أحببتكَ وسط ثورهَ تشرينَ

بارت /9

يمكن هذه البارت حيكون طويل ميخالف اتحملوهه 😂🙁♥️

ليان: مرت الايام وايام واني تفكيري بسيف بشكل مو طبيعي وضلت احداث الثوره مستمره وكل يوم نسمع اخبار جديده وفاة اعداد كبيره من الناس والضحايا وحرك المطعم التركي والاحداث ضلت مستمره والصراحه بابا مخلاني بعد ارجع للساحه لان مرتين نضربت بيدي واخر مره نضربت طلقه بيدي اليمين وضليت بالبيت ايدي ملفوفه وكل يوم تجي غسق تطمن عليه وعرفت غسق كليه طب مرحله الرابعه واكبر مني هوايه حبيتهه وصرنه خوات مو صديقات واني حاولت انسى سيف واقنع روحي انو هوه مجرد مايكون صديق صارلي بفتره المضاهرات وبما انو اني تصاوبت وبعد صارت عليه ممنوعه طلعت البيت فكلت لازم انسى بس ابد مكدرت ايام وايام كعدت ابجي كدما اني مشتاقه لسيف وسوالفه كل يوم افتح البلكوناا بلكد اشوفه؟ بس سيف مختفي ياربي ليش هيج يمكن اني بديت احبه؟  شنوو ليان ياحب؟ انتي شتحجين بعده كدامج دراستج والكليه وحلمج اذا حبيتي رح ينهدم كلشي خابرت غسق وحجيتلهه كل الديصير ويايه وكالتلي انو سيف مسافر؟ اني هنا نصدمت صدمه وكلت مستحيل شنو مسافر ليش مأجه يودعني ليش مكالي بعدين كلت شنو شبيج ليان قابل هوه شصاير مااطلع من البيت ف سيف صار من الماضي ايام وايام حاولت انسى " واذا اكوللكم نسيته لا اجذب" اصلا يوم بيوم احس روحي حبيته اكثر بحيث اليل كل مانام. احلم بي ومره داتفرج ع صوره بالانستا وعرفته مسافر لهولندا وينشر ستوريات اني اتعلق بي اكثر واكثر ومره دتفرج ع صوره وغفيت وفوني بيدي الا ان فزيت من شعار الساعه ب3:7 فززني شعار لان الفون جان ع صدري واني غافيه كعدت ع شعار وشفت سيف قابل صداقتي ع انستا مو مره دزيتله طلب فرحت كلش وتمنيت يعرفني اني ليان يارب يعرفني اني منو
سيف:  بعدما كعدت الصبح ع صوت انفجار جان كلش قوي بحيث هز البيت كبل قررت اسافر لان اني طبعي احب الهدوء والجو الحلو وبعيد عن المشاكل احب الثقافه واحب الاطلاع وحب المغامره والسفر العراق صار مو جوي ومامرتاح بيهه كل يوم جنت اكعد ابجي ع هذوله المضاهرين وصورت امي وصوتهه متفاركني وخاصن من اني اكون بلبيت اضل احلم بيهه واحسهه عايشه ويايه فديوم خابرت ابويه كام وضلينه نسولف وحاول يقنعني اسافر واغير جو ف كعدت الصبح ع صوت انفجار. طلعت للبلكونا ركض وميبين شي بس الجو غبار ودخان واصوات مضاهرين بعيده طبيت جوه اخذت دوش وحضرت جنطتي وخابرت حجزت اول طياره وطلعت بسياره بس جانت كل ثانيه كل لحضه ابالي ليان اي اني كمت احبهه واتعلقت بيهه هيوو شبيك سيف يا حب انت متحب البنات كلهم جذابين وخاينين ويحبوني عمود فلوسي فقط ميحبوني اني قاطعت سلسله افكاري ودست بنزين حيل ومشيت لمطار كاعد انتضر الطياره وليان متطلع من بالي ف ع سريع رجعت بسيارتي للفرع طبيت شفت بيتهم وشكد دعيت تطلع للبلكون اشوفهه ولو لاخر مره بس مطلعت ضجت وضليت صافن شويه ورجعت للمطار وسافرت لهولندا وبديت اعيش حياتي وتونست وكدرت شويه اخفف تعبي من فقدان امي بس الصراحه؟ ليان اي ليان مطلعت من بالي ابد وبيوم جنت متصل ع نت وداقيم حسابي الانستاا وشفت طلب من وحده اسمهه وحيده؟  قبلت الطلب ودخلت صفحتهه ناشره مضاهرات وكم صوره لابنيه صغيره بس كلش تشبه ليان ملامح الابنيه هاي تقريبا نفس ملامح ليان ونفس مكان الشامه يم شفايفهه ضحكت ع صوره واذكرت خبال ليان ومن تكلي انجب سيف المغرور بعدين شمرت الفون وطلعت بره رحت اصعد هليكوبتر وافتر ب هولندا طبعا سايق تأجره وتصعد ويا يفررك بالبلد بفلوس انما اني ماعرف اسوق طائره 😂