أحببتكَ وسط ثورهَ تشرينَ

بارت /11

ليان: كعدت الصبح كلش جسمي يأذيني يمكن ماخذه برد بس عدج فاينل يا لولو لازم ترحين للجامعه يلا يلا دحجي ويه روحي وكمت اخذت دوش ولبست فستان بينصل اسود وستره بيضه وحذاء بوت  ابيض وجنطه بيضه  وشعري رفعته ذيل حصان وخليت حمره احمرر ناري وطلعت للجامعه
سيف: كعدت واني كلش فرحان ولازم اليوم يتم السالفه واصارح ليان ولبست بنطرون بيجي وبلوزه اسود وحذاء نص بوت اسود وساعه وعطر وطلعت. حركت السياره وشغلت اغنيه نصرت البدر " احلفلي" كلش احبهه
وصلت للكليه قبل الامن يمكن ههه وكعدت انتضرهه
ليان: نزلت وطبيت للجامعه وامشي وبيدي ملزمتي ولمحت سيف يععع هم شفت هذه ابو البنات ميستحي يطلع وياهم عزه وربي كمت حته استحي امشي كدامه اخاف يباوعلي شكد دبسزززز داسبه بكلبي. ومخنزره بوجهه
سيف:  جنت بردان وكاعد اكول اووشححح واباوع ع رايح وجاي وصدفه طبت ليان الماخذه عقلي وكلبي بستايلهه وعطرهه الفواح كمت ع حيلي بس هيه مخنزره بوجهي طبعا لان من وره غاده رحت سلمت عليهه وواكف كدامهه ومبتسم
ليان: شو هذه كام واجالي يمه ياستار يلا اذا خطفني اعيط لالا اضربه اجه وسلم عليه بس ورب كلبي يمه من سلم عليه رجفت وصوته ودي ابوسه اخذت سلامه واريد امشي لازم طريقي
سيف:  طبعا الصراحه ليان اني اني مم اكلج تعاي نطلع لمطعم؟
ليان:  اريد امشي للمحاضره وشبيك احس بحلكك حجي حاب تحجي كول سيف اسمعك
سيف:  التوتر الف وهيه دتزيد توتري. هاا لا نطلع
ليان: باستغراب اي ديالله مشي للكوفي مال الطب هدوء
سيف:  لالا لمطعم بمنصور راقي
ليان: اخ واخيرا سيف طلب مني اطلع ويا يارب والله اني احبه خلي يحبني سيف صفنت وره شويه وافقت
وطلعنه بسياره وهدوء ثنينه ساكتين وصلنه ونزلنه للمطعم هدوء وناس قليلين ومطعم كلش راقي وستايل
بس خايفه من سيف كلش
كعدنه وسيف طلب كهوه ثنين وبده يبتسم اليه وكلي
شحلوه طالعه اليوم
ليان:  ها ي هه شكرا
سيف:  العفوووو
شربنه الكهوه
سيف:  طبعا يا ليان اني ماعرف شون ومنين ابدي وياج واتمنه تسمعيني للاخير وماتقاطعيني
ليان:  بخوف توتر قلق / ي اسمعك
سيف:  بديت احجي ويه ليان كل حرف وكل شي صار ويايه من اول يوم شفتهه لحد هسه وحجيتلهه بخصوص غاده وسوالفهه حته اعرف اذا تحبيني او لا
ليان: يمكن اني بصدمه او بمقلب من سيف لان هوه يحجي واني نهائيا ممصدكه بي من كثر ماماجنت متوقعه سيف يحبني؟ معقوله يارب يعني بده يحبني مثل مااني احبه او يمكن يحبني اكثر من حبي اله
هوه يحجي واني دمعت من كثر مافرحت وطرررررت حسيت الدنيا كلهه ملكي حسيت اني بس بنيه بهل كون وبس اني حبيبت سيف
شعور جان جدا حلو واحساس مستحيل اكدر انسى وسيف هم جان فرحان ومن كلي احبج بجيت ولزم ايدي وكالي لا لولو لاتبجين اني مو رجال اذا بيوم نزلت دمعتج حبيتج حب عوض رباني الله اخذ مني امي نطانياج وانتي ماعرف اوصفج امان راحه حنان طفوله شجنت احلم بالابنيه لكيتهه بيج
ليان: استمرينه كاعدين ونحجي لبعض وشون ايام عشت بدون سيف ومن تصاوبت وتمرضت كله حجيناه وشفت الساعه ب11:8 اووف راح الفاينل سيف
سيف:  ماشي حبيبي كومي نروح
ليان: عيدهه؟
سيف ; اي كومي دنروح
ليان: لالا البعدهه؟
سيف بابتسامه ; حبيبتي
ليان: بخجل الله شحلوه منك
ليان: استمرت الايام واني وسيف جنه كلش واكثر ثنين. يمكن سعيدين وحبنه خيالي جان. كدما بي احترام وحنيه وامان جان دقيقه ميعوفني بالكليه ويايه ويايه حته اغلب محاضراتي يحضرهه ويايه وغاده تخلصنه منهه بس بمشاكل عانينه هواي منهه وزينب صديقتي مسافره طلعت ومتزوجه وغسق ومينا ويانه ضلو واحمد. يمكن ديريد يرتبط ب ميناا حبهه همينه وبيوم جنه كلنا كاعدين بالحديقه العامه ونحجي بعرسنه اني وسيف واحمد يصنف علينا ومينا تكلي يييي تضيعين بالبدله اصلا ميلكاج سيف
سيف:  ههههه عادي لو تضموهه بين الف بدله اطلعهه وغمزلي
خجلت كلش هوايه واني طبعي من اخجل احمر وشافني سيف ضحك وكال غيرو الموضوع خلونه نحجي غير شي وبهل اثناء الجامعه كلهه جانت مستعده لحمله هجوم ع الشغب ويرجعون للخضراء من جديد وبدت الطلاب تصيح والاعلام بكل مكان وطفر من يمي سيف وجاب علم. واستعد وياهم لان هوه اعتبرو ناشط مدني واني خفت كلش وماريد اخسر سيف ابد ضليت اعيط بي وابجي تعال يميييس بربك تعال سيف لتعوفني سيف
سيف:  بدينه باعلام والعصبيه بدمي وبكل دم الشباب ونتقدم لخارج بوابه جامعه المستنصريه وحاصرونه الامن وبدت الطلقات بكل مكان واني بعد من الهوسه والعصبيه والثوار نسيت ليان وماعرف بيهه وين راحت شويه شويه صرت اول شخص واكف بالمقدمه واصيح بيهم. وواحد من الشغب غدر بيه لان جان واكف كدامي. ويكلي اهده وانسحب ابني دكلك انسحب وخر طلابك وانسحب بهدوء واني اتاكدت ماكو بيده شي بس مدري منين ونضربت طلقه بكلبي ووكعت ومحسيت بس بضلام وهوسه وصوت عياط ليان

