أحببتكَ وسط ثورهَ تشرينَ

بارت/7

احمد: بهاي الاحداث والهوسه واهل التكتك مستمرين ينقلون بجرحا والاسعافات تشتغل ولمحت سيف مشتعل بدخانيه بصدره ركضت مثل المخبل عبالك ابني الاصغير سيف شكد مااعزه واحبه ركضتله من بين الشباب والمضاهرين واصيح بي واعيط ع اهل التكتك
سيف: بهاي اللحضه اسودت الدنيا بعيني والدخان بحلكي ومن صدري وماتخيلت احد ابد غير ابالي صوره امي كدام عيني وليان؟ اي ليان صارت ابالي وصورهه بوجهي هيه وامي ومحسيت بشي بس وكعت من طولي وغمضت ونطقت الشهاده
احمد: ركضت ع سيف شلته بحضني وشباب المضاهرين جابو ببسي ويغسلون بي سيف ونقلو من حضني اخذو للتكتك وللمستشفى واني عفت كلشي واركض وراهم ورحت ويا رحنه طبينه جوه المستشفى عباره عن ريحه بارود وحرك ودخان والجثث بالكاع والجروح بكل مكان دخلنه سيف جوه ونزل ابو سيف من الطابق الثاني ديشوف مريض لزمته لكككك عمي سيف الحك سيف عليك الله خل يعيش ساعده خل يعيش
ابو سيف: اني مصدوم بهل ناس التموت ومابيدي شي اساعد احد بكل مابوسعي احاول واحاول واجيب واركض منا ومنا واعالج بناس ونبجي عليهم الى ان لمحت احمد من بين الناس يلطم ويبجي ويركض يحجي يهز بيه اني بالي بس يم سيف؟  واصيح بي لككك شبيييي بس فهمني وينه وينه سيف؟
احمد: جوه جوه بالغرفه بس طبله شوفه خل يعيش
ابو سيف:  ذبيت من ايدي الادويه مال مريضه وركضت لابني واحس كمت ارجف ونسيت شسوي وشون ابدي اعالج طبيت شفت سيف حالته خطره كلش صحت بصوت حضروووو غرفه العمليات بسرررررعه
ليان: ابو التكتك وصلني للبيت واني بالي كله هناك ومجاي اكدر اتحمل اضل ساكته وماسوي شي وجبرني سيف ارجع ولاول مره احس روحي عندي نقطه ضعف الي هوه سيف وماكدر اكسر كلمته طبيت للبيت شمرت نفسي ع جربايه وصافنه وكمت ادعي وابجي بدون داعي حسيت بكلبي يوجعني وماعرف شصار ويايه بهاي اللحضه متت بجي من لا شي دااحس رح يصير وافقد شخص كمت اخذت المصلايه والسبحه والقران ونزلت للاستقبال بديت اصلي وادعي وابجي شويه واتصلت غسق
الوووو لج لياان نتي وين
ليان: بقهر:  اني بلبيت ليش ؟
غسق: لججججج سيف نضرب بدخانيه ونقلو للمستشفى ومحد راح ويا احمد مدري وينه
ليان بصدمه: شنووووووو لجج شتححينننن لطمت ع وجهي حيل وماعرف شصار بيه بديت ابجي بحركه عزالله شسوي هسه وين انطي وجهي وين اروح لبست ع سريع وبدون علم اهلي فتحت باب الشارع وكمت اركض بس ماعرف وين اروح؟  ضليت اركض الى ان طلعت من الشعب كلهه ووصلت شارع العام وكفت تكسي وكتله وين يودون جرحه المضاهرين وديني
وصلت للمستشفى طبيت مثل المخبله اعيط وابجي وادور ع سيف سألت الممرض ونطيته اسم سيف وكالي انو هوه بالعمليات ووالد سيف مسوءل ع العمليه بطابق الثاني. ركضت ع درج وصعدت وصلت شفت احمد وولد عم وخوال سيف اهنايه نصدمت هسه اني شنو الرابطني بسيف؟ وماكو شي بينه شكوللهم اني منو طبيت لغرفه اخذت لابكوت احد الممرضات ولبست كمامه وعدلت شعري ومسحت عيوني وحضرت نفسي كممرضه وطلعت رحتلهم وكلت لاحمد
السلام عليكم:  شون صار حال المريض ممكن التفاصيل
احمد: عليكم ااسلام والله يادكتوره ( حجالي السالفه كلهه ونو هوه هسه بعمليات) هوه يحجي واني مادري احساس غريب وبديت ابجي بحركه واحمد صافن يكول هاي شبيهه
