حمامة الشيخ

جزء ٢٥

بنات راح تقرب نهاية القصة وليهسة ما جايبين الف نجمه يعني تقبلنهة ضيعون تعبي هيج هيه نجمه

بسم الله

قمر... يوميه بليل يتصل كرار او يراسل كلش تعودت علي مرات يتأخر ما يراسل أضل كاعدة بصفحته هسه يجي هسه يجي ماكو صارت بل ١٢ ونص اتصل

كرار... الو

قمر... بعد وكت

كرار... بسم الله الرحمن الرحيم الناس تكول هلا شلونك شلون صحتك انتي بعد وكت

قمر... يي انا اكلك بعد وكت وين جنت هاا انته كل مرة تتصل من وكت ليش اليوم متأخر هاا اكيد كاعد تمل من عدي اكول اذا بالك هاذ الشي احجي من هسه احسن لا ابني عليك أحلام وتالي يطلع الأساس فاشل

كرار.... عيني ام جهالي جان عدي شغل وكعدة توني يلا ارتاحيت ودخلت للبيت اول ما راسلتج
وبعدين تغارين علي

قمر... احمم لا ما اغار على شنو اغار بس لان تأخرت خفت لا صاير شي

كرار... هاا صدكتج يي شلونج شخبارج

قمر... الحمد لله تمام

كرار... يي

قمر... يي

كرار... يي

قمر... يي

كرار... وجعي

قمر... ياا شبيك

كرار... لا ما بيه شي بس اريد ازوج لأن الشيخ وزوج ومسلم بعد شهرين عرسه وانا بعدني

قمر... ازوج منو لازمك

كرار... خرب حظي الكو... اد

قمر.... اوي شنو هاي ألفاظك هاي ثاني مره كاعد تغلط ثالث مرة ابلوك

كرار.... عيني ام البلوك ضاهر عدج معمل بلوك

قمر... اووف كرار يلا تصبح على خير

كرار... أجمعين نامي نامي هوة إنا ان شاء الله اعرس وي جهال الشيخ المستقبلين

قمر... سد الاتصال وشبعت ضحك علي صحيح انا كاعد احس بمشاعر اتجاهة بس لازم اتأكد من مشاعري لأن ما أريد اظلمه واظلم نفسي

//////////////

بسبس بسبس

درت وجهي على مصدر الصوت واشوف عباس

عباس... خاب بنين هوي

بنين... عزة واكف بالحديقة ورة الشجره ههههه ليش واكف هنا

عباس... يي ضحكي ضحكي هوة منو البقة ما ضحك علي اسمعي

بنين... شنو

عباس... خلي احجي المهم اسمعي انا طلعت ونسيت تليفوني والمحفظة بغرفتي حبابة جيبيهة

بنين... ليش انا فوت انته

عباس.... والله يصير كتلي دفن ترة انتي ما شايفة الشيخ من يعصب والله يعلكني بشجرة هاي

بنين... ههههه اوك انتضر
دخلت للبيت اضحك صار بوجهي الشيخ