ليان:  اني ومينا واكفين بنص هشباب وداشوف سيف اشوفه بس بعيد عليه وماكدر اوصله احاول اوصله يدفعون بيه وارجع ليوره و فجاه داباوع ع سيف ونضرب طلقه واني لطمت حيل وعيطت سسسسىييسييف لججج ماااامااااااااااا وبديت اركض وادفع بناس بس اوصل لسيف واكع مدمه ومحد بحاله محد يشيله والرايح والجاي يدوسون ع ايده كبيت نار متت بجي كوه كوه وصلت لسيف وكعت فوكا شلته حضنت راسه سيف سيف لك اكعد لتعوفني سيف بعدين عفته وركضت ع ابو تكتك واجه شال سيف واني وطلعنه للمستشفى واني مادري ب احمد ومينا وين طبينه للمستشفى واركض بسيف وابجي وشويه دخلو غرفه عمليات
كعدت اباب الغرفه وادعي وابجي ياربي جمعتنه اني وسيف لتفرقنه. يارررب عوضتني بي لتاخذه مني ياربي خلي سيف يكوووم وابجي بحركه
وره ساعه طلعت الدكتوره وحجت بقهر ادعيله
ليان:   شنوووووو شدعيله كوليلي سيف وينه
الدكتوره:  اني عالجته وطلعت الرصاصه بس هذه سيف هسه بغيبوبه وانتي وحضج اذا صحه منه وعافتني وراحت
اني صرت بحاله صمود وانجماد وبدون نفس بس اريد استوعب الصار وفجاه تخربطت
للقصه بقيه ………… ♥️
ياترى حيعيش؟ وشنو السبب وليان شحتسوي؟
تصويت 😭