صححت موقفي وحجيت يي والله احنه 24 ساعه نعالج بناس ونبجي عليهم شنسوي
كعدت ع صفحه وادعي بكلبي وانوب ماكو بيدي شي اسوي حته اكدر اخلي يعيش؟  لعنت كلشي بدنيا ودراستي المكملتهه حته اكدر اكون طبيبه ناجحه وبهيج مواقف وحالات ماا اتوتر واعالج اني اطمئن بنفسي ضليت ادعي الى وره ساعه فتح كلوب اخضر ونفتح باب صاله العمليات وركضو الكل وبهل اثناء ماضل الي مجال ومكان حته افهم شصار ضليت الوووب والوب يارب بس طمني بس اعرف شصار وره شويه مشه ابو السيف وكالي ابساع لغرفتي اشرالي عباله صدك ممرضه اني؟  نلاصت يحضي خل اشوف اروح مشيت ورا وكل سه التفت ورايه دشوف شيحجون وشصار
طبينه لغرفت ابو سيف : تبريد بارد وهدووووء وجو حلو وميز ولابتوب وغراض حجيت بصوت ناصي. تفضل دكتور
ابو سيف:  اول شغله اريد اهتمام 24 ساعه بالمريض سيف ومدارا راتبج ازيده وروحي جيبي هالعلاج من بره لان احنه ماعدنا هذه النوع من الادويه وتعالي يمي بساع
ليان: حجه واني بالي اساله شون صار هسه يكول نتي سعليج وووف ياربي شسوي طلعت بره وبيدي المكتوب علاجه اجيبه لابو الدكتور مشيت بالممر شفت ممرضه ثانيه صحتهه وكتلهه جيبي هذه من بره لدكتور بساع وهيه عبالهه اني دكتوره سمعت كلامي بكل طاعه ههه واني رجعت ركض ع سيف طبيت الممر شفت ناقلي لغير غرفه ضليت ادور ع سيف وشفت احمد رحتله هلو احمد شونك والصراحه …… حجيتله كلشي انو اني ليان صديقه سيف ومو ممرضه ولا دكتوره واحمد كالي سيف سووله فتح صدره وطلعو الدخانيه وهسه هوه بخير بس مبنج وميكدر يتحرك ويريد مدارا وراحه واني رح اطلع اجيبله كم فاكهه وشغلات وفتامينات يمه
ليان: تسلم احمد طمنتني اشكرك
احمد; ولووو تدللين بس اشردي لا يلكفج عمي ويكلج وين الدوه هههه
ليان: ههه ي والله تورطت
احمد راح واني اريد اشوف سيف حته اطمئن اكثر فتحت الباب ع كيف. وسيف نايم وصوت كلبه يدك بجهاز بجيت من شفته تقربت علي وبست راسه ع كيف ولزمت ايده سيف يروحيي كوم كوم خلي نضل سويه لتعوفني وابجي
سيف:  حسيته تحرك شويه وبده يستجيب ويايه ويحرك اصابعه فرحت كلش وتقربت علي اكثر حجيت بصوت ناصي لك سيف المغرور اكعد خل نتعارك. بس سيف رجع نام وميحرك شي بعد كعدت نص ساعه تقريبا يمه وراهه كمت دروح للبيت وصلت البيت طبيت جوه لكفتني امي وشافت دموعي عيوني مورمه وحالتي حاله
خياة:  بتعجب لج وين جنتي انتي مو جنتي نايمه؟ وهاي شنو حالتج تعاي حجيلي انتي بيج شي ليش هالايام نو ع بعضج احجيلي ماما ولتضمين عليه
ليان: حضنت ماما وبجيت بكل حسي وصوتي وذبيت روحي بحضنهه وضليت اشم بيهه وابجي لجج ماما خطيه والله خطيه ماعده احد بهل دنيا محد اله بس امه وامه عافته وماتت ماما والله حبيته ماريد اعوفه والله احبه
ام ليان: شفتهه حالتهه حاله تبجي بحركه بجيت وياها حضنتهه يروح امج بس فهميني شكو شصاير منو هذه
ليان: اني صحيح قويه وماخاف بس هشي يم اهلي ممنوع ماكو يمهم شي اسمه حب وراه زواج لا ممنوع الحب صحيح عدي حريه شخصيه وحريتي بكل شي الا هشي ممنوع انتبهت ع نفسي اني شحجيت وشخبصت كبل صححت الموقف وكتلهه صديقتي غسق مالهه احد وتصوبت وهيه امهه ميته صححت موقفي وصعدت لغرفتي بجيت اكثر واخذت دوش وضليت كاعده وصافنه

