أحببتكَ وسط ثورهَ تشرينَ

بارت /8

سيف:   قنعني احمد اروح اشوف ليان واني كلش متحمس مااعرف ليش لاول مره احس رح يضحكلي الحياه من جديد ومادري شحس باتجاه ليان؟ عفت احمد ومبتسم وصعدت لغرفتي اخذت دوش ولبست تراك اسود ادايدس وباته ابيض وساعه عطر واخدت فلوسي والسويج وطلعت
احمد من تطلع اقفل الباب وراك اني جوز اتاخر
احمد ; دنجب خليني متمدد جوه السبلت عود ارجع انتضرك حته نطلع للكوفي
سيف:  ضحكت ع احمد وطلعت بسياره وصلت فرعهم ودخلت السياره ونزلت شفتهه واكفه تحجي ويه طفل صغير ومدنكه بوجه الطفل استغربت؟ شبيهه ونوب الطفل اجه يركض وكفته كتله حبيبي شتريد منك خاله ليان؟ الطفل كالي نطتني فلوس اشتري الهه سيف ديالله نطيني الافلوس وتعال ويايه رحت للمحل اني ومخليت شي مشلته اشكال الوان كاكاو جباسه نساتل اشكال ووياهم خليت علج ابو سهم اني احبه ونطيته للطفل وكتله روح عمو نطي ل ليان
نوب طلعت هيه واخذت من ايده وشافتني بس اووف من شفتهه حتركت حرك معقوله؟ هاي هيجي تطلع بره؟ بتراك وبدون شال اعرفهه مو محجبه بس مو هيج ابد حسيت هيه ملكي محد يشوفهه غيري كلش ضجت نوب هيه جسمهه نار وتكمز وتطفر شافتني فرحت بس اني ضجت وطلعت بسياره وعفتهه ومشيت
ليان: من راح سيف واني مصدومه يمييييييي لك اخخ هاي شنو اشكال الوان هسه كله اكله ممممم الله شون كاكاوو كاعده اكل وفرحانه كلش وطبعا اني مو قصه شي بس اني مثل الطفله الاصغيره اقل شي ممكن يفرحني واقل شي ممكن يضوجني وكاعده اكل وفرحانه صدفه اذكرت سيف؟ اني ليش من شفته فرحت وطرت من الفرح ضليت بحاله استفهام؟ شديصير ويايه؟ اني ليش هيجي تغيرت
سيف:  رحت للكوفي وخابرت احمد وبقيه اصدقائي. وسويت لمه بالكوفي اليوم نتعشه هنا يجماعه. ونزلنه ع ميز اشكال الوان والتهيت وياهم وشقه وضحك اكو بينه واحد اسمه عماد كلش اضحك ع سوالفه خربت ضحك واحجي بي واضحك الى ان نتبهنه ع ساعه ب 2:40.
سيف:  شباب اني تعبت ونعست لمتكم حلوه بس حروح. طلعت من يمهم ونفسيتي شويه احسن ورجعت للبيت اخذت دوش ونمت

للقصه بقيه ……… 😻♥️