

عباس... لا لا ما ضايج على شنو اضوج بالعافيه

الشيخ علي... الله يعافيك

بنين... كعدنه نتغدى خلصنه غدة والشيخ ياكل لكمه ويباوع علي

شلت المواعين غسلتهن وصبيتله شاي وديته اله جان كاعد بالصالة

بنين... تفضل

الشيخ علي... عشتي

كعدت يم البنات والشيخ يم جدي وعمي والولد وبيبي وخالتي سوة يسولفن كالت حوراء

حوراء... اكول بنين ترحين باجر للسوك

بنين... ليش شنو المناسبة

حوراء... غير نجهز العرس

بنين.... صدُك يا يوم حددوا العرس

حوراء.... بعد محد محدد

بنين 😒.... لعد ليش تحجين ولحد هسة محد محدد اليوم هاا

حوراء.... ههه مو كلت نجهز من هسه احسن لأن بعدين ما نلحك

الجد... حضرن عشة اليوم بيت ناجي عدنه يحددون يوم العرس

ام علي... إن شاء الله عمي