أحببتكَ وسط ثورهَ تشرينَ

بارت/2

ليان: كعدت الصبح ع صوت المنبه يااااعزاااا ووووييييي ولك تأخرت ع الامتحان كعدت اركض ركض ع سريع بدلت واخذت جنطي ونزلت للدوام
نزلت صباحوووو ماماااا حطلع اني متاخره
الام حياة: ولججج انتي دومج مخبوصه ومتاخره لج تره شعرج ممسويته هههه
ليان:  نتبهت ع شعري كعكه مخربطه بس اني حلوه كلش جمالي حاد باوعت لنفسي الكعكه المخربطه تجذب اكثر ههه فديتني شحلوه حته اني ومخربطه ساعه صافنه ع نفسي واشمر بوسات
الام: لججج مشيي عاد مو متاخره
ليان: ياااا هاا ييييي بيباااااي
طلعت اركض وامشي بشارع واضحك ع روحي فجأه
سياره سررريعه جتي عليه ووكفت عد حد رجلي
ليان: بصدمه ماماااااا
بطل القصه:
هلو احب اول شي اعرفكم ع نفسي اني اسمي سيف عمري 23 سنه وحيد اهلي امي دكتوره وابويه دكتور واني طالب جامعي مرحله ثالثه طبعا عكس اهلي مااحب ادرس ابد وكوه وصلت للجامعه بالعراك هههه لان طبعي اني احب السفر وماحب الاستقرار احب اتنقل بلد الى بلد واعيش حياتي اتونس ومامختلط بجنس حواء ابد طبعي حاد ومو بسهوله احب طبعاً ادرس اني علوم بايلوجي
كعدت الصبح كل عاده طبعي احب اكعد من وكت كلش ماحب اكعد متاخر حتلو ماعدي شي اكعد ب 6 او ب7 الصبح كل يوم نزلت جوه اهلي مو بلبيت اخذت دوش وشربت عصير برتقال. طلعت ع بلكونه الله جو حلو اليوم اخذت نفس قوي. احنه من بغداد المنصور بتحديد شويه خابرني صديقي
احمد: الوووو
سيف:  الو هلا احمد شونك
احمد: والله زين تسلم ولك عرفتك جنك ديج كاعد من صباحيات رب العالمين اكلك اكيد جاي تقره قرأن
سيف:  نجب واسكت غير اني نشيط ثانيا قرأن لا تستهزء لا بنعال
احمد: هههه لك دتعال انطيك اختي لك والله مثلك هاي جنهه ديج تكعد من ال6
طبعا شقاهم احمد وسيف دائما ع اخت احمد هيه اكبر من سيف بهواي واحمد يريد يضحك ويشاقه ويه سيف وينطيها اخته

بقلم ………… @ZA_3NO
احمد:  تعال مشي تعال عليه نروح نتريك بمطعم ونطلع للدوام
سيف:  بربك محاضره اليوم ب10 ونص عدنه مستحيل هسه اروح للكليه بس اجي عليك نطلع شويه تحضر
سيف:  بدلت وحضرت روحي واخذت السويج وسحبت من فلوسي ورقه اليوم اريك احمد هههه ونزلت داغني ويه روحي واضحك ع احمد واخته كلت للشوفير يجيبلي السياره جابهه صعدت وطلعت قوي وامشي وعليت الاغنيه اغنيه محمد السالم الجكاره " وفجأه محسيت الا البريك ميجي ويايه. يمعود ع بختك يسياره اوكف شويه وطلعت كدامي بنيه شايلا جنطتهه وتركض ركض وممنتبهه ع شارع
ليان: غمضت عيني قوي ياربي بس لا اموت عزاا اذا اموت منو ياخذ تلفوني منو ينام بغرفتي
سيف:  نزلت من السياره مصدوم هاا اختي سلامات خما صارلج شي تقربت عليهه وهيه مغمضه وتحجي ويه روحهه
ليان: نتبهت ع نفسي فتحت عيني ياربي لو جنت مفاتحتهه ملاك كدامي مو بشرر اخخخ ياربي شهل جمال مواصفات سيف/ طويل جسمه رياضي سماره كلش حلو عيونه خضر وشخصيته وعطره اخذ كل عقلي
سيف:  ضليت مصدوم هاي شبيهه هيوو يبنيه شبيج صافنه كوليلي صارلج شي؟ اسف لان البريك متحرك ويايه
ليان: هوه يحجي واني مثل المطي صافنه بنص وجهه بعدين نتبهت ع نفسي هاا احممم اخخخخ رجليييييييي كمت اصيح رجلي حته يضل واكف يمي
سيف:  فززتيني وربي شبيجج الصمي صوتج لتعلي عليه هسه جنتي صافنه مابيج شي
ليان: يعني فوكما دعمتني فوكاهه تصيح عليه اسمع لك والله اموتك اسحلك سحل افتهمت
سيف: لجج عليمن هيج تحجين باعي اني ماعدي طبع اتعارك جنس حوى واي شي منهم ماريده وع فكره عدلي شعرج هذه الناقصه جداحه بعدين تعالي عليه امشي بابا ع دروسج يلا عفتهه ومشيت
ليان: عزاااا شكد حقير هذه عابت هشكل اي والله كبووررر اني اعلمك يارب تندعم وتموت كبووررر كرهته حيل وفتحت شعري داسوي من جديد
سيف: مشيت واباوعلهه من جام السياره فتحت شعرهه طويل وكلش حلو ومعصبه بس الصراحه جمالهه حاد كلش ولسان عجبتني هههه فريسه لاحمد هاي مو الي بس بعد وين اشوفهه بالحلم
ليان: ضجت وطبيت للدوام شفت الدنيا مخبوصه البنات اعلام بيدهم والمديره تعيط والمدير غايب والاساتذه مخبوصين
زينب: هاي وين بقيتي
ليان:  ردت اموت درت اندعم شكووو هايي شصاير
زينب:  لجججج احنه هم بدينا من اليوم ( ثوره ضد الشغب ) ومدرستنه من ضمن قاعه انتخابيه واحنه مراح نسكت
وبدت هاي الاعلام تتحرك والطالبات يصيحون ويطلعون من باب المدرسه واصياح واصياح وبده العدد يكثر وويانا طلاب من غير مدارس وبدينا نصيح كلا كلا للدوام ماكو وطن ماكو دوام
واني استمريت وياهم عفت جنطي بالكاع وركضت اخذت علم ولفيت واحد براسي واخذت ثنين بيدي اني طبعي بنت قويه كلش مو لسان لا بس قويه واخذ حقي من بين ميت بشر وبديت اصيح وياهم وامشي اول وحده واقودهم ويايه وبدينه شويه شويه نوصل يم محلات نخليهم يعزلون نوصل يم ناس يطبكون وياناا
………………
للقصه بقيه ياترى شراح يصير وشون رح يرجعون يلتقون سيف وليان ومنو يموت؟