بعد مرور اسبوع ………………

سيف: كعدت صحيت اني بالمستشفى وحجولي الصار كله واحمد حجالي سالفت ليان وضحكت عليهه هاي صدك خبله بس الدكتور نبهني وكالي اي شي ثكيل متشيل لان ايدك اليمين معرض للخلع اذا صار اي شكال وكعه او شلت ثكيل او تعرضت لحادث او عركه ايدك تنخلع ومتتحرك تفقد الاعصاب نهائياً  افتهمت كلام الدكتور كله وطلعت من المستشفى وابويه ذبح ذبيحه وعزم كل الدنيا البيت هوسه وناس وبنات خالاتي وعماتي باطرافي والصراحه عرضت عليه زواج وحده بيهم استغربت ورفصتهه هيه صارحتني واني مقبلت بيهه والسبب مجهول ماعرف احس احساس غريب من احمد يجيب طاري ليان
العصريه بعد ما الكل راح ضليت اني واحمد بلبيت ابويه اطمئن عليه وحلفني ميت قران ماروح للتحرير مره ثانيه وسافر لدبي عده شغل
احمد; لك سيوف كواد تعال اشو حجيلي هاي الصكاره منيه خرب موش بنيه ضيم لك ردت اختصبهه الا شويه
سيف:  هوه يحجي واني مبتسم واصبلي عصير برتقال من حجه هيج فار دمي كله وصرت نار وضربت الكلاس بالكاع ولزمت ياخته احمدددددد لتحجيييي هيججججج هاي مو بنت ليل هاي مو مثل الجنت تروحلهم افتهمت
احمد مصدوم: ولك قزرقط شبيك فززتني لا عمي الابنيه شريفه وع راسي بالقران اصلا مشفت منهه شي موزين الابنيه من صدك بنت اصول
الاثنين هدئو وره شويه حجه احمد
اكلك 🤨🙁 اخاف حابهه ولك وربي تحبهه
سيف بتعجب:  حب؟  لك يا حب لا مااعتقد بس تدري مشتاقلهه
احمد:  دنجب لعد تحبهه والله كوم كوم بدل وروحلهه خل تشوفك وشوفهه
ليان: الدنيا عصر واني كل يوم جنت اطمئن ع سيف شلون؟ من اشوفه مكنك ع فونه ارتاح واضن انه بخير فديوم اخذت دوش وطلعت للفرع دزيت طفل ساعه اتوسل بي حته يروح يشتريلي هههه واخيرا راح نطيته فلوس وكعدت انتضره وماما وبابا طالعين ع بيت خالي المهم شويه وندك الباب اجه الطفل فتحت الباب دنكت بسته عفيه حبيبي عاشت ايدك هههه شنوو هاي جايبلي اشكال الوان
الطفل ; لا خاله مو اني هذه فلوسج وهذاك العمو شتراهم ونطاهم الي اجيبه الج
ليان : ياااا منووو؟ طلعت راسي شوي بعد وشفت سيف. واكف ومرتجي ع سيارته ويهز بسويج ويضحكلي عزاااا سييييف. الحمدلله ياربي هوه بخير اني لابسه تراك قصير وردي وشعري فاتحته ضليت اكمز مثل الطفله واضحك اشو سيف خنزرلي وراح؟
ليان؟ وي هذه شبي ولويش راح؟

للقصه بقيه ………… تصويتتت 😭♥️