أحببتكَ وسط ثورهَ تشرينَ

بارت /4

سيف: طلعت اركض واوكع وانوب اكوم وطلقات ودخانيات بدت تزداد ياربي بس سهل الي اوصل للبيت ياالله
حجي مااعرفه: لك ابني تعال وين رايح هيج متشوف الخبصه ليش رايح بتجاه المدافع
سيف:  حجي لازم اوصل للبيت ضروري كلش خل اموت خل كلشي يصير بس اريد البيت
الحجي: تعال هاك نطاني بطل ببسي اي شي يصير ابني واذا تعرضت لشي اغسل بالببسي
سيف:  ماشي طبعا الببسي نغسل بيهه عيونه من ننضرب بدخانيه
اخذت من ايده وطلعت اركض واركض ووكع تلفوني مرجعلته لان مستعجل شويه شويه كدرت اطلع واوصل يم راس الفرع مالنه واول مادخلت شفت سيارات اسعاف 2 وهوسه وابن عمي يصيح امك سيف امك هنا سودت الدنيا كلهه بعيني وكعدت بنص الشارع واردد واحجي واكول اني سبب بس اني السبب امي امي وين شويه وتحرك سياره الاسعاف ووراهه سيارات ابويه وعمامي واني حسيت بيه وكمت ع حيلي اركض واعيط لج يمااااااا اوكفوووو وواوكع نوب اكوم واوكع الناس التمت عليه يردون يلزموني محد كدر يلزمني ابن عمي حاول يلزمني نشك بلوزي بيده واركض وره السياره مالت الاسعاف هنا كلشي مااكدر افكر واتخيل غير بس سواد كدام عيوني واحس شي كابد ع نفسي ماكدر اتنفس وضليت اركض وره سياره الاسعاف وورايه ولد خوالي وعمامي واني اركض لحد ماتعبت ووكعت بنص الشارع وره شويه صحيت نفسي بالمستشفى
نرجع للاحداث …………
ليان: كعدت بليل جوعانه نزلت جوه اهلي مو بلبيت اخذت دوش وكعدت اكل وافكر بناس الماتت كدامي وره شويه اذكرت فوني رحت جبته فتحت نت شفت دنيا مكلوبه وصور وشعارات بكل مكان. وخابرت زينب مغلق مره مرتين مغلق نوب دخلت رقم غسق اتصلت بيهه مشغوله شمرت الفون لعبت نفسي ووو ياربي اريد ارجع احس اني مو خوش بنيه من كاعده اكل والناس بره تموت نوب كمت غسلت المواعين شتاقيت للحديقه طلعت للمرجوحه واخذت فوني وداكلب بالفيس واشوف صور المضاهرين لمحت من بين الولد نفس هذاك الولد الدعمني بسياره قربت الصوره شفت يوزر الانستا وحفضت اليوزر وضليت اكلب بصور والمحه بيده اعلام وشاد راسه وبفديو يمشي ويصيح لك ابو الشغب انعل يومك ضحكت علي وبديت اسمع اغاني شويه ورحت للانستا خليت اليوزر طلعلي صفحته اسمه سيف محمد وياربي مو صور ضيم موش جمال يكتل كتل رايح اكثر من بلد مسافر وعرفت اهله ووين يسكن ومنو صديقه ضليت اكلب بصوره وراهه طبيت جوه نمت
سيف: كعدت احس لساني ثكيل ماعرف احجي وصوتي ميطلع وشويه الم براسي نتبهت ع راسي ثنين ولد عمامي
عمر: حمدلله ع سلامه سيف كوم اكعد تخربطت ووكعت بنص الشارع
سيف: امي وين اني وين كمت شلت الكانونه ووخرت المغذي امي وين
عمر: اهده سيف اهده خل افهمك اسمعني
سيف:  بقلق شكو احجي؟ هوه يحجي اني بالي مو يمه بالي شون اشرد منه محاصرني
عمر: قبل فتره ياسيف انت جنت مشغوول ومسافر لاوكرانيا امك جانت مريضه واحنه مكنالك مرضهه جان كلش خطير ومحبينه نكلك وابوك شكد ماحاول يعالجهه ومكدر لان المرض مرض الله السرطان؟
سيف:  بصدمه لكككك انت شتحجيييييي لتخليني افلش وجهك اقسم بالله وخر من جذبك وكلي امي وين بلبيت اكيد واني هنا لان نضربت دخانيه
عمر: اهده سيف ماكو شي من الحجيته لا دخانيه لا والدتك بلبيت
امك توفت لان المرض ضرب دمهه ودمهه ملوث واني اسف
سيف:  بهاي اللحضه نهاريت ونهار كلشي بعيني معقوله؟ بعد مرح اشوف امي ولا رح اسمع صوتهه ياربي ليشششششش ليش كل هذه يصيررررر كمت اصيح وافلش كلشي يمي الاجهزه بالغرفه كلهه تكسرت والجام وايدي نزف لزمت عمر من ياخته ولككك خلو اشوفهه كلي هيه وين
عمر: اهده سيف وضربته راشدي حته يصحه شبيكككك امشي يلا دوديك يمهه
طلعنه واني كوه امشي الناس تباوعلي ويبجون حالتي حاله تبجي الصخر ماضال بيه حيل واردد لججج يمااااا
طبيت من باب ثلاجه الموتى. وفتحولي باب وطلعو امي نايمه نايمه مثل الملاك تخبل ضليت حاضنهه وابجي لج يمه ليش عفتيني اني مالي احد بدنيا غيرج لججج يماااا يعني مرح اشوفج بعد يعني صوتج راححح محد بلبيت غيرج
ضليت ابجي لحد ماسحبني الدكتور وامي تغطت بدمي دم ايدي النازف امر الدكتور يغسلوهه من جديد
طلعت شفت ابويه كاعد وايده ع راسه حضنته وبجينه ثنينه
ليان: كعدت الصبح وراسي كلش يأذيني وشويه نزلت جوه صباح الخير ماما
صباح النور يمه
شنو بابا وين
الام: ابوج طلع يجيب ريوك هسه يجي
ليان:  فتريت شويه بلبيت ماكو شي كل عاده روتيني الملل
صعدت للغرفه اتصلت ب غسق ضلينه نسولف وحجتلي الصار ورايه وكالتلي انو راح يبدون يعزون  احد المضاهرين الاقوياء كلش الجان يقود جيش طلاب الجامعه" بوفاة امه
هنا ردت اروح وكلت لغسق شون اقنع اهلي كالتلي نبدي العصر ب 7 يجي
ليان: تحضرت واخذت ويايه جنطه بيهه شويه اكل وفوني وشتركت نت مجاني وخابرت اختي وكتلهه رح اجيج وهيه فرحت عبالهه رح اروحلهه
اخذت غراضي ونزلت جوه ماما رح اروح يم ندى اختي شويه
الام: اي ماما روحي ديربالج ع نفسج
ليان: اسفه كلش صرت هالايام اكذب ع عائلتي بس مضطره وبديت امشي لحد ماوصلت راس الفرع اجرت تك تك وكبل للتحرير
سيف:  رجعنه للبيت اضلم وهدوء واني محبيت اطب للبيت بس ابويه طب واني ضليت بالباب ادخن لاول مره خابرني احمد متخبل وكالي الجماعه والمضاهرين حيسوولك تعزيه تعال ب7
للقصه بقيه …………
ياترى شون وشنو روتين حياه سيف يصير بعد وفاة امه وشون يلتقي ب ليان؟
تصويت القصه واقعيه احبكم 💓