أحببتكَ وسط ثورهَ تشرينَ

بارت/6

ليان: طبيت للبيت وويايه غراضي وجنطي البيت هدوء ماما نايمه وبابا طالع
فرحت صعدت للغرفه اخذت دوش ولبست تراك اسود صيفي وجنت امشي واضحك ع سيف وسوالفه حبيت اعصابه من يعصب اني اضحك نزلت جوه فتحت الثلاجه اخذت ببسي بارد وكاكاو طبيت للاستقبال فتحت التلفزيون شويه وضجت طفيت وصعدت لغرفتي فتحت الشباك وطلعت للبلكون وشفت جوه سيف؟
سيف: هيه طبت واني مابيه حيل احرك ايدي ورجلي تعبت كلش وضايج ومحبيت ليان تروح الصراحه رتاحيت وياهه وحسيتهه اختي مو صديقتي وحبيت طريقه كلامهه و (روحهه) هيه طبت واني ضليت واكف وره شويه نزلت ادخن ووكفت يم السياره وصافن ماعرف شبيه وشنو السبب خلاني مااتحرك؟
ليان: واكف وصافن ياااا هذه شبي شكو ميروح هذه شكد لزكه خطيه قهرني
سيف: شلت راسي اجر نفس قوي وفتحت عيني شفت ليان من البلكون بس لابسه لبس ضيك وشعرهه مفتوح موش بنيه ضيم دنكت راسي
ليان: شافني واني متخوصره ومعقجه حواجبي علي وبكلبي احجي اكله روح وهوه دنك راسه انتبهت ع ملابسي ياااا صخام طبيت وسديت البلكون والبرده
سيف: شلت راسي ختفت ماكو ف حركت السياره وطلعت كبل للتحرير ركنت السياره واذكرت احمد طلعت فوني داخابره فوني ماكو؟ استغفرالله هذه وين راح دورت السياره ماكو عرفت واذكرت من وكعته بديت ادور ع تلفوني هوه بي بصمه ورمز مستحيل احد يكدر يفتحه شويه شويه رحت للمكان الضيعته بي والله ولكيته جوه عربانه مشمور شلته فتحت القفل مكالمات هواي ورسائل ومتابعه ع انستاا من بنيه؟ عفت كلشي ومشيت لاحمد
ليان: كعدت ع سرير ومبتسمه يربي شبيج تخبلتي اذكرت اختي ياااا صخام بعيني ركضت ع تلفون. واتصلت بيهه وحجيتلهه كلشي وع سيف همين ضلينا نسولف للوحده بليل ورتاحيت كلش من كتلهه بس نبهتني ماروح لتحرير بعد كملت اتصال منهه وجعت نزلت اكلت نص الثلاجه وصعدت نمت
سيف: ...... سباق للاحداث
ضليناا بتحرير ويوم عن يوم الناس تكثر والاعداد بدت تزيد والشغب بدت تستخدم اشكال اسلحه ضدناا بس احنه جنه مسالمين وبدينه نسوي اشكال الوان وصياح وعياط حته نكدر نرجع الوطن وبهل اثناء والحالات ليان معافتني ابد وكل يوم جانت تتصل وتسال عن صحتي وبين فتره وفتره اروح اجيبهه من بيتهم لتحرير تكعد يم المطعم التركي تبجي وترجع للبيت وتجيب وياها اكل النه واسعافات اوليه هيه امنيتهه طبيبه عمليات وجراحه فجانت تعرف شويه عن هذه المجال وجانت تعلمني شسوي وشلون الا ان فد يوم صارت مواجهه كلش قويه فد مره لان وصلنه الخضراء ومضل شي نطب البرلمان" ولهذه السبب جان مواجهه حاده واني مسول عن فرقه جيش طلابي وخاصن طلاب الجامعات وويايه ليان
ليان: بيوم خابرتني غسق وفرحانه كالتلي هايهيه مضل شي ورح ننتصر نزلت جوه اركض وبست راس بابا وقنعته وكتله والله مااتقدم ماسوي شي بس اروح خليني اروح رحت ويايه ابويه واخواني ثنين
طبينه للمضاهرات واتصلت ب سيف اجه وغسق وبدينا نصيح ونصيح الا ان بدو يشمرون علينا دخانيات قويه كلش واني جنت واكفه يم تك تك واصيح بيهم وسيف مسافه بعيد عليه ووكع دخانيه قريب مني وراد يضرب ايدي اليمين وطفر عليه سيف وحضني بثنين ايده وسيف بصياح: ليااااانننننن ديرريييي بالجججج وخرررري
ليان: بصدمه ماامااااااا هاي شكوووو
سيف: اني ويه المضاهرين بس عيني ع ليان دقيقه مشلتهه وكلسه اخليهه بين البنات متختلط بشباب المضاهرات لان يصير بينهم احتكاك صرت اخاف عليهه من الهوه من اشوفهه بتحرير اضوج واحترك بس طبعي مابين الهه وبيوم المواجهه القويه حاولت اكون قريب عليهه وحاولت شكد ومن شمرو الدخانيات وحده رادت تجي بيهه عطت بيها ومن كل كلبي رجفت عليهه حضنتهه حيل وحسيت ملكت كل الدنياا ودمعت عيوني عليها كدما جنت خايف وهيه مثل العصفوره بحضني وتعيط وكدرت ماخلي يطخهه الهوه
ليان: فتحت عيني شفتني بحضن سيف هاي شكو شصار
سيف: اششش لتخافين ولا حرف امشي بساع هسه للبيت
ليان: مااااااا والله ماروح مستحيل خليني هنا
سيف: بعصبيه كتلججج للبيتتتتتتت
ليان: نصدمت من عاط بيه وضليت صافنه يااا هذه شبي شعلي بيه
سيف : لزمت ليان من ايديهه قوي وضليت امشي واسحبهه ورايه الا ان كدرت اطلعهه من بين الشباب والمضاهرين واجرت تك تك وكتله حبيبي الغالي يلا كبل للشعب اول فرع ع ايدك اليمنه بيت استاذ علي تنزلهه هناك
ليان: اني مصدومه هذه يعرف عنواني الكامل وشبي يتصرف بغرابه كبوورررر عابت هشكل صيحت بصوتي سيييففف المغررروووررررر انت معليك بيه وتنجب
سيف: محد منجب غيرج مشي للبيت يلااا كلت
صعدتهه كووووه شلعت كلبي وراحت للبيت ورجعت اركض للمضاهريين وبديت اناشد وبصوت عالي والشباب كلهه تحجي ورايه شويه شويه صرت اني اول شخص واكف بالمقدمه ابو الشغب ينبهني ويكلي ارجع ليوره للمره الاخيره احجي
سيف بعصبيه: ههههه لك ابو الشغب اذا رجال بين مراجلك
وضربني بدخانيه محسيت بشي بس دخان اسود يطلع من حلكي وصدري احسه نار محروكه بي شي حارر بصدري

للقصه بقيه ............ تصويت ♥️🥺
ياترى شحيصيررر ومن يموت بيهم؟ ليان لو